টাটা ইয়ং

আমিতা মাৰি "টাটা" ইয়ং (อมิตา มารี "ทาทา" ยัง; জন্ম ১৪ ডিচেম্বৰ ১৯৮০) থাইলেণ্ডৰ এগৰাকী বিখ্যাত গায়িকা, অভিনেত্ৰী আৰু মডেল। ১১ বছৰৰ বয়সত এটা ৰাষ্ট্ৰীয় গায়ক-প্ৰতিযোগিতাত প্ৰথমস্থান লাভ কৰাৰ পাছত তেওঁ থাইলেণ্ডত ব্যাপক খ্যাতি অৰ্জন কৰে।^১ তাৰ পাছতে তেওঁ ছচনিৰ সৈতে চুক্তিবদ্ধ হৈ ১৯৯৫ চনত ‘অমিতা টাটা ইয়ং নামৰ প্ৰথম সংগীত এলবাম আৰম্ভ কৰে।^১ এই এলবামটোৱে প্ৰথম পাঁচ মাহতেই এক মিলিয়নৰো অধিক প্ৰতিলিপি বিক্ৰী কৰিছিল।

ইয়াং এতিয়ালৈকে মোট আঠটা ষ্টুডিঅ’ এলবাম প্ৰকাশ কৰিছে—তাৰে তিনিটা ইংৰাজী আৰু পাঁচটা থাই ভাষাত। তেওঁৰ আটাইতকৈ শেহতীয়া এলবাম হ'ল ‘ৰেডি ফ'ৰ লাভ’ (২০০৯)।

তেওঁ তিনিখন চলচ্চিত্ৰত অভিনয় কৰিছে—The Red Bike Story (Jakkayan See Daeng), অ'-নিগেটিভ আৰু প্লাই টিয়েন (টিভি ধাৰাবাহিক ‘‘Wick of the Candle’’)। ইয়ঙে ১৯৯৮ চনৰ এছিয়ান গেমছৰ উদ্বোধনী অনুষ্ঠানত “ৰিছ ফ'ৰ দ্য ষ্টাৰচ” গীতটো পৰিৱেশন কৰিছিল।^১ তেওঁৰ আন্তঃৰাষ্ট্ৰীয় খ্যাতি বৃদ্ধি পায় ২০০৪ চনৰ বলিউড চলচ্চিত্ৰ ধুমৰ ইংৰাজী ভাষা সংস্কৰণৰ শীৰ্ষগীত “ধুম ধুম”, যি ভাৰত, থাইলেণ্ড, ছিংগাপুৰ, মালয়েছিয়া আৰু ইণ্ডোনেছিয়াতো এক নম্বৰত অৱতীৰ্ণ হৈছিল।

২০০০ দশকজুৰি ইয়ং দক্ষিণ-পূৱ এছিয়া, পূব এছিয়া আৰু দক্ষিণ এছিয়াৰ বিভিন্ন দেশত বহুল জনপ্ৰিয় হৈছিল। তেওঁ বহু ৰাষ্ট্ৰীয় আৰু আন্তঃৰাষ্ট্ৰীয় বঁটা লাভ কৰিছিল আৰু সমালোচকসকলৰদ্বাৰা তেওঁক প্ৰায়েই “এছিয়াৰ পপ-ৰাণী” বা “এছিয়াৰ ব্ৰিটনী স্পিয়াৰ্ছ” বুলি অভিহিত কৰা হৈছিল।^২৩

জীৱন আৰু পৰিচয়

টাটাৰ জন্ম বেংককত অমিতা মাৰী জাৰ্মানিয়া ইয়ং নামে। তেওঁৰ মাতৃ থাই আৰু পিতৃ আমেৰিকান; তেওঁৰ পিতৃ টিম ইয়ং ঔহায়’ৰ জেইনছভিলৰ বাসিন্দা আছিল। তেওঁ বেংকক পাটানা স্কুলত শিক্ষা লাভ কৰিছিল। ১১ বছৰ বয়সত তেওঁ নিজৰ প্ৰথম ৰাষ্ট্ৰীয় প্ৰতিভা প্ৰতিযোগিতা ‘নিছান এৱাৰ্ডছ থাইলেণ্ড জুনিয়ৰ চিংগিং কনটেষ্ট’ত বিজয়ী হয়।^১

তেওঁ ১৯৯৭ চনত ‘‘দ্য ৰেড বাইক ষ্ট’ৰী’’ নামৰ যুৱ নাট্যচিত্ৰৰ যোগেদি অভিনেত্ৰী হিচাপে প্ৰথম আত্মপ্ৰকাশ কৰে।^১

টাটাই বহু মানবতা-ভিত্তিক উদ্যোগৰ সৈতে জড়িত হৈ নিজৰ কণ্ঠ দান কৰিছে, বিশেষকৈ ফাদাৰ জ’ মে’য়াৰৰ হিউমান ডেভেলপমেণ্ট ফাউণ্ডেচনৰ এইডছ সম্বন্ধীয় কাৰ্যসূচী আৰু মানৱ পাচাৰ ৰোধ কৰিবলৈ MTV-ৰ EXIT অভিযানত।^৪৫

২০১১ চনৰ ছেপ্তেম্বৰত টাটাই “লেট’ছ প্লে” শীৰ্ষক নতুন গীতটো প্ৰথমবাৰৰ বাবে প্ৰকাশ কৰে, যাক জেলিয়াই লিখি সংগীতায়োজন কৰিছিল। গীতটোৰ সহ-ৰচয়িতা আছিল ভাছি আৰু টাটা নিজে। এই গীতটো তেওঁৰ কামব্যাক ৰূপে ‘ট্ৰু একাডেমী ফেণ্টেছিয়া’ৰ অষ্টম সংযোজনীৰ গ্ৰেণ্ড ফাইনেল কনচাৰ্টত লাইভ ৰূপে পৰিৱেশন কৰা হৈছিল।^৬

চলচ্চিত্ৰসমূহ

• দ্য ৰেড বাইক ষ্ট’ৰী (১৯৯৭)
• অ'-নেগেটিভ (১৯৯৮)
• ধুম (২০০৪)
• বিটাৰ/ছুইট (২০০৯)

এলবামসমূহ

• অমিতা টাটা ইয়ং (১৯৯৫)
• অ’মেইজিং টাটা (১৯৯৭)
• টাটা ইয়ং (২০০১)
• ৰিয়েল টিটি (২০০৩)
• আই বিলিভ (২০০৪)
• ডেঞ্জাৰাছ টাটা (২০০৫)
• টেম্পাৰেচাৰ ৰাইজিং (২০০৬)
• ৱান লাভ (২০০৮)
• ৰেডি ফ’ৰ লাভ (২০০৯)