গোবিন্দ্ৰচন্দ্ৰ পৈৰা

গোবিন্দ্ৰচন্দ্ৰ পৈৰা (১৯১৭-১৯৯৯) (ইংৰাজী: Govindra Chandra Poira) জন্মসূত্ৰে নেপালীভাষী এগৰাকী অসমীয়া গল্পকাৰ আৰু ঔপন্যাসিক৷ আৱাহন, জয়ন্তী আদি আলোচনীত তেওঁৰ গল্প প্ৰকাশ পাইছিল৷^১

জন্ম আৰু শিক্ষা

১৯১৭ চনৰ ২৩ ফেব্ৰুৱাৰী তাৰিখে গোবিন্দ্ৰচন্দ্ৰ পৈৰাৰ জন্ম৷ তেওঁ প্ৰৱেশিকা পৰ্যন্ত শিক্ষা লাভ কৰে৷^১

কৰ্মজীৱন

গোবিন্দ্ৰচন্দ্ৰ পৈৰাই কেইবছৰমান কহিমা এম ই স্কুলত শিক্ষকতা কৰি পিছত স্বাধীন ব্যৱসায়ত হাত দিয়ে৷ ১৯৬৯-৭৪ সময়ছোৱাত তেওঁ নাগালেণ্ড বিধানসভাৰ সদস্য হিচাপে নিৰ্বাচিত হৈছিল৷ তেওঁ অসম সাহিত্য সভাৰ উপ-সভাপতি হিচাপে ক্ৰমে ১৯৭৮-৭৯ আৰু ১৯৮৫-৮৬ দুটা কাৰ্যকাল কাৰ্যনিৰ্বাহ কৰিছিল৷ কহিমা সাহিত্য সভাৰ তেওঁ সভাপতি আছিল৷ তেওঁ কহিমা সমাজ কল্যাণ পৰিষদৰ প্ৰতিষ্ঠাতা আছিল৷^২

সৃষ্টিকৰ্ম

গোবিন্দ্ৰচন্দ্ৰ পৈৰাৰ একমাত্ৰ গল্পসংকলনখন হ’ল সপোন আৰু স্মৃতি (১৯৮৮)৷ সংকলনটি যোগেশ দাসৰ সম্পাদনাত প্ৰকাশ পায়৷ তেওঁৰ একমাত্ৰ উপন্যাসখন প্ৰেম আৰু পৃথিৱীৰ ১৯৮৮ চনত প্ৰকাশ পায়৷^১

মৃত্যু

১৯৯৯ চনৰ ৫ জানুৱাৰী তাৰিখে তেওঁৰ মৃত্যু ঘটে৷^১