তুমি যদি কোৱা (Tumi Jodi Kuwa) এখন অসমীয়া ভাষাৰ ৰোমাণ্টিক বোলছবি৷ এই বোলছবিখনৰ পৰিচালনা আৰু সংলাপ চিম্পল গগৈৰ৷ এল এন ফিল্মছৰ বেনাৰত জিতুমণি টেৰণে এই বোলছবিৰ প্ৰযোজনা কৰে৷১ এই বোলছবিত অভিনয় কৰা উল্লেখযোগ্য শিল্পীসকল হৈছে- প্ৰসেনজিত বৰা, জুপিতৰা ভূঞা, মুনমী কলিতা, ৰূপম শৰ্মা, প্ৰিন্স, ভাস্কৰ ৰঞ্জন, ৰঞ্জন দত্ত আৰু কৃষ্ণ৷ বোলছবিখনৰ কাহিনী গৌতম ৰাভাৰ৷ ২০১৩ চনৰ ১৪ জুন তাৰিখে এই বোলছবিখনে মুক্তি লাভ কৰে৷২
কাহিনীভাগ
নতুন প্ৰজন্মৰ ধ্যান ধাৰণাৰ ভিত্তিত বোলছবিখনৰ কাহিনীভাগ ৰচিত হৈছে৷ এই কাহিনীত সংগীতপ্ৰেমী যুৱককেইজনমানৰ নিজৰ গানৰ বেণ্ডক সংগীতৰ জগতখনত প্ৰতিষ্ঠাৰ বাবে কৰা সংগ্ৰাম দেখুউৱা হৈছে৷
সংগীত
বোলছবিখনৰ সংগীত পৰিচালনা কৰিছে চন্দন বেজবৰুৱাই৷ ৩ গীতসমূহ গাইছে জুবিন গাৰ্গ, অনন্যা, দীক্ষু আদি গায়কসকলে৷ ৪
অভিনয়ত
- প্ৰসেনজিত বৰা
- জুপিতৰা ভূঞা
- মুনমী কলিতা
- ৰূপম শৰ্মা
- ভাস্কৰ ৰঞ্জন
- ৰঞ্জন দত্ত
- কৃষ্ণ
কলা-কুশলী
- প্ৰযোজনা-জিতুমণি টেৰণ
- পৰিচালনা/সংলাপ- চিম্পল গগৈ
- কাহিনী- গৌতম ৰাভা
- সংগীত-চন্দন বেজবৰুৱা
তথ্যসূত্ৰ
- ↑ Aiyushman Dutta - Simple Gogoi’s debut film to hit big screens next month. on Sentinel Assam Newspaper
- ↑ Assamese film 'Tumi Jodi Kuwa'. on Sentinel Assam Newspaper
- ↑ Tumi Jodi Kowa and Baralar Ghor. on Rupali Parda News
- ↑ Tumi Jodi Kua - Music. Dhingana.com
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “তুমি যদি কোৱা” প্ৰবন্ধৰ সংশোধন ৫২৫৭৮৫ (২১ জুলাই ২০২৫)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।