জলজাহ

জলজাহ অসমীয়া সাহিত্যিক ৰাজীৱ বৰাৰ এখন পাৰিপাৰ্শ্বিক উপন্যাস। এই উপন্যাসখন ২০২২ চনত অসমৰ এটা প্ৰকাশনগোষ্ঠী বনলতাই প্ৰকাশ কৰিছে। ৯৭৮-৯৩-৯৩৮০৫-৯৪-২ আই এছ বি এন সম্বলিত কিতাপখন মুঠ ২৩২ পৃষ্ঠাৰ। ^১

লেখকৰ পৰিচয়

মূল প্ৰবন্ধ: ৰাজীৱ বৰা

ৰাজীৱ বৰা একাধাৰে এগৰাকী কবি, সমালোচক, সম্পাদক আৰু অধ্যাপক। তেওঁ নাজিৰা কলেজৰ অসমীয়া বিভাগৰ অধ্যাপক। তেওঁৰ এতিয়ালৈকে ৪খন কবিতা পুথি প্ৰকাশ হৈছে। ইয়াৰোপৰি তেওঁৰ সম্পাদনাত বহুকেইখন কবিতাপুথি, প্ৰবন্ধ সংকলন প্ৰকাশ পাইছে। ‘অসমীয়া কবিতা: বিন্দুৰপৰা সিন্ধুলৈ’ শীৰ্ষক সম্পাদিত কবিতাৰ পুথিখন তেওঁৰ উল্লেখযোগ্য কৃতি।^২

কিতাপৰ বিষয়বস্তু

উপন্যাসখন মাজুলীৰ পৰিৱেশৰ পটভূমিত ৰচনা কৰা হৈছে। উপন্যাসখনত নৈ কেন্দ্ৰিক মানুহৰ বিভিন্ন দিশ প্ৰতিফলিত হৈছে। এখন নৈয়ে মানৱ সমাজক অলেখ বস্তু দিয়ে। কিন্তু কেতিয়াবা নৈৰ বিৰূপ প্ৰভাৱো দেখিবলৈ পোৱা যায়। উপন্যাসখনত এই দিশসমূহ প্ৰতিফলিত হৈছে।