চেকেবা হাচেমি

চেকেবা হাচেমি (Chékéba Hachemi; জন্ম: ২০ মে', ১৯৭৪) এগৰাকী আফগান নাৰীবাদী আৰু লেখিকা।

২০০১ চনত কূটনীতিবিদ হিচাপে নিযুক্তি পোৱা হাচেমি প্ৰথমগৰাকী আফগান মহিলা আছিল। হাচেমি আফগানিস্তান লিব্ৰে নামৰ এন জি অ’টোৰ সভানেত্ৰী আৰু প্ৰতিষ্ঠাপক।

প্ৰাথমিক জীৱন আৰু শিক্ষা

১৯৭৪ চনত কাবুলত জন্মগ্ৰহণ কৰা চেকেবা হাচেমীয়ে ১৯৮৬ চনত ছোভিয়েট আক্ৰমণৰ সময়ত নিজৰ দেশ এৰি পলায়ন কৰি ১১ বছৰ বয়সত ফ্ৰান্সত উপস্থিত হয়। পেৰিছৰ ইক’ল চুপিৰিয়েৰ ডি কমাৰ্চ বিজনেছ স্কুলত তেওঁ অধ্যয়ন সম্পূৰ্ণ কৰে।

কৰ্মজীৱন

তালিবান শাসনৰ অধীনত আফগান ছোৱালী আৰু মহিলাৰ অধিকাৰৰ অৱনতি ঘটাৰ প্ৰতি সঁহাৰি জনাই হাচেমিয়ে ১৯৯৬ চনত আফগানিস্তান লিবাৰ সংস্থা (Afghanistan Libre) প্ৰতিষ্ঠা কৰিছিল। ২০ বছৰতকৈও অধিক কাল পৰ্যন্ত আফগানিস্তান লিবাৰৰ উদ্দেশ্য হৈছে আফগানিস্তানৰ গ্ৰাম্য অঞ্চলৰ ছোৱালী আৰু মহিলাসকলৰ বাবে শিক্ষা, স্বাস্থ্য আৰু বৃত্তিমূলক প্ৰশিক্ষণৰ সুবিধা প্ৰদান কৰা যাতে তেওঁলোকে স্বাধীনতা লাভ কৰিব পাৰে আৰু আফগান মহিলাসকলৰ জীৱন-যাপনৰ অৱস্থাৰ বিষয়ে বিশ্ববাসীক অৱগত কৰিব পাৰে। ১০ বছৰৰ ভিতৰত এই সংস্থাটোৱে দেশৰ একমাত্ৰ মহিলা প্ৰকাশন ৰ'জ আলোচনীও প্ৰকাশ কৰে।^১

ইউৰোপ আৰু আমেৰিকাত হাচেমিয়ে আফগানিস্তানৰ বাবে বহুতো কাৰ্য চলাই আহিছে, যেনে-: সংবাদ প্ৰচাৰ, কোম্পানী, ৰাজনৈতিক ব্যক্তি আৰু প্ৰতিষ্ঠানৰ সৈতে লবীং কৰা (সেই সময়ত ৰাষ্ট্ৰসংঘৰ মহাসচিব কফি আন্নানৰ সৈতে কৰ্মগোট; আই এল অ', জেনেভাত মহিলা দিৱস আৰু ইউএনএইচচিআৰত সন্মানীয় অতিথি)।^২

আফগান সংক্ৰমণকালীন চৰকাৰৰ প্ৰথমগৰাকী মহিলা কূটনীতিবিদ হাচেমিক ২০০২ চনৰ জানুৱাৰী মাহত ইউৰোপীয় সংঘত আফগান দূতাবাসৰ প্ৰথম সচিব হিচাপে নিযুক্তি দিয়া হয়। ২০০৫ চনৰ জুলাই মাহত কাবুলৰ চৰকাৰে তেওঁক উপ-ৰাষ্ট্ৰপতিৰ বিশেষ উপদেষ্টা হিচাপে নিযুক্তি দিয়ে, ৰাষ্ট্ৰীয় অগ্ৰাধিকাৰ প্ৰকল্পৰ দায়িত্বত। ২০০৭ চনৰ মাৰ্চ মাহত পেৰিছত থকা ৰাষ্ট্ৰপতি হামিদ কাৰ্জাই মন্ত্ৰী-উপদেষ্টাজনে তেওঁক নিযুক্তি দিয়ে। ২০০৯ চনত হাচেমিয়ে চৰকাৰৰ ভিতৰত চলি থকা দুৰ্নীতিৰ গৰিহণা দি নিজৰ পদ ত্যাগ কৰে।^২

২০০৯ চনত হাচেমিয়ে ফ্ৰান্সত পুৰুষ আৰু মহিলাৰ মাজত সমতা বৃদ্ধিৰ বাবে মেৰী-ফ্ৰান্সোৱা কলম্বানী [fr]ৰ সৈতে পৰামৰ্শদাতা কোম্পানী ইপ'কে কনচেইল প্ৰতিষ্ঠা কৰে। কোম্পানীত মহিলাৰ স্থান সম্পৰ্কীয় সামাজিক প্ৰকল্পৰ অধ্যয়ন আৰু ডিজাইনৰ বিশেষজ্ঞ ‘চি এইচ কনছালটিং’ও প্ৰতিষ্ঠা কৰে। লাক্সেমবাৰ্গৰ গ্ৰেণ্ড ডাচেছৰ কৌশল উপদেষ্টা হিচাপে তেওঁ ২০১৯ চনৰ মাৰ্চ মাহত লাক্সেমবাৰ্গত We are not weapons আৰু ডেনিছ মুকৱেগ ফাউণ্ডেশ্যনৰ সৈতে অংশীদাৰিত্বৰে ভংগুৰ পৰিৱেশত যৌন হিংসাৰ অন্ত পেলোৱাৰ বাবে "Stand, Speak, Rise Up"^৩ নামৰ এখন আন্তঃৰাষ্ট্ৰীয় সন্মিলনৰ আয়োজনৰ সৈতে জড়িত আছিল।

বঁটা আৰু সন্মান

কৰ্মজীৱনৰ সময়ছোৱাত হাচেমিয়ে মহিলা আৰু মানৱ অধিকাৰৰ বাবে কৰা কামৰ বাবে লাভ কৰা কেইটিমান বঁটা

ক) ২০০১: "ফেম এন বা" পুৰস্কাৰ^২

খ) ২০০৮: "শিক্ষাৰ বাবে মহিলা বঁটা" মহিলা অৰ্থনৈতিক মঞ্চ^২

গ) ২০১২: ট্ৰফেমিনা, মানৱীয় পুৰস্কাৰ^৪

ঘ) ২০১২: ফৰাচী গণৰাজ্যৰ মানৱ অধিকাৰ বঁটা^৫

ঙ) ২০১৩: নাইট অৱ দ্য ফ্ৰেঞ্চ অৰ্ডাৰ অৱ নেচনেল মেৰিট^৬

ছ) ২০১৬: শিক্ষা আৰু সামাজিক কাৰ্য্যৰ বাবে ৰাজা মহিলা বঁটা^৭

জ) ২০১৭: পজিটিভ প্লেনেট ফাউণ্ডেশ্যনৰ ইতিবাচক সবলীকৰণ বঁটা^৮

ঝ) ২০১৯: আন্তঃৰাষ্ট্ৰীয় বঁটা "মহিলা, ডিজিটেল, উদ্যোগীকৰণ", লা ফ্ৰান্স s'engage ফাউণ্ডেশ্যন^৯