ছং কাং

ছং কাং (কোৰিয়ান: 송강; জন্ম: ২৩ এপ্ৰিল, ১৯৯৪) এজন দক্ষিণ কোৰিয়ান অভিনেতা। লাভ এলাৰ্ম (২০১৯–২০২১), ছুইট হোম (২০২০–২০২৪), নেভাৰথেলেছ (২০২১), ফৰকাষ্টিং লাভ এণ্ড ৱেদাৰ (২০২২), আৰু মাই ডেমন (২০২৩–২০২৪) নাটকত অভিনয় কৰাৰ বাবে তেওঁ পৰিচিত। তেওঁ অভিনয় কৰা ধাৰাবাহিকসমূহৰ অধিকাংশই প্লেটফৰ্মত ষ্ট্ৰীম কৰা হৈছিল বাবে তেওঁক "নেটফ্লিক্সৰ পুত্ৰ" বুলি কোৱা হৈছে।^১

কেৰিয়াৰ

২০১৬–২০১৮: আৰম্ভণি

ছং কাঙক ২০১৬ চনৰ ডিচেম্বৰ মাহত প্ৰথমবাৰৰ বাবে নামু এক্টৰচ হিচাপে দেখা গৈছিল।^২

২০১৭ চনত ছং কাঙে দ্য লায়াৰ এণ্ড হিজ লাভাৰ নামৰ এখন ৰোমাণ্টিক কমেডি ধাৰাবাহিকত সহ-ভূমিকাৰ জৰিয়তে অভিনয়ক্ষেত্ৰত অভিষেক ঘটাইছিল।^৩

সেয়া বছৰতেই তেওঁ পৰিয়াল ধাৰাৱাহিক মেন ইন দ্য কিচেনত অভিনেতা হিচাপে নিৰ্বাচিত হৈছিল।^৪

তেওঁ দুটা সংগীত ভিডিঅ’তো দেখা গৈছিল—একোষ্টিক যুগলৰ দ্য এ’ডৰ “ছুইট ছামাৰ নাইট” আৰু গায়িকা ছুৰানৰ “লাভ ষ্ট'ৰী”ত।^৫৬

২০১৮ চনৰ ফেব্ৰুৱাৰী পৰা অক্টোবৰলৈকে ছং কাঙে এছবিএছৰ সংগীত অনুষ্ঠান ইংকিগায়ো উপস্থাপনা কৰিছিল। তেওঁৰ সৈতে উপস্থাপক আছিল ছেভেণ্টিনৰ সদস্য মিংগু আৰু ডিআইএৰ সদস্য জাং চায়ে’য়ন।^৭

তেওঁ বিনোদনমূলক অনুষ্ঠান ভিলেজ ছাৰ্ভাইভেল, দ্য এইটত স্থায়ী সদস্য ৰূপেও ভাগ লোৱা হৈছিল।^৮

এই দুটা কামৰ বাবে তেওঁক ২০১৮ চনৰ এছবিএছ এণ্টাৰটেইনমেণ্ট এৱৰ্ডছত “ৰুকি এৱৰ্ড”ৰ বাবে মনোনয়ন দিয়া হৈছিল।^৯

জুলাই ২০১৮ চনত ছং কাঙে বিউটিফুল ভেম্পায়াৰ নামৰ কল্প-বিষয়ক চলচ্চিত্ৰৰ জৰিয়তে বৃহৎ পৰ্দাত অভিষেক ঘটাইছিল।^১০

২০১৯–বৰ্তমান: জনপ্ৰিয়তাৰ বৃদ্ধি, মুখ্য ভূমিকা, আৰু সামৰিক বিভাগত যোগদান

২০১৯ চনত ছং কাংঙে টিভিএনৰ ফেণ্টেচি মেল'ড্ৰামা ‘‘হ'ৱেন দ্যা ডেভিল কলছ ইয়’ৰ নেম’’-ত জং কিয়ং-হ'ৰ সহকাৰী ভূমিকাত অভিনয় কৰিছিল।^১১

পিছত তেওঁ নেটফ্লিক্সৰ অৰিজিনেল ৰোমাণ্টিক ধাৰাৱাহিক ‘‘লভ এলাৰ্ম’’ৰ মুখ্য ভূমিকাত অভিনয় কৰে, যিটো একেই নামৰ জনপ্ৰিয় ৱেবটুনৰ ওপৰত আধাৰিত।^১২ ছং কাংঙে ৯০০জনৰ অডিচনৰ পৰা প্ৰথম মুখ্য ভূমিকাটো লাভ কৰিছিল।^১৩ তেওঁ এগৰাকী আকৰ্ষণীয় উচ্চতৰ মাধ্যমিক বিদ্যালয়ৰ ছাত্ৰৰ ভূমিকাত অভিনয় কৰে, যি তেওঁৰ বন্ধুৰ গুপ্ত প্ৰেমিকা—কিম চ’হুনৰ প্ৰেমত পৰে।^১৪ ‘‘লভ এলাৰ্ম’’ সেই বছৰৰ নেটফ্লিক্সৰ শীৰ্ষ মুক্তিছমূহৰ অন্যতম আছিল আৰু দ্বিতীয় ঋতুৰ বাবে নবীকৰণ কৰা হৈছিল। সেই বছৰৰ অন্তিম উপস্থিতি আছিল ভাইবৰ ‘‘কল মি বেক’’ মিউজিক ভিডিঅ’ত।^১৫

২০২০ চনত, ছং কাং নেটফ্লিক্সৰ আপোকেলেপ্টিক ভয়ংকৰ ধাৰাৱাহিক ‘‘ছুইট হোম’’-ত মুখ্য ভূমিকাত অভিনয় কৰি জগতজুৰি খ্যাতি অৰ্জন কৰে।^১৬ ‘‘লভ এলাৰ্ম’’ৰ পৰিচালকে তেওঁৰ নাম ‘‘ছুইট হোম’’ৰ পৰিচালক লী ঊঙ-বকক উল্লেখ কৰাত তেওঁ অডিচনত অংশ লয়।^১৬ তেওঁ চা হুন-ছু নামৰ এজন আত্মহত্যা-প্ৰৱণ উচ্চতৰ মাধ্যমিক বিদ্যালয়ৰ ছাত্ৰৰ ভূমিকাত অভিনয় কৰে, যি এপাৰ্টমেণ্টৰ বাসিন্দাসকলৰ সৈতে মিলি ‘‘দানৱীয় মহামাৰী’’ৰপৰা বাচি থাকিবলৈ চেষ্টা কৰে।^১৭ ধাৰাৱাহিকখনে মিশ্ৰ সমালোচনা লাভ কৰে,^১৮ কিন্তু আন্তঃৰাষ্ট্ৰীয়ভাবে ডাঙৰ দৰ্শকসমাজ সংগ্ৰহ কৰিবলৈ সক্ষম হয়।^১৯ মুক্তিৰ একমাহ পিছতে ‘‘ভাৰাইটি’’য়ে প্ৰকাশ কৰে যে ২২ মিলিয়ন নেটফ্লিক্স পৰিয়ালে ধাৰাবাহিকখন চাইছে।^২০ ৫৭তম বেক্সাং আৰ্টছ এৱাৰ্ডছত ছং কাঙক সৰ্বশ্ৰেষ্ঠ নতুন অভিনেতা হিচাপে টেলিভিছনৰ বাবে মনোনীত কৰে।^২১

২০২১ চনত, ছং কাংঙে ‘‘লভ এলাৰ্ম’’ৰ দ্বিতীয় ঋতুত হুৱাং ছুন-অ’ৰ ভূমিকাত পুনৰ অভিনয় কৰে, যিটো ১২ মাৰ্চত নেটফ্লিক্সত মুক্তি পায়। তেওঁ টিভিএনৰ ‘‘নাভিল্লেৰা’’ ধাৰাৱাহিকতো অভিনয় কৰে, যিটো একেই নামৰ ৱেবটুনৰ ওপৰত আধাৰিত।^২২ ইয়াত তেওঁ এজন বেলেট শিক্ষাৰ্থীৰ ভূমিকাত অভিনয় কৰে, যি পিতৃ-সংশ্লিষ্ট মানসিক বোজাৰ বাবে সংগ্ৰাম কৰে আৰু খণ্ডকালীন কাম কৰি জীৱনযাপন চলায়। চৰিত্ৰটোক সঠিক দেখুৱাবলৈ ছং কাংঙে ছমাহ বেলেট শিক্ষা লয়।^২৩

একেই বছৰত ছং কাংএ জেটিবিচিৰ ৰোমাঞ্চধাৰা ‘‘নেভাৰদেলেছ’’ত হান চ’হীৰ সৈতে মুখ্য ভূমিকাত অভিনয় কৰে।^২৪

দৰ্শকৰ দৃষ্টিকোণৰপৰা ২০২১ ছংটো ছং কাঙৰ বাবে সফল আছিল, কাৰণ ‘‘ছুইট হোম’’, ‘‘লভ এলাৰ্ম’’ আৰু ‘‘নেভাৰদেলেছ’’ ক্ৰমে নেটফ্লিক্সৰ বিশ্বব্যাপী পঞ্চম, ষষ্ঠ আৰু অষ্টম স্থানত আছিল।^২৫

২০২২ চনত ছং কাং জেটিবিচিৰ ‘‘ফ’ৰকাষ্টিং লভ এণ্ড ৱেদাৰ’’ত পাৰ্ক মিন-ইয়ঙৰ সৈতে অভিনয় কৰে।^২৬

২০২৩ চনত, ছং কাং নেটফ্লিক্সৰ ‘‘মাই ডেমন’’ত কিম ইউ-জংৰ সৈতে মুখ্য ভূমিকাত অভিনয় কৰে।^২৭

ব্যক্তিগত জীৱন

সামৰিক সেৱা

২০২৪ চনৰ ২৯ ফেব্ৰুৱাৰীত নামু এক্টৰ্ছে ঘোষণা কৰে যে ছঙে ২০২৪ চনৰ ২ এপ্ৰিলত এজন সক্ৰিয় কৰ্তব্যৰত সৈনিক হিচাপে তেওঁৰ অনিবাৰ্য সামৰিক সেৱা পালন কৰিবলৈ নাম ভৰ্তি কৰিব।^২৮ ২০২৫ চনৰ ১ অক্টোবৰত তেওঁ সামৰিক কৰ্তব্যৰ পৰা অব্যাহতি লাভ কৰে।^২৯

অনুমোদন

২০২০ চনত, দক্ষিণ কোৰিয়াৰ কছমেটিক্স ব্ৰেণ্ড বানিলা ক'ই চং কাঙক ব্ৰেণ্ড এম্বেচেডৰ হিচাপে নিৰ্বাচন কৰিছিল।^৩০

২০২১ চনত, ইটালীয়ান বিলাসবহুল ফেশ্বন হাউছ প্ৰাডাই ঘোষণা কৰে যে চং কাঙক ব্ৰেণ্ড এম্বেচেডৰ হিচাপে নিৰ্বাচন কৰা হৈছে।^{৩১ ৩২ ৩৩}

২০২২ চনত চং কাঙক ববি ব্ৰাউন কচমেটিক্সৰ এছিয়া-পেচিফিক অঞ্চলৰ ব্ৰেণ্ড এম্বেচেডৰ হিচাপে নিযুক্ত কৰা হৈছিল।^{৩৪ ৩৫}

সেই বছৰতে চং কাঙক পেনশপ্‌ৰ গ্ল’বেল এম্বেচেডৰ হিচাপেও ঘোষণা কৰা হৈছিল।^৩৬

চলচ্চিত্ৰপঞ্জী

চলচ্চিত্ৰ

দূৰদৰ্শন ধাৰাবাহিক

দূৰদৰ্শন অনুষ্ঠান

ৱেব শ্ব’

মিউজিক ভিডিঅ'ত উপস্থিতি

বঁটা আৰু মনোনয়ন