নন্দিনী কাশ্যপ

নন্দিনী কাশ্যপ (ইংৰাজী ভাষা: Nandini Kashyap; জন্ম: ১৩ ডিচেম্বৰ ২০০৩) এগৰাকী ভাৰতীয় ক্ৰিকেটাৰ। তেওঁ ঘৰুৱা ক্ৰিকেটত উত্তৰাখণ্ড মহিলা ক্ৰিকেট দলৰ হৈ সোঁহতীয়া বেটাৰ আৰু উইকেটৰক্ষক হিচাপে খেলে।^১২

ঘৰুৱা কেৰিয়াৰ

২০২২ চনৰ নৱেম্বৰ মাহত নিউজিলেণ্ড অনুৰ্ধ-১৯ মহিলা দলৰ বিৰুদ্ধে অনুষ্ঠিত পাঁচখনীয়া টি-২০ শৃংখলাৰ বাবে তেওঁ ভাৰতীয় অনুৰ্ধ-১৯ মহিলা দলত নিৰ্বাচিত হয়। ডিচেম্বৰ মাহত তেওঁক ২০২৩ চনৰ অনুৰ্ধ-১৯ মহিলা টি-২০ বিশ্বকাপৰ বাবে ভাৰতীয় দলৰ বেক-আপ উইকেটৰক্ষক হিচাপে নিৰ্বাচিত কৰা হয়।^৩৪

২০২৪ চনৰ অক্টোবৰ মাহত পণ্ডিচেৰীৰ বিৰুদ্ধে অনুষ্ঠিত ঘৰুৱা টি-২০ ক্ৰিকেটত তেওঁ এটা শতক অৰ্জন কৰে।^৫ ২০২৪ চনৰ ছেপ্টেম্বৰ মাহত তেওঁ উত্তৰাখণ্ড প্ৰিমিয়াৰ লীগত মুছৌৰী থাণ্ডাৰ্ছৰ হৈ খেলিছিল।^৬ নৱেম্বৰ মাহত চেলেঞ্জাৰ ট্ৰফীত বিজয়ী দল ইণ্ডিয়া ই-ৰ তেওঁ অংশ আছিল।^৭

২০২৪ চনৰ ডিচেম্বৰ মাহত অনুষ্ঠিত তৃতীয় ডব্লিউ পি এল (WPL) নিলামত দিল্লী কেপিটেলছ ফ্ৰেঞ্চাইজিয়ে ১০ লাখ টকাত কাশ্যপক ক্ৰয় কৰে।^৮৯

আন্তঃৰাষ্ট্ৰীয় কেৰিয়াৰ

২০২৪ চনৰ ডিচেম্বৰ মাহত ৱেষ্ট ইণ্ডিজৰ বিৰুদ্ধে অনুষ্ঠিতব্য টি-২০ শৃংখলাৰ বাবে তেওঁ নিজৰ ঘৰুৱা দলৰ সতীৰ্থ ৰাঘৱী বিষ্টৰ সৈতে পোনপ্ৰথমবাৰৰ বাবে ৰাষ্ট্ৰীয় দললৈ আমন্ত্ৰণ লাভ কৰে।^১০১১

২০২৫ চনৰ জুলাই মাহত অষ্ট্ৰেলিয়া ভ্ৰমণৰ বাবে ঘোষিত ভাৰতীয় 'এ' দলত কাশ্যপৰ নাম অন্তৰ্ভুক্ত কৰা হয়।^১২