দিলচাদ ৱাডছাৰিয়া

দিলচাদ ৱাডছাৰিয়া (ইংৰাজী ভাষা: Dilshad Vadsaria; জন্ম: প্ৰায় ১৯৮৫) এগৰাকী আমেৰিকা যুক্তৰাষ্ট্ৰন অভিনেত্ৰী।^১২ তেওঁ বিশেষকৈ এ.বি.চি. ফেমিলীৰ টেলিভিছন ধাৰাবাহিক গ্ৰীকত ৰেবেঁকা লোগানৰ চৰিত্ৰত আৰু ৩০ মিনিটছ অৰ লেছ নামৰ চলচ্চিত্ৰখনত কৰা অভিনয়ৰ বাবে পৰিচিত।

প্ৰাৰম্ভিক জীৱন আৰু শিক্ষা

ৱাডছাৰিয়াৰ জন্ম পাকিস্তানৰ কৰাচীত হৈছিল। তেওঁ গুজৰাটী ভাষা আৰু পৰ্তুগীজ ভাষা বংশোদ্ভূত।^৩ ৬ বছৰ বয়সত তেওঁ পৰিয়ালৰ সৈতে আমেৰিকা যুক্তৰাষ্ট্ৰলৈ গুচি যায় আৰু শৈশৱৰ বেছিভাগ সময় চিকাগো, ৰিচমণ্ড আৰু ফিলাডেলফিয়াত অতিবাহিত কৰে। তেওঁ ডেলাৱেৰ বিশ্ববিদ্যালয়ত অধ্যয়ন কৰিছিল।^২

কৰ্মজীৱন

ৱাডছাৰিয়াৰ পেছাদাৰী অভিনয় জীৱন ২০০৬ চনত টেলিভিছন ধাৰাবাহিক ভেনিশ্বডৰ এটা খণ্ডত অভিনয়েৰে আৰম্ভ হৈছিল। ২০০৭ চনত তেওঁ গ্ৰীক নামৰ টেলিভিছন ধাৰাবাহিকখনত এটা নিয়মীয়া চৰিত্ৰত অভিনয়ৰ সুযোগ লাভ কৰে।^৪ ইয়াত তেওঁ জেটা বিটা জেটা ভগ্নীসকলৰ ভিতৰত অন্যতম ৰেবেঁকা লোগানৰ চৰিত্ৰত অভিনয় কৰিছিল।^৫

তেওঁ ৰেপচাৰ নামৰ ছবিখনতো অভিনয় কৰিছিল। ২০১১ চনত ৱাডছাৰিয়া কমেডী ছবি ৩০ মিনিটছ অৰ লেছত কেট ফ্লেনিং হিচাপে অভিনয় কৰে। এই ছবিখনত তেওঁ আজিজ আনছাৰীৰ চৰিত্ৰ চেটৰ যমজ ভগ্নীৰ চৰিত্ৰত আছিল।^৬

তেওঁ এন.চি.আই.এছ.ৰ এটা খণ্ডত শাকিৰা হিচাপে অভিনয় কৰিছিল। ২০১০ চনত তেওঁ বনছ ধাৰাবাহিকৰ পঞ্চম ছিজনত পদ্মা বুথ হিচাপে অভিনয় কৰিছিল আৰু ২০১৫ চনত পুনৰ এই চৰিত্ৰটোত অভিনয় কৰে।^৭ ২০১২ চনত তেওঁ ধাৰাবাহিক ৰিভেঞ্জত এটা পুনঃপৌনিক চৰিত্ৰত কাম আৰম্ভ কৰে।^৮

২০১৫ চনত ৱাডছাৰিয়াক ফক্সৰ ফেণ্টাচী ড্ৰামা ধাৰাবাহিক ছেকেণ্ড চান্সত মেৰী গুডউইনৰ গুৰুত্বপূৰ্ণ চৰিত্ৰটোত অভিনয় কৰিবলৈ নিৰ্বাচিত কৰা হয়।^৯

অভিনয় তালিকা

বঁটা আৰু মনোনয়ন