নৱৰেহ বা কাশ্মীৰী নৱবৰ্ষ কাশ্মিৰী হিন্দুসকলে তথা কাশ্মীৰৰ হিন্দুসকলৰ ভিতৰৰ আটাইতকৈ বেছি কাশ্মীৰী পণ্ডিতসকলে পালন কৰা কাশ্মিৰী নৱবৰ্ষৰ প্ৰথম দিনটোৰ উদ্যাপন। কাশ্মীৰী পণ্ডিতসকলে নৱৰেহ উৎসৱ তেওঁলোকৰ দেৱী দুৰ্গা বা শক্তিৰ আন এক ৰূপ, দেৱী সাৰিকাৰ নামত উৎসৰ্গা কৰে,১ আৰু উৎসৱৰ সময়ত তেওঁক শ্ৰদ্ধাঞ্জলি জনায়। কাশ্মিৰী হিন্দু পঞ্জিকাৰ চৈত্ৰ মাহৰ (মাৰ্চ–এপ্ৰিল) শুক্লপক্ষৰ প্ৰথম দিনটোত এই উৎসৱ হয়।
ইতিহাস
কিংবদন্তি অনুসৰি মাতৃ দেৱী সাৰিকাৰ বাসস্থান আছিল সাৰিকা পৰ্বত (হৰি পৰ্বত) য’ত উদযাপনৰ বাবে সপ্তৰ্ষিসকল গোট খাইছিল। প্ৰথম চৈত্ৰৰ শুভ দিনটোত চক্ৰেশ্বৰীৰ ওপৰত প্ৰথম সূৰ্য্যৰ ৰশ্মি পৰি তেওঁক সন্মান জনোৱাৰ লগে লগে এই মুহূৰ্তক জ্যোতিষীসকলে নৱবৰ্ষ আৰু সপ্তৰ্ষি যুগৰ আৰম্ভণি বুলি গণ্য কৰে। কাশ্মীৰী হিন্দু পৰম্পৰা আৰু জ্যোতিৰ্বিজ্ঞানৰ হিচাপ অনুসৰি এই যুগৰ আৰম্ভণি খ্ৰীষ্টপূৰ্ব ৩০৭৬ চন।
পৰম্পৰা
নতুন বছৰৰ প্ৰাকক্ষণত পৰিয়ালৰ পুৰোহিতে(কুলগুৰু) পিছৰ বছৰৰ বাবে ধৰ্মীয় পঞ্জিকা আৰু স্থানীয় দেৱীৰ এখন পুস্তিকা যোগান ধৰে। তাৰ পিছত প্ৰথামতে ডাঙৰ থাল এখনত চাউল আৰু পঞ্জিকা, পুস্তিকা, শুকান আৰু সতেজ ফুল, ৱাই বনৌষধি, নতুন ঘাঁহ, দৈ, আখৰোট, কলম, চিয়াঁহীৰ পাত্ৰ, সোণ আৰু ৰূপৰ মুদ্ৰা, নিমখ, সিজোৱা চাউল, ঘেঁহুৰ পিঠা আৰু ৰুটি আদি প্ৰসাদ ভৰাই নৱৰেহৰ প্ৰাকক্ষণত ঢাকি দিয়া হয়। নতুন বছৰৰ দিনা পৰিয়ালৰ লোকে একগোট হৈ থালি উন্মোচন কৰি পৱিত্ৰ দিনটোত চায়।
চাউল আৰু মুদ্ৰাই আমাৰ দৈনন্দিন ৰুটি আৰু ধন-সম্পত্তিৰ প্ৰতিনিধিত্ব কৰে, কলম আৰু কাগজে শিক্ষণৰ সন্ধানৰ সোঁৱৰণী, আইনাখনে পূৰ্বদৰ্শনক প্ৰতিনিধিত্ব কৰে। পঞ্জিকাই পৰিৱৰ্তিত সময় আৰু দেৱতাই বিশ্বজনীন ধ্ৰুৱকক সংকেত দিয়ে আৰু সেইবোৰ একেলগে পৰিৱৰ্তিত সময়ৰ স্থিৰতাৰ সোঁৱৰণী। তিতা বনৌষধিটোৱে জীৱনৰ তিতা দিশবোৰৰ কথা মনত পেলাই দিয়ে, ভালৰ কাষে কাষে খোজ কাঢ়ি ল’ব লাগে। তিতা বনৌষধি ‘ৱাই’ সাধাৰণতে আখৰোটৰ সৈতে খালে মিশ্ৰণত জীৱনৰ অভিজ্ঞতাৰ সামগ্ৰিকতা আনে।
প্ৰতীকবাদ এৰাই চলি এই তিতা বনৌষধি সেৱন আমেৰিকাৰ থলুৱা সংস্কৃতিৰ লগতে আমেৰিকাৰ কিছুমান অতিক্ৰমবাদী দাৰ্শনিকেও বিভিন্ন কাৰণত চলাই আহিছে।
থালিখন দেখাৰ পিছত প্ৰতিজন ব্যক্তিয়ে এখন নদীত পেলাবলৈ এটা আখৰোট লৈ যায়। ধন্যবাদৰ চিন স্বৰূপে থালিৰ পৰা আখৰোট নদীত পেলাই দিয়া হয়। তাৰ পিছত পৰিয়ালৰ লোকে মন্দিৰত দেৱীক ঘিউত হালধি চাউল আগবঢ়াই আশীৰ্বাদ বিচাৰে।২
অতিৰিক্ত পঠন
- Toshkhani, S.S. (2009). Cultural Heritage of Kashmiri Pandits. Pentagon Press.
- Robert Sewell. (15 March 2010). The Indian Calendar – With Tables for the Conversion of Hindu and Muhammadan Into A. D. Dates, and Vice Versa. Read Books Design. ISBN 978-1-4455-3119-9
চাওক
তথ্যসূত্ৰ
- ↑ (30 October 2011). Fire in Shakira Temple,kitchen damaged. Indian Express
- ↑ Crump, William D. (2014), Encyclopedia of New Year's Holidays Worldwide, MacFarland, page 114-115
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “নৱৰেহ (কাশ্মিৰী নৱবৰ্ষ)” প্ৰবন্ধৰ সংশোধন ৫৪১০৭৪ (১ অক্টোবৰ ২০২৫)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।