গধুলা ব্ৰাওন

গধুলা ব্ৰাওন(১৯ শতিকা)ৰ জন্ম হৈছিল শিৱসাগৰ জিলাৰ দৈ কলঙীয়া গাৱঁত। তেওঁৰ পিতৃৰ নাম আছিল কলিবৰ দাস। গধুলা ব্ৰাওনে ১৮৫৩ চনত খ্ৰীষ্টধৰ্মসকলে নগাঁৱত প্ৰতিষ্ঠা কৰা ‘অৰফেন ইনষ্টিটিউত’ৰ পৰা শিক্ষা সাং কৰে। ১৮৫৮ চনত তেওঁ খ্ৰীষ্টান ধৰ্ম গ্ৰহণ কৰি ব্ৰাফুচ ব্ৰাওন নাম লয়। ধৰ্ম প্ৰচাৰৰ উদ্দেশ্যে তেওঁ কামৰূপত কেবাবছৰো আছিল। কামৰূপৰ পৰা ঘূৰি গৈয়ে শিৱসাগৰত ১৮৬৬ চনত লুচী নামৰ খ্ৰীষ্টিয়ান ছোৱালী এগৰাকীক তেওঁ বিয়া কৰায়। বিয়াৰ পিছত তেওঁ ধৰ্ম প্ৰচাৰৰ উদ্দেশ্যে মাজুলীলৈ যায় কিন্তু তাত সফল হব নোৱাৰি ১৮৭১ চনত নগা পাহাৰলৈ যায়। তাত তেওঁ নগাসকলৰ মাজত ধৰ্ম প্ৰচাৰ কৰাত সফল হৈছিল। নগাসকলৰ মাজত ধৰ্ম প্ৰচাৰৰ কাৰণে তেওঁ অসমীয়া ভাষাক মাধ্যম হিচাপে ব্যৱহাৰ কৰিছিল আৰু ধৰ্মৰ লগতে অসমীয়া ভাষাৰো প্ৰচাৰ কৰিছিল। তেওঁৰ পিতৃ কলিবৰ দাস আছিল কৈৱৰ্ত কুলৰ লোক আৰু কলিবৰ দাসেও ১৯৪৫ চনতে খ্ৰীষ্টান ধৰ্ম গ্ৰহণ কৰিছিল ^১।