খুশী কবীৰ

খুশী কবীৰ (Khushi Kabir) এগৰাকী বাংলাদেশী সমাজকৰ্মী, নাৰীবাদী, আৰু পৰিৱেশবিদ।^১

প্ৰাৰম্ভিক জীৱন

খুশী কবীৰে ঢাকা বিশ্ববিদ্যালয়ৰ সূক্ষ্ম কলা অনুষদৰ পৰা সূক্ষ্ম কলা (চিত্ৰকলা আৰু অংকন) বিষয়ত স্নাতক ডিগ্ৰী লাভ কৰে।^২৩

কৰ্মজীৱন

১৯৭২ চনত বাংলাদেশ মুক্তি যুদ্ধৰ পিছত খুশী কবীয়ে বাংলাদেশৰ এটা বেচৰকাৰী সংস্থাত যোগদান কৰে। প্ৰান্তীয় সম্প্ৰদায়ৰ সৈতে বাংলাদেশৰ গ্ৰাম্য অঞ্চলত তেওঁ কাম কৰিছিল। বেচৰকাৰী অধিকাৰ সংস্থা নিজেৰা কোৰীত সমন্বয়ক হিচাপে তেওঁ যোগদান কৰে। বাংলাদেশৰ অন্যতম বৃহৎ বেচৰকাৰী সংস্থা নিজেৰা কোৰী আৰু সংস্থাটোত ২,৩৭,৭৮৭ গৰাকী সদস্য আছে।^২ তেওঁ আন্তঃৰাষ্ট্ৰীয় চট্টগ্ৰাম পাহাৰীয়া ট্ৰেক্ট আয়োগৰ সদস্য।^৪ তেওঁ চেণ্টাৰ ফৰ পলিচি ডাইলগৰ পৰিচালক।^৫২০১৩ চনত বাংলাদেশত ৱান বিলিয়ন ৰাইজিঙৰ সমন্বয় কৰিছিল।^২

খুশী কবীৰে বাংলাদেশ সেনাৰ শিবিৰ আৰু স্থাপনৰ বাবে মাটি অধিগ্ৰহণৰ বিৰুদ্ধে মত দিছিল।^৬ ২০১৫ চনত জোণ্টা জিলা-২৫ৰ ১৪ সংখ্যক দ্বিবাৰ্ষিক আঞ্চলিক সন্মিলনত তেওঁক জীৱনজোৰা কৃতিত্ব বঁটাৰে সন্মানিত কৰা হয়।^৭ প্ৰধানমন্ত্ৰী শ্বেখ হাছিনাৰ ভাবমূৰ্তিৰ ক্ষতি কৰাৰ বাবে তেওঁৰ বিৰুদ্ধে মানহানিৰ গোচৰ ৰুজু কৰা হয়৷ ২০১৬ চনৰ ৪ জুনত অভিযোগত নিৰ্দিষ্টতা নথকাৰ বাবে বাংলাদেশ উচ্চ ন্যায়ালয়ে গোচৰটো খাৰিজ কৰে।^৮ ২০১৭ চনৰ ২৭ নৱেম্বৰত তেওঁ বাংলাদেশত সংখ্যালঘুৰ বিৰুদ্ধে ধৰ্মভিত্তিক হিংসাৰ বিৰুদ্ধে কথা কয় আৰু সংখ্যালঘুসকলক সুৰক্ষা দিয়াৰ বাবে চৰকাৰক অধিক কাম কৰিবলৈ আহ্বান জনায়।^৯১৯৯৭ চনত স্বাক্ষৰিত চিট্টগং হিল ট্ৰেক্টছ শান্তি চুক্তি ৰূপায়ণৰ বাবে তেওঁ আহ্বান জনাইছে।^১০