নীৰ্লেপ কৌৰ

নিৰ্লেপ কৌৰ (Nirlep Kaur, ১৯২৭–১৯৮৭) পঞ্জাৱ, ভাৰতৰ এগৰাকী ৰাজনীতিবিদ। তেওঁ চতুৰ্থ লোকসভাত ছাংৰুৰক প্ৰতিনিধিত্ব কৰিছিল।

আৰম্ভণি জীৱন

১৯২৭ চনৰ ১১ আগষ্টত পটিয়ালাৰ ৰাজকীয় পৰিয়ালত নীৰ্লেপ কৌৰে জন্মগ্ৰহণ কৰিছিল৷ তেওঁ চৰ্দাৰ জিয়ান সিং ৰাৰেৱালাৰ কন্যা, যি পিছলৈ পাটিয়ালা আৰু পূব পঞ্জাব ৰাজ্য সংঘৰ প্ৰথম মুখ্যমন্ত্ৰী হৈছিল।^১২ তেওঁ কনভেণ্ট অৱ চেক্ৰেড হাৰ্ট স্কুলৰ পৰা স্কুলীয়া শিক্ষা লৈছিল।^১

কৰ্মজীৱন

কৌৰে আকালী দল-সন্ত ফাতেহ সিঙ দলৰ পৰা টিকট লাভ কৰি চতুৰ্থ লোকসভাৰ বাবে ১৯৬৭ চনৰ ভাৰতীয় সাধাৰণ নিৰ্বাচন প্ৰতিদ্বন্দ্বিতা কৰিছিল। তেওঁ ভাৰতীয় জাতীয় কংগ্ৰেছৰ প্ৰাৰ্থীগৰাকীক ৯৮,২১২টা ভোটৰ ব্যৱধানত পৰাস্ত কৰে।^৩ তেওঁ আৰু পাটিয়ালাৰ ৰাজমাতা মহিন্দৰ কৌৰ হৈছে পুনৰ্সংগঠিত পঞ্জাৱৰ পৰা ভাৰতীয় সংসদত প্ৰৱেশ কৰা প্ৰথম দুগৰাকী মহিলা।^৪ ইয়াৰ পূৰ্বে তেওঁ স্বতন্ত্ৰ পাৰ্টি আৰু পাটিয়ালাৰ মাতা চাহাব কৌৰ বিদ্যালয়ৰ সভাপতি আছিল।^১

কৌৰ শিৰোমণি গুৰুদ্বাৰ প্ৰবন্ধক সমিতিৰ সভানেত্ৰী হিচাপে নিৰ্বাচনত অৱতীৰ্ণ হোৱা প্ৰথমগৰাকী মহিলা আছিল৷ অৱশ্যে তেওঁ পৰাস্ত হৈছিল।^৫ ১৯৮০ চনত পঞ্জাবৰ বিধানসভা নিৰ্বাচনত তেওঁ পায়ালৰ পৰা প্ৰতিদ্বন্দ্বিতা কৰিছিল যদিও কংগ্ৰেছৰ বিয়েণ্ট সিঙৰ হাতত ২,৯৩৬ টা ভোটত পৰাস্ত হৈছিল৷ ^৬

ব্যক্তিগত জীৱন

১৯৪২ চনৰ ১৪ মাৰ্চত চৰ্দাৰ ৰাজদেৱ সিঙৰ সৈতে তেওঁৰ বিবাহ হয়৷ তেওঁলোকৰ তিনিটা সন্তান জন্ম হয়।^১ তেওঁলোকৰ ঘৰতেই চণ্ডীগড়ৰ প্ৰথমটো ছুইমিং পুল সংস্থাপিত হৈছিল৷^৭