পেৰেনকাইমা

পেৰেনকাইমা হৈছে মগজু বা হাঁওফাঁওৰ দৰে প্ৰাণীৰ অংগ বা টিউমাৰৰ দৰে গঠনত থকা কাৰ্যক্ষম পদাৰ্থৰ ডাঙৰ অংশ। প্ৰাণীবিজ্ঞানত চেপেটা কৃমিৰ ভিতৰৰ অংশ ভৰাই তোলা কলাটোৱেই পেৰেনকাইমা। উদ্ভিদ বিজ্ঞানত ই পাতৰ ক্ৰছ-ছেকচনত কিছুমান স্তৰ থাকে।^১

ব্যুৎপত্তিবিজ্ঞান

পেৰেনকাইমা শব্দটো প্ৰাচীন গ্ৰীক শব্দ παρέγχυμα অৰ্থাৎ “অন্তৰ্নিহিত মাংস’’ৰ পৰা নব্য লেটিন, আৰু παρεγχεῖν parenkhein ৰ পৰা παρα- para- অৰ্থ “কাষত’’ + ἐν en- 'in' + χεῖν ৰ পৰা হৈছে khein অৰ্থ “ঢালি দিয়া’’ৰ পৰা গঠিত হৈছে।^২

মূলতঃ ইৰাচিষ্ট্ৰেটাছ আৰু অন্যান্য শৰীৰবিজ্ঞানীসকলে ইয়াক মানুহৰ কিছুমান কলাৰ বাবে ব্যৱহাৰ কৰিছিল।^৩ পিছলৈ ইয়াক নেহেমিয়া গ্ৰুৱে উদ্ভিদৰ কলাতো প্ৰয়োগ কৰে।^৪

গাঁঠনি

পেৰেনকাইমা হৈছে কোনো অংগৰ, বা শৰীৰৰ টিউমাৰৰ দৰে গঠনৰ কাৰ্যক্ষম অংশ। এইটো ষ্ট্ৰ’মাৰ বিপৰীতে সংযোগী কলা, যিয়ে অংগ বা গঠনৰ গাঁথনিগত কলাক বুজায়।

মগজু

মগজুৰ পেৰেনকাইমা বুলিলে মগজুৰ কাৰ্যক্ষম কলাক বুজোৱা হয় যিটো মগজুৰ দুবিধ কোষ নিউৰন আৰু গ্লিয়া কোষেৰে গঠিত।^৫ ইয়াত কলাজেন প্ৰটিনো থাকে বুলি জনা যায়।^৬ মগজুৰ পেৰেনকাইমাৰ ক্ষতি বা আঘাতৰ ফলত প্ৰায়ে জ্ঞান ক্ষমতা হেৰুৱাই পেলায় বা আনকি মৃত্যুও হয়। পেৰেনকাইমালৈ ৰক্তক্ষৰণক ইন্ট্ৰাপেৰেনকাইমেল হেম’ৰেজ বুলি জনা যায়।^৭

হাওঁফাওঁ

হাওঁফাওঁৰ পেৰেনকাইমা হৈছে হাওঁফাওঁৰ সেই পদাৰ্থ, যি গেছ বিনিময়ৰ সৈতে জড়িত আৰু ইয়াত পালমোনাৰী এলভিঅ’লি অন্তৰ্ভুক্ত কৰা হয়।^৮

যকৃত

যকৃৎৰ পেৰেনকাইমা হৈছে যকৃতৰ আয়তনৰ প্ৰায় ৮০% হেপাটোচাইট হিচাপে গঠিত অংগটোৰ কাৰ্যকৰী কলা। আন প্ৰধান প্ৰকাৰৰ যকৃতৰ কোষবোৰ হ’ল নন-পেৰেনকাইমেল। অ-পেৰেনকাইমেল কোষে যকৃতৰ মুঠ কোষৰ ৪০% কিন্তু ইয়াৰ আয়তনৰ মাত্ৰ ৬.৫% গঠন কৰে।^৯

বৃক্ক

ৰেনাল পেৰেনকাইমা দুটা প্ৰধান গঠনত বিভক্ত: বাহিৰৰ ৰেনাল কৰ্টেক্স আৰু ভিতৰৰ ৰেনাল মেডুলা। স্থূলভাৱে এই গঠনসমূহে ৭ৰ পৰা ১৮টা^১০ শংকু আকৃতিৰ ৰেনাল লোবৰ আকৃতি লয়, প্ৰত্যেকতে ৰেনাল কৰ্টেক্স থাকে আৰু মেডুলাৰ এটা অংশক ৰেনাল পিৰামিড নামৰ অংশটোক আগুৰি থাকে।^১১

টিউমাৰ

এটা কঠিন টিউমাৰৰ টিউমাৰ পেৰেনকাইমা কঠিন টিউমাৰটোৰ দুটা সুকীয়া বিভাগৰ ভিতৰত এটা। পেৰেনকাইমা নিওপ্লাষ্টিক কোষেৰে গঠিত। আনটো বিভাগ হ’ল নিওপ্লাষ্টিক কোষৰ দ্বাৰা প্ৰৰোচিত ষ্ট্ৰ’মা, যিটো পুষ্টিৰ সমৰ্থন আৰু আৱৰ্জনা আঁতৰোৱাৰ বাবে প্ৰয়োজনীয়। বহু ধৰণৰ টিউমাৰত পেৰেনকাইমেল কোষৰ থুপবোৰ এটা ভিত্তি লেমিনাৰ দ্বাৰা পৃথক কৰা হয় যি কেতিয়াবা অসম্পূৰ্ণ হ'ব পাৰে।^১২

চেপেটা কৃমি

পেৰেনকাইমা হৈছে কোষ আৰু আন্তঃকোষীয় স্থানেৰে গঠিত কলা যিয়ে এটা চেপেটা কৃমিৰ শৰীৰৰ ভিতৰৰ অংশ ভৰাই তোলে, যিটো এটা এক’এলোমেট। এইটো এটা স্পঞ্জৰ দৰে কলা, যাক মেচেনচাইমেল কলা বুলিও কোৱা হয়, য’ত কেইবাবিধো কোষ ইহঁতৰ বহিঃকোষীয় মেট্ৰিচত সোমাই থাকে। পেৰেনকাইমেল কোষৰ ভিতৰত মায়’চাইট, আৰু বহু ধৰণৰ বিশেষ কোষ থাকে। কোষবোৰ প্ৰায়ে ইটোৱে সিটোৰ লগত আৰু ইয়াৰ ওচৰৰ এপিথেলিয়াল কোষবোৰৰ লগতো মূলতঃ ফাঁক সংযোগ আৰু হেমিডেছম’জমৰ দ্বাৰা সংযুক্ত হৈ থাকে। প্ৰজাতি আৰু শাৰীৰিক অঞ্চল অনুসৰি পেৰেনকাইমাত কোষৰ প্ৰকাৰৰ বহু তাৰতম্য দেখা যায়। ইয়াৰ সম্ভাৱ্য কাৰ্যসমূহৰ ভিতৰত কংকালৰ সমৰ্থন, পুষ্টিকৰ পদাৰ্থ সংৰক্ষণ, গতিবিধি আৰু আন বহুতো হ’ব পাৰে।^১৩