দীপ্তি শৰ্মা

দীপ্তি ভগৱান শৰ্মা (জন্ম ২৪ আগষ্ট ১৯৯৭) এগৰাকী ভাৰতীয় আন্তঃৰাষ্ট্ৰীয় ক্ৰিকেটাৰ। বাঁওহতীয়া বেটিং আৰু অফ ব্ৰেকত সোঁহতীয়া বল কৰা এগৰাকী অল ৰাউণ্ডাৰ। ঘৰুৱা ক্ৰিকেটত উত্তৰ প্ৰদেশক প্ৰতিনিধিত্ব কৰাৰ লগতে মহিলা প্ৰিমিয়াৰ লীগত ইউ পি ৱাৰিয়ৰ্জৰ হৈ খেলে। ২০২৫ চনৰ মহিলা ক্ৰিকেট বিশ্বকাপ, ২০২২ চনৰ মহিলা এছিয়া কাপ, ২০২২ চনৰ এছিয়ান গেমছত স্বৰ্ণ পদক লাভ কৰা দলটোত শৰ্মা অন্তৰ্ভূক্ত আছিল।

আৰম্ভণি আৰু ব্যক্তিগত জীৱন

সুশীলা আৰু ভগৱান শৰ্মাৰ ঘৰত জন্মগ্ৰহণ কৰা দীপ্তি শৰ্মা কেউটা ভাই-ভনীৰ ভিতৰত কনিষ্ঠ। তেওঁৰ পিতৃ ভগৱান শৰ্মা ভাৰতীয় ৰেলৱেৰ অৱসৰপ্ৰাপ্ত কৰ্মচাৰী। ন বছৰ বয়সতে ক্ৰিকেটৰ প্ৰতি আগ্ৰহ গঢ়ি তুলিছিল আৰু প্ৰথমাৱস্থাত তেওঁক প্ৰশিক্ষণ দিয়া উত্তৰ প্ৰদেশৰ প্ৰাক্তন পেচাৰ ভাতৃ সুমিত শৰ্মাৰ লগত প্ৰায়ে অনুশীলন আৰু মেচ চাবলৈ লগত গৈছিল। আগ্ৰাৰ একলব্য ক্ৰীড়া ষ্টেডিয়ামত অনুষ্ঠিত হোৱা এনে এটা অধিৱেশনৰ সময়ত তেওঁ প্ৰায় ৫০ মিটাৰ দূৰত্বৰপৰা ষ্টাম্পত প্ৰত্যক্ষভাৱে আঘাত কৰা বুলি কোৱা হয়, যিটো কাণ্ড তেতিয়াৰ ভাৰতৰ মহিলা জাতীয় দলৰ নিৰ্বাচক হেমলতা কালাই লক্ষ্য কৰিছিল।^১২

২০২৫ চনৰ জানুৱাৰী মাহত শৰ্মাক দক্ষ খেলুৱৈ আঁচনিৰ অংশ হিচাপে ক্ৰীড়া কোটাৰ অধীনত উত্তৰ প্ৰদেশ আৰক্ষীত উপ-আৰক্ষী অধীক্ষক হিচাপে নিযুক্তি দিয়া হয়।^৩

কেৰিয়াৰ

শৰ্মাই ২০১৪ চনত বেংগালুৰুত দক্ষিণ আফ্ৰিকাৰ বিৰুদ্ধে এদিনীয়া আন্তঃৰাষ্ট্ৰীয় খেলত প্ৰথম খোজ পেলায়। এই খেলখন আইচিচি মহিলা চেম্পিয়নশ্বিপৰ অংশ আছিল।^৪

শৰ্মাই পুনম ৰাউতৰ সৈতে ৩২০ ৰানৰ বিশ্ব অভিলেখ গঢ়িছিল আৰু প্ৰথমগৰাকীয়ে ১৮৮ ৰানৰ অৰিহণা যোগাইছিল।^৫ এইদৰে তেওঁ মহিলাৰ ২২৯ ৰানৰ ষ্টেণ্ডিং অভিলেখ (ইংলেণ্ডৰ চাৰা টেইলৰ আৰু কেৰ’লিন এটকিন্সৰ) আৰু এদিনীয়াত ২৮৬ ৰানৰ ষ্টেণ্ডিং পুৰুষৰ অভিলেখ (শ্ৰীলংকাৰ উপুল থাৰংগা আৰু সনথ জয়সূৰ্যৰ) দুয়োটা ভাঙি দিছিল।^৬৭৮ এই অংশীদাৰিত্বই ভাৰতীয় দলটোক চতুৰ্দলীয় শৃংখলাৰ সময়ত পটচেফষ্ট্ৰুমত আয়াৰলেণ্ডৰ মহিলাৰ বিৰুদ্ধে ৫০ অভাৰত তিনিটা উইকেটত ৩৫৮ ৰান সংগ্ৰহ কৰাত সহায় কৰিছিল^৯ য’ত দক্ষিণ আফ্ৰিকাত অনুষ্ঠিত হোৱা দক্ষিণ আফ্ৰিকাৰ মহিলা আৰু জিম্বাবৱেৰ মহিলা দলো অন্তৰ্ভুক্ত আছিল।^৯

২০১৭ চনৰ মহিলা ক্ৰিকেট বিশ্বকাপৰ ফাইনেলত প্ৰৱেশ কৰিবলৈ শৰ্মা ভাৰতীয় দলৰ অংশ আছিল য'ত ইংলেণ্ডৰ হাতত ৯ ৰানত পৰাস্ত হৈছিল।^{১০১১১২} ৮খন মেচৰপৰা গড়ে ৩০.৮৬কৈ^১৩ ২১৬ ৰান সংগ্ৰহ কৰে আৰু খেলা ৯খন মেচৰপৰা ১২টা উইকেট দখল কৰে^১৪ আৰু অষ্ট্ৰেলিয়াৰ বিৰুদ্ধে ৭.১ অভাৰত ৫৯ ৰানত ৩ উইকেটৰ সৰ্বোত্তম বলিং ফিগাৰ লাভ কৰে।^১৫

শৰ্মাৰ কেৰিয়াৰৰ বলিঙৰ শ্ৰেষ্ঠ ফিগাৰ ৬-২০ যিটো তেওঁ ৰাঁচীত শ্ৰীলংকাৰ বিৰুদ্ধে চূড়ান্ত এদিনীয়াত দাবী কৰিছিল।^১৬

ঝুলন গোস্বামীৰ সৈতে ২০১৭–১৮ চনৰ ছিনিয়ৰ মহিলা ঘৰুৱা ছিজনত বংগৰ হৈ খেলিবলৈ অল-ৰাউণ্ডাৰগৰাকীক একে শাৰীতে ৰখা হৈছিল।^{১৭১৮১৯২০} ৬৫.১৩ ষ্ট্ৰাইক ৰেটৰ সৈতে ৬খন মেচত গড়ে ১০৪ ৰান কৰি ৩১২ ৰান সংগ্ৰহ কৰি ছিজনৰ সৰ্বাধিক ৰান সংগ্ৰহকাৰী আছিল।^২১ কলকাতাত বিদৰ্ভৰ বিৰুদ্ধেও দীপ্তিয়ে মুঠ ৯টা উইকেট^২২ লাভ কৰিছিল আৰু ২৬ ৰানত ৩ ৰান সংগ্ৰহ কৰি সৰ্বোত্তম সংখ্যা লাভ কৰিছিল।^২৩

চলি থকা ছিনিয়ৰ মহিলা ঘৰুৱা ছিজন ২০১৮–১৯ত বংগ বৰ্তমান ৰেংকিঙত ২য় স্থানত আছে।^২৪ ৬খন মেচত ৩১৩ ৰান সংগ্ৰহ কৰি বৰ্তমান ছিজনৰ সৰ্বাধিক ৰান সংগ্ৰহকাৰীৰ ভিতৰত আছে।^২৫ ইতিমধ্যে শৰ্মাই খেলা ৬খন মেচত^২৫ তেওঁৰ নামৰ বিপৰীতে ২ শতক আৰু অৰ্ধ শতক আৰু সৰ্বোচ্চ স্ক'ৰ হৈছে বেংগালুৰুত বৰোদাৰ বিৰুদ্ধে ১০৬টা নট আউট।^২৬ ইয়াৰ উপৰি বেংগালুৰুত কেৰালাৰ বিৰুদ্ধে^২৭ ১২ ৰানত ৪ উইকেটৰ সৰ্বোত্তম সংখ্যাৰে ১৩টা উইকেট^২৮ দখল কৰিছে।

২০১৮ চনৰ অক্টোবৰ মাহত ৱেষ্ট ইণ্ডিজত অনুষ্ঠিত হোৱা ২০১৮ চনৰ আইচিচি মহিলা বিশ্ব টি-২০ প্ৰতিযোগিতাত ভাৰতৰ দলত স্থান লাভ কৰে।^২৯৩০ ইংলেণ্ডৰ বিৰুদ্ধে ছেমি ফাইনেলত ভাৰতীয় দলটো ৮ উইকেটত পৰাস্ত হয়।^৩১৩২ প্ৰতিযোগিতাখনত তেওঁ মাত্ৰ ৫টা উইকেটহে লাভ কৰিছিল আৰু আয়াৰলেণ্ডৰ বিৰুদ্ধে ৩ অভাৰত ১৫ উইকেটত ২ উইকেট দখল কৰিছিল।^৩৩

২০১৮ চনৰ জুন মাহত ভাৰতৰ ক্ৰিকেট নিয়ন্ত্ৰণ ব’ৰ্ডে (বিচিচিআই) তেওঁক শ্ৰেষ্ঠ ঘৰুৱা জ্যেষ্ঠ মহিলা ক্ৰিকেটাৰৰ বাবে জগমোহন ডালমিয়া ট্ৰফী প্ৰদান কৰে।^৩৪

২০১৯ চনৰ জুন মাহত তেওঁ কিয়া ছুপাৰ লীগত ৱেষ্টাৰ্ণ ষ্টৰ্মৰ হৈ খেলিবলৈ চুক্তিবদ্ধ হয়। ^৩৫২০২০ চনৰ জানুৱাৰী মাহত অষ্ট্ৰেলিয়াত অনুষ্ঠিত হ'বলগীয়া ২০২০ চনৰ আইচিচি মহিলা টি-২০ বিশ্বকাপৰ বাবে ভাৰতৰ দলত স্থান লাভ কৰে।^৩৬ ২০২১ চনত লণ্ডন স্পিৰিটে তেওঁক দ্য হাণ্ড্ৰেডৰ উদ্বোধনী ছিজনৰ বাবে চুক্তিবদ্ধ কৰে।^৩৭

২০২১ চনৰ মে' মাহত ইংলেণ্ড মহিলা ক্ৰিকেট দলৰ বিৰুদ্ধে একক খেলৰ বাবে ভাৰতৰ টেষ্ট দলত স্থান লাভ কৰে।^৩৮ ২০২১ চনৰ ১৬ জুনত শৰ্মাই ইংলেণ্ডৰ বিৰুদ্ধে ভাৰতৰ হৈ টেষ্ট ক্ৰিকেটত খোজ থয়।^৩৯

২০২১ চনৰ ডব্লিউ বি বি এলত ছিডনী থাণ্ডাৰৰ হৈ খেলে।^৪০ ২০২২ চনৰ জানুৱাৰী মাহত তেওঁ ২০২২ চনৰ নিউজিলেণ্ডত অনুষ্ঠিত হোৱা মহিলা ক্ৰিকেট বিশ্বকাপৰ বাবে ভাৰতৰ দলত স্থান লাভ কৰে।^৪১ ২০২২ চনৰ জুলাই মাহত ইংলেণ্ডৰ বাৰ্মিংহামত ২০২২ চনৰ কমনৱেলথ গেমছত ক্ৰিকেট প্ৰতিযোগিতাৰ বাবে ভাৰতৰ দলত স্থান লাভ কৰে।^৪২

২০২৩ চনৰ ১৩ ফেব্ৰুৱাৰীত মুম্বাইত অনুষ্ঠিত হোৱা মহিলা প্ৰিমিয়াৰ লীগ নিলামত শৰ্মাক ইউ পি ৱাৰিয়ৰ্জক ২.৬ কোটি টকাত বিক্ৰী কৰা হয়।^৪৩ ২০২৪ চনৰ ৮ মাৰ্চত তেওঁ ডব্লিউ পি এলত দিল্লী কেপিটেলছৰ বিৰুদ্ধে হেট্ৰিক কৰা প্ৰথমগৰাকী ভাৰতীয় বলাৰ হিচাপে পৰিগণিত হয়।^৪৪ পিছলৈ শৰ্মাই ২০২৪ চনৰ ডব্লিউ পি এলৰ ছিজনত সৰ্বাধিক মূল্যৱান খেলুৱৈ (এম ভি পি) বঁটা লাভ কৰে।^৪৫

২০২৪ চনৰ আইচিচি মহিলা টি-২০ বিশ্বকাপ^৪৬ আৰু ২০২৪ চনৰ অক্টোবৰ মাহত নিউজিলেণ্ডৰ বিৰুদ্ধে ঘৰুৱা এদিনীয়া শৃংখলাৰ বাবে তেওঁক ভাৰতৰ দলত অন্তৰ্ভুক্ত কৰা হয়।^৪৭

২০২৫ চনৰ মহিলা ক্ৰিকেট বিশ্বকাপ^৪৮ আৰু বিশ্বকাপৰ পূৰ্বে অষ্ট্ৰেলিয়াৰ বিৰুদ্ধে এদিনীয়া শৃংখলাৰ বাবে ভাৰতীয় দলত স্থান লাভ কৰে।

২০২৫ চনৰ মহিলা ক্ৰিকেট বিশ্বকাপত প্ৰতিযোগিতাৰ শ্ৰেষ্ঠ খেলুৱৈ হিচাপে নিৰ্বাচিত হয়,^৪৯ আৰু ৯খন খেলত ২১৫ ৰান সংগ্ৰহ কৰি ২২টা উইকেট দখল কৰি একক বিশ্বকাপ সংস্কৰণত ২০০ ৰান আৰু ২০ উইকেটৰ ডাবল ৰেকৰ্ড কৰা প্ৰথমগৰাকী ক্ৰিকেটাৰ(পুৰুষ বা মহিলা) হিচাপে পৰিগণিত হয়।^{৫০ ৫১}