জেনিনা গাভাংকৰ

জেনিনা জিওন গাভাংকৰ (ইংৰাজী ভাষা: Janina Zione Gavankar; জন্ম: ২৯ নৱেম্বৰ, ১৯৮০)^১২৩ এগৰাকী আমেৰিকা যুক্তৰাষ্ট্ৰন অভিনেত্ৰী আৰু সংগীতশিল্পী। তেওঁ এগৰাকী পিয়ান’বাদক, কণ্ঠশিল্পী আৰু অৰ্কেষ্ট্ৰা পাৰ্কাচনিষ্ট হিচাপে প্ৰশিক্ষণপ্ৰাপ্ত আৰু ইউনিভাৰ্চিটি অৱ ইলিনয় চিকাগোত থিয়েটাৰ বিষয়ত স্নাতক ডিগ্ৰী লাভ কৰিছিল।^৪৫৬ তেওঁৰ উল্লেখযোগ্য চৰিত্ৰসমূহৰ ভিতৰত আছে শ্ব’টাইমৰ দ্য এল ৱৰ্ডত ইভা "পাপী" টৰেছ, দ্য লীগত শিৱা, দ্য গেটছত লেই টাৰ্নাৰ, এইচবিঅ’ৰ ট্ৰু ব্লাডত লুনা গাৰ্জা, দ্য চিডব্লিউৰ এৰোত মকেনা হল আৰু ফক্সৰ স্লিপি হলোত ডায়ানা থমাছ। ইয়াৰ উপৰি তেওঁ দ্য চিডব্লিউৰ দ্য ভেম্পায়াৰ ডায়েৰিজত কেটচিয়া/টেছাৰ চৰিত্ৰত অভিনয় কৰিছিল। গাভাংকৰে মাইক্ৰ’চফ্টৰ চাৰ্চ ইঞ্জিন আৰু ভাৰ্চুৱেল এচিষ্টেণ্ট মিছ ডিউইৰ চৰিত্ৰতো অভিনয় কৰিছে।

প্ৰাৰম্ভিক জীৱন

গাভাংকৰৰ জন্ম ইলিনয়ৰ জ’লিয়েটত হৈছিল। তেওঁৰ পিতৃ গণেশ "পিটাৰ" গাভাংকৰ আছিল মুম্বাইৰ এজন মাৰাঠী ভাষা অভিযন্তা, যিয়ে স্নাতকোত্তৰ ডিগ্ৰী লাভৰ বাবে প্ৰথমবাৰৰ বাবে আমেৰিকা যুক্তৰাষ্ট্ৰলৈ গৈছিল। তেওঁৰ মাতৃ শ্বান ডেমোহৰা "মোহৰা" গাভাংকৰ আছিল ভাৰতৰে পুনেৰ নিবাসী, যি আধা মাৰাঠী আৰু আধা ওলন্দাজ ভাষা বংশোদ্ভূত।^৭

কেৰিয়াৰ

গাভাংকৰে থিয়েটাৰ, চলচ্চিত্ৰ, টেলিভিছন আৰু অনলাইন মাধ্যমত কাম কৰিছে। তেওঁৰ আটাইতকৈ উল্লেখযোগ্য চৰিত্ৰসমূহৰ ভিতৰত আছে ষ্টাৰ ৱাৰ্ছ বেটলফ্ৰণ্ট ২ৰ মুখ্য চৰিত্ৰ 'ইডেন ভাৰ্চিঅ; ট্ৰু ব্লাডত ৰূপ সলনি কৰিব পৰা 'লুনা গাৰ্জা'; দ্য এল ৱৰ্ডত 'পাপী'; মাইক্ৰ’চফ্ট লাইভ চাৰ্চ ইঞ্জিনৰ মানৱীয় ৰূপ 'মিছ ডিউই' আৰু দ্য লীগত 'শিৱা'। তেওঁ নিয়মিতভাৱে ফানী অৰ ডাই''ৰ চুটি ছবিত অভিনয় কৰে।^৮

২০০৬ চনত তেওঁ দ্য এল ৱৰ্ড ধাৰাবাহিকত এজন নিয়মীয়া শিল্পী হিচাপে যোগদান কৰে আৰু 'মিছ ডিউই'ৰ বাবে ব্যৱহৃত সকলো ক্লিপ শ্বুট কৰে। ২০০৭ চনত তেওঁ চিডব্লিউৰ পাইলট ধাৰাবাহিক ডেশ্ব ৪ কেছত এটা মুখ্য চৰিত্ৰ লাভ কৰে।^৯ ২০০৮ চনত গাভাংকৰে ষ্টাৰগেট আটলাণ্টিছ, গ্ৰে'ছ এনাটমী, এনচিআইএছ, মাই বয়জ আৰু ফেক্টৰী টিভি ধাৰাবাহিকত অভিনয় কৰে। ২০০৯ চনত তেওঁ দ্য ক্লিনাৰ, ডলহাউচ, থ্ৰী ৰিভাৰ্ছ আৰু দ্য লীগৰ লগতে স্বতন্ত্ৰ চলচ্চিত্ৰ মেন, ইণ্টাৰাপ্টেড, ইণ্ডিয়ান গেংষ্টাৰ আৰু কোৱাণ্টাম কুৱেষ্ট: এ কাচিনি স্পেচ ওডিছীত অভিনয় কৰে। তেওঁ কোৱাণ্টাম কুৱেষ্টত নিকিৰ চৰিত্ৰত কণ্ঠদান কৰিছিল। ইয়াৰ পিছত তেওঁ এবিচিৰ ধাৰাবাহিক দ্য গেটছত আন এটা মুখ্য চৰিত্ৰ লাভ কৰে।^১০ তেওঁ চিডব্লিউৰ এৰোত এগৰাকী আৰক্ষী বিষয়া আৰু অলিভাৰ কুইনৰ প্ৰেমিকা হিচাপে উপস্থিত হয়।

গাভাংকৰ এগৰাকী গেমাৰ^১১ আৰু তেওঁ জি৪ টিভিৰ এটাক অৱ দ্য শ্ব'! ত সহ-উপস্থাপিকা হিচাপে কাম কৰিছে। ইয়াৰ উপৰি তেওঁ এপিলিপটিক গেমিঙৰ আপ অল নাইটত ৰক বেণ্ড, বাৰ্ণআউট পেৰাডাইজ আৰু আৰ্মী অৱ টু গেমৰ পৰ্যালোচনাত সহায় কৰিছিল।^১২

২০১১ চনত গাভাংকৰে এইচবিঅ’ৰ ট্ৰু ব্লাডত এগৰাকী চৰকাৰী বিদ্যালয়ৰ শিক্ষয়িত্ৰী আৰু ৰূপ সলনি কৰিব পৰা মানুহ 'লুনা গাৰ্জা' হিচাপে এজন নিয়মীয়া শিল্পীৰ মৰ্যাদা লাভ কৰে।^১৩১৪

তেওঁৰ স্বতন্ত্ৰ চলচ্চিত্ৰ চটেলাইট অৱ লাভ ২০১২ চনত ডলাছ আন্তঃৰাষ্ট্ৰীয় চলচ্চিত্ৰ মহোৎসৱত প্ৰদৰ্শিত হৈছিল। ২০১২ চনৰ ২০ ডিচেম্বৰত জি৪ টিভিত প্ৰচাৰিত হোৱা এটাক অৱ দ্য শ্ব'! ৰ অন্তিমটো সাক্ষাৎকাৰ গাভাংকৰৰে আছিল।^১৫

২০১৩ চনৰ ৩ আগষ্টত গাভাংকৰে দ্য ভেম্পায়াৰ ডায়েৰিজৰ পঞ্চম ছিজনত 'কেটচিয়া' নামৰ এজনী ডাইনীৰ চৰিত্ৰ লাভ কৰে। তেওঁ ধাৰাবাহিক হাজবেণ্ডছৰ তৃতীয় ছিজনতো অতিথি শিল্পী হিচাপে অভিনয় কৰিছিল।^১৬

২০১৪ চনত তেওঁ ভিডিও গেম ফাৰ ক্ৰাই ৪ত অমিতাৰ চৰিত্ৰত অভিনয় কৰে।^১৭ ২০১৪ চনৰপৰা ২০১৬ চনলৈ তেওঁ দ্য মিষ্ট্ৰীজ অৱ লৰাত ডিটেক্টিভ মেৰেডিথ বোছৰ চৰিত্ৰত অভিনয় কৰিছিল।^১৮

২০১৭ চনৰ ইলেক্ট্ৰনিক আৰ্টছৰ ভিডিও গেম ষ্টাৰ ৱাৰ্ছ বেটলফ্ৰণ্ট ২ৰ অভিযান মোডত তেওঁ মূল চৰিত্ৰ 'ইডেন ভাৰ্চিঅ'ৰ ৰূপত অভিনয় কৰিছিল।

২০১৮ চনত তেওঁ দুখন ছবিত অভিনয় কৰে। চানডেন্স ফিল্ম ফেষ্টিভেলত ব্লাইণ্ডস্পটিং মুক্তি পায় আৰু এ২৪-এ দ্য ভেনিচিং অৱ ছিডনী হল বিতৰণ কৰে।^১৯২০

২০১৯ চনৰ শেষৰফালে গাভাংকৰে এপল টিভিৰ দ্য মৰ্ণিং শ্ব'ত পপ সংস্কৃতি বিভাগৰ সহ-উপস্থাপিকা এলিছন নামাজি হিচাপে যোগদান কৰে।

২০২১ চনৰপৰা গাভাংকৰে এবিচিৰ জনপ্ৰিয় শ্ব' বিগ স্কাইৰ দ্বিতীয় আৰু তৃতীয় ছিজনত এটা মাফিয়া পৰিয়ালৰ সদস্য হিচাপে নেতিবাচক চৰিত্ৰত অভিনয় কৰিছিল।

২০২৩ চনত গাভাংকৰে ভিডিও গেম এলান ৱেক ২ত ফেডাৰেল বিউৰো অৱ কণ্ট্ৰোলৰ এজেণ্ট কিৰণ এষ্টেভেজ হিচাপে অভিনয় কৰে। ২০২৪ চনৰ অক্টোবৰত মুক্তি পোৱা 'দ্য লেক হাউচ' ডিএলচিত তেওঁ একেটা চৰিত্ৰতে পুনৰ অভিনয় কৰে।^২১

বঁটা আৰু সন্মান

২০০৮ চনত গাভাংকৰক এছিয়ান এক্সেলেন্স এৱাৰ্ডৰ বাবে মনোনীত কৰা হৈছিল। ২০১২ চনত গাভাংকৰে ছচিয়েল মিডিয়াৰ ক্ষেত্ৰত দেখুওৱা পাৰদৰ্শিতাৰ বাবে গ্ৰেভিটি চামিট এক্সেলেন্স এৱাৰ্ড লাভ কৰিছিল।^২২

বাহ্যিক সংযোগ

• Janina Gavankar profile, Lesbicanarias.es (in Spanish)
• Interview, Rediff.com (September 7, 2007)
• Interview, forbes.com (November 2012)