ডাহিনী - দ্য ৱিচ্চ

ডাহিনী - দ্য ৱিচ্চ (ইংৰাজী: Dahini: The Witch) ২০২২ চনত ৰাজেশ টচৰিভাৰৰ পৰিচালনা, সুনীতা কৃষ্ণন, আৰু প্ৰদীপ নাৰায়ণনৰ প্ৰযোজনাত হিন্দী ভাষাত নিৰ্মিত এখন ভাৰতীয় অতিপ্ৰাকৃতিক থ্ৰিলাৰ ছবি।^১২ ছবিখনত তন্নিষ্ঠা চেটাৰ্জী, জে. ডি. চক্ৰৱৰ্তী আৰু শ্ৰুতি জয়নে গুৰুত্বপূৰ্ণ চৰিত্ৰত অভিনয় কৰিছে।^৩

মুক্তিৰ পিছত ছবিখনে ব্যাপক প্ৰশংসা লাভ কৰে আৰু টাইটান আন্তঃৰাষ্ট্ৰীয় চলচ্চিত্ৰ মহোৎসৱৰ শ্ৰেষ্ঠ বৈশিষ্ট্যপূৰ্ণ ছবি আৰু পেচিফিক বিচ আন্তঃৰাষ্ট্ৰীয় মহোৎসৱৰ শ্ৰেষ্ঠ আন্তঃৰাষ্ট্ৰীয় বৈশিষ্ট্যপূৰ্ণ ছবিকে ধৰি কেইবাটাও আন্তঃৰাষ্ট্ৰীয় বঁটা লাভ কৰে৷^৪ ছুইডেনৰ আন্তঃৰাষ্ট্ৰীয় চলচ্চিত্ৰ মহোৎসৱলৈও ছবিখন মনোনীত হয়।^৫৬৭

পটভূমি

ছবিখন পূব ভাৰতৰ ডাইনী হত্যা পৰম্পৰাৰ আধাৰত নিৰ্মাণ কৰা হৈছে।^৬

অভিনয়

কমলাৰ চৰিত্ৰত তন্নিষ্ঠা চেটাৰ্জী, প্ৰতাপৰ চৰিত্ৰত জে ডি চক্ৰৱৰ্তী, পল্লৱীৰ চৰিত্ৰত শ্ৰুতি জয়ন, চুনিয়াৰ চৰিত্ৰত বদৰুল ইছলাম, ওঝাৰ চৰিত্ৰত মহম্মদ আছিক হুছেইন, উমাৰ চৰিত্ৰত অংগনা ৰায়, ৰিজু বাজাজ আদি অভিনেতাই অভিনয় কৰিছে৷