জোৱা মৰাণী

জোৱা মৰাণী (ইংৰাজী ভাষা: Zoa Morani; জন্ম: ২৯ মাৰ্চ ১৯৮৮) এগৰাকী ভাৰতীয় মডেল আৰু অভিনেত্ৰী যিয়ে বলীউডৰ ছবিত অভিনয় কৰে।^১ তেওঁ চলচ্চিত্ৰ আৰু ৱেব চিৰিজত অভিনয় কৰিছে। তেওঁৰ উল্লেখযোগ্য কামসমূহৰ ভিতৰত অলৱেজ কভি কভি (২০১১), ভাগ জনী (২০১৫), তৈশ (২০২০) আৰু টিউজডেজ এণ্ড ফ্ৰাইডেজ (২০২১) অন্যতম।

মৰাণী চলচ্চিত্ৰ প্ৰযোজক তথা চিনেয়ুগৰ সহ-স্বত্বাধিকাৰী কৰিম মৰাণীৰ কন্যা আৰু চলচ্চিত্ৰ প্ৰযোজক আলী মৰাণী আৰু মহম্মদ মৰাণীৰ ভতিজী। তেওঁৰ খুৰীয়েক লাকী মৰাণী এগৰাকী ফেশ্বন ডিজাইনাৰ আৰু অভিনেত্ৰী।

কেৰিয়াৰ

মৰাণীয়ে ২০০৭ চনৰ ছবি ওম শান্তি ওমৰ সহকাৰী পৰিচালিকা হিচাপে কাম আৰম্ভ কৰিছিল আৰু ২০০৮ চনৰ ছবি হাল্লা বোলৰ বাবেও সহকাৰী পৰিচালিকা আছিল।^২ ছবি পৰিচালনাৰ প্ৰতি তেওঁৰ বিশেষ আগ্ৰহ নাছিল, কিন্তু অভিনয়ৰ সৈতে পৰিচিত হ’বলৈহে তেওঁ এই দায়িত্বসমূহ গ্ৰহণ কৰিছিল।^৩ তেওঁ ২০১১ চনত শ্বাহৰুখ খানৰ প্ৰডাকচনৰ ছবি অলৱেজ কভি কভিৰ জৰিয়তে অভিনয়ত আত্মপ্ৰকাশ কৰে। ২০১১ চনত তেওঁ লেকমে ফেশ্বন উইকৰ সময়ত মডেলিঙৰ কামো কৰিছিল।^২

পৰৱৰ্তী সময়ত মৰাণীয়ে বিক্ৰম ভাটৰ ছবি ভাগ জনীত কুনাল খেমু আৰু মাণ্ডানা কৰিমিৰ বিপৰীতে অভিনয়ৰ বাবে চুক্তিবদ্ধ হয়।^৪ ভূষণ কুমাৰ আৰু বিক্ৰম ভাটৰ সহ-প্ৰযোজনাৰ এই ছবিখন ২০১৫ চনত মুক্তি পাইছিল।

ব্যক্তিগত জীৱন

মৰাণী পৰিয়ালৰ ভিতৰত তেওঁ চলচ্চিত্ৰ প্ৰযোজক কৰিম মৰাণীৰ কন্যা, যিয়ে তেওঁৰ দুই ভাতৃ আলী আৰু মহম্মদৰ সৈতে চিনেয়ুগৰ স্বত্বাধিকাৰী। তেওঁৰ ভগ্নীও চিনেয়ুগৰ সৈতে জড়িত আৰু তেওঁ অভিনেত্ৰী পদ্মিনী কোলহাপুৰীৰ পুত্ৰ প্ৰিয়াংক শৰ্মাৰ সৈতে বিবাহপাশত আৱদ্ধ হৈছে।^৫ তেওঁ এগৰাকী নিজাৰী মুছলমান। ভাৰতত ক'ভিড-১৯ মহামাৰীৰ তীব্ৰ প্ৰাদুৰ্ভাৱৰ সময়ত তেওঁ এই ৰোগত আক্ৰান্ত হৈছিল যদিও পৰৱৰ্তী সময়ত সুস্থ হৈ উঠে।^৬

চলচ্চিত্ৰপঞ্জী

চলচ্চিত্ৰ

ৱেব চিৰিজ

সহকাৰী পৰিচালিকা হিচাপে