অনিপৰ্ণ চেলাৰ্মবুৰণাৱোং

অনিপৰ্ণ চেলাৰ্মবুৰণাৱোং (থাই: อนิพรณ์ เฉลิมบูรณะวงศ์; লেটিন লিপি: Aniphon Chaloemburanawong; জন্ম ১৯ মাৰ্চ ১৯৯৪) এগৰাকী থাই অভিনেত্ৰী, মডেল আৰু সৌন্দৰ্য্য প্ৰতিযোগিতা বিজেতা। তেওঁ মিছ ইউনিভাৰ্চ থাইলেণ্ড ২০১৫ বিজয়ী হয়। তেওঁ থাইলেণ্ডৰ প্ৰতিনিধিত্ব কৰি মিছ ইউনিভাৰ্চ ২০১৫ প্ৰতিযোগিতাত অংশগ্ৰহণ কৰিছিল, য’ত শীৰ্ষ ১০ স্থান লাভ কৰে আৰু শ্ৰেষ্ঠ ৰাষ্ট্ৰীয় পোছাকৰ পুৰস্কাৰ লাভ কৰে।^১২

ব্যক্তিগত জীৱন

অনিপৰ্ণ, যাক "নাট" নামেৰে জনা যায়, চিং বুৰীত জন্মগ্ৰহণ কৰিছিল। দৰিদ্ৰ পৰিয়ালৰ বাবে তেওঁৰ শৈশৱতে বিভিন্ন কাম কৰিছিল, যেনে বজাৰত মায়েৰ সৈতে ভাজি বিক্ৰী কৰা। তেওঁ লাম্পাংত জুনিয়ৰ উচ্চ বিদ্যালয় সমাপ্ত কৰে।^৩

তেওঁ ২০১৯ চনত থাম্মাছাট বিশ্ববিদ্যালয়ৰ সমাজ প্ৰশাসন বিভাগৰ পৰা স্নাতক হয়।^৪ এছা মডেল হিচাপে তেওঁৰ পেচা অব্যাহত ৰাখে। তেওঁ ১৭ বছৰ বয়সত থাই ছুপাৰমডেল প্ৰতিযোগিতা ২০১১-ৰ শীৰ্ষ ১০ প্ৰতিযোগীৰ ভিতৰত আছিল।

সৌন্দৰ্য্য প্ৰতিযোগিতা

মিছ ইউনিভাৰ্চ থাইলেণ্ড ২০১৫

অনিপৰ্ণ চেলাৰ্মবুৰণাৱোং ১৮ জুলাই ২০১৫ তাৰিখে মিছ ইউনিভাৰ্চ থাইলেণ্ড ২০১৫ শিৰোপা লাভ কৰে। এই প্ৰতিযোগিতাৰ ফাইনেল ব্যাংককত অনুষ্ঠিত হৈছিল। তেওঁ লাম্পাং প্ৰদেশৰ পৰা প্ৰথমগৰাকী বিজয়ী আছিল।

মিছ ইউনিভাৰ্চ ২০১৫

তেওঁ ২০ ডিচেম্বৰ ২০১৫ তাৰিখে লাছ ভেগাছত অনুষ্ঠিত মিছ ইউনিভাৰ্চ ২০১৫-ত থাইলেণ্ডৰ প্ৰতিনিধিত্ব কৰে। তেওঁ শীৰ্ষ ১০ স্থানত উন্নীত হয় আৰু তেওঁৰ 'টুক-টুক' অনুপ্ৰাণিত ৰাষ্ট্ৰীয় পোছাকৰ বাবে শ্ৰেষ্ঠ ৰাষ্ট্ৰীয় পোছাকৰ পুৰস্কাৰ লাভ কৰে।

চলচ্চিত্ৰ

টেলিভিছন

সংগীত ভিডিঅ'