জেছমিন বাজৱা

জেচমিন বাজৱা (Jasmin Bajwa) এগৰাকী ভাৰতীয় অভিনেত্ৰী আৰু মডেল। তেওঁ প্ৰধানকৈ পঞ্জাবী চলচ্চিত্ৰত অভিনয় কৰে। বাজৱাই পঞ্জাবী ৱেব ধাৰাবাহিক য়াৰ জিগ্ৰী কাছুতী ডিগ্ৰীত অভিনয়েৰে অভিনয় জগতত আত্মপ্ৰকাশ কৰে আৰু ছুৰমাত অভিনয়েৰে হিন্দী চলচ্চিত্ৰত আত্মপ্ৰকাশ কৰে।^১২ তেওঁ শ্বেৰী মানৰ গীত "বাৰ্থডে গিফ্ট"ৰ মিউজিক ভিডিঅʼত অভিনয় কৰিছিল। তেওঁ পঞ্জাবী চলচ্চিত্ৰ দূৰবীণ আৰু গাড্ডী জান্দী এ ছালাংগাঁ মাৰ্দিত মুখ্য চৰিত্ৰত অভিনয় কৰিছিল।

কৰ্মজীৱন

২০১৮ চনৰ ৱেব ধাৰাবাহিক য়াৰ জিগ্ৰী কাছুতী ডিগ্ৰীত অভিনয়েৰে বাজৱাই কৰ্মজীৱনৰ আৰম্ভণি কৰিছিল।^৩ পিছলৈ তেওঁ হিন্দী ছবি ছুৰমা আৰু মনমৰ্জিয়াঁত অভিনয় কৰিছিল।^৪ ২০১৯ চনত তেওঁ পঞ্জাবী ছবি দূৰবীণত মুখ্য চৰিত্ৰত অভিনয় কৰিছিল।^৫

পিছলৈ তেওঁ চুফনা, ফুফ্ফাড় জী, ঘুণ্ড কাড লে নি সোহৰেয়াঁ দা পিণ্ড আ গয়া আদিকে ধৰি আন বহুতো পঞ্জাবী চলচ্চিত্ৰত অভিনয় কৰে। ২০২০ চনত শ্বেৰী মানৰ গীত "বাৰ্থডে গিফ্ট"ত অভিনয়েৰে তেওঁ মডেলিং কেৰিয়াৰ আৰম্ভ কৰে।^৬

জগদীপ সিদ্ধুৰ পৰিচালনাত নিৰ্মিত পঞ্জাবী ভাষাৰ কমেডী ছবি জাট এণ্ড জুলিয়েট ৩-ত তেওঁ দিলজিৎ দোসাঞ্জ আৰু নীৰু বাজৱাৰ বিপৰীতে পাৰ্শ্ব চৰিত্ৰত অভিনয় কৰিছিল। ছবিখন সৰ্বকালৰ ২য় সৰ্বাধিক উপাৰ্জনকাৰী পঞ্জাবী চলচ্চিত্ৰ হিচাপে পৰিগণিত হয়।^৭ তেওঁ ২০২৫ চনত মুক্তিপ্ৰাপ্ত, পাৰ্মিছ ভাৰ্মা পৰিচালিত, ৱেব ধাৰাবাহিক কান্নেডাত অভিনয় কৰিছিল।^৮ এই ৱেব ধাৰাবাহিকখনে জিঅʼহটষ্টাৰ-ত মুক্তি লাভ কৰিছিল।

চলচ্চিত্ৰপুঞ্জী

চলচ্চিত্ৰ

ৱেব ধাৰাবাহিক