কৰুথম্মা

কৰুথম্মা ( Karuthamma ) হৈছে ১৯৯৪ চনৰ ভাৰতীয় তামিল ভাষা ভাষাৰ নাট্যধৰ্মী চলচ্চিত্ৰ, যাৰ প্ৰযোজনা আৰু পৰিচালনা কৰিছে ভাৰতী ৰাজাই। ছবিৰ কাহিনী এম ৰথ্নাকুমাৰৰ এটা গল্পৰ পৰা লোৱা হৈছে। ছবিখনৰ তাৰকা অভিনয় শিল্পী ৰাজা, ৰাজাশ্ৰী আৰু মহেশ্বৰী। সহযোগী চৰিত্ৰত অভিনয় কৰিছে সৰন্য, পেৰিয়াৰ দাসন, পোনভান্নান, বাদিভুক্কাৰসী, বাণী, বাদিভেলু, আৰু জনগৰাজে। ইয়াৰ পৰিৱেশ এনে এখন গাঁৱত, য’ত নাৰী কেঁচুৱা হত্যাৰ প্ৰচলন আৰু গ্ৰহণযোগ্য বুলি গণ্য কৰা হয়, কিন্তু শিৰোনাম চৰিত্ৰটো এই প্ৰথাৰ বিৰোধী। সংগীতৰ ৰচনা কৰিছে এ আৰ ৰহমানে। চিনেমেট’গ্ৰাফী বি কান্নান আৰু সম্পাদনা কে পাঝানিভেলৰ।

১৯৯৪ চনৰ ৩ নৱেম্বৰত মুক্তি পোৱা কৰুথাম্মা ব্যৱসায়িকভাৱে এখন সফল ছবি। ইয়াৰ বক্স অফিচ সংগ্ৰহ পাঁচ কোটি টকা। সেই বছৰৰ ব্লকবাষ্টাৰ হোৱাৰ উপৰিও ছবিখনে তিনিটা ৰাষ্ট্ৰীয় চলচ্চিত্ৰ বঁটা, চাৰিটা তামিলনাডু ৰাজ্যিক চলচ্চিত্ৰ বঁটা আৰু শ্ৰেষ্ঠ ছবিৰ ফিল্মফেয়াৰ দক্ষিণ (তামিল) বঁটা লাভ কৰে। ছবিখনে নাৰী কেঁচুৱা হত্যাৰ প্ৰথাৰ প্ৰতি ব্যাপক দৃষ্টি আকৰ্ষণ কৰি ৰাষ্ট্ৰীয় আৰু ৰাজ্যিক পৰ্যায়ৰ চৰকাৰক এই প্ৰথা ৰোধ কৰিবলৈ বিভিন্ন আইন প্ৰণয়ন কৰিবলৈ বাধ্য কৰাইছিল।

নিৰ্মাণ

ভাৰতীৰাজৰ মাতৃৰ নামেৰে ছবিখনৰ নামকৰণ কৰা হৈছিল। ^১ এখন গাঁৱৰ বাস্তৱ জীৱনৰ ঘটনাৰ আধাৰত এই কাহিনীটো লিখা হৈছিল আৰু চিত্ৰনাট্য লিখিছিল ভাৰতীৰাজৰ আত্মীয় এম ৰত্নকুমাৰে। ^২ পচাইয়াপ্পা কলেজত অধ্যাপক হিচাপে কাম কৰা পেৰিয়াৰ দাসনে এই ছবিখনৰ জৰিয়তে ৰাজশ্ৰী আৰু মহেশ্বৰীয়েও অভিনয়ত আত্মপ্ৰকাশ কৰে। ^৩ ৰাজশ্ৰীৰ কণ্ঠক ৰাধিকাই ডাব কৰিছিল। ^৪ ছবিখনৰ কলা পৰিচালক কমলা শেখৰেও গাঁৱৰ চেয়াৰমেন চেল্লামুথুৰ চৰিত্ৰত অভিনয় কৰিছিল। প্ৰথম অৱস্থাত ভাৰতীৰাজে বিজয়কুমাৰৰ দ্বিতীয় কন্যা অনিতাক ৰ’জীৰ চৰিত্ৰত অভিনয় কৰাব বিচাৰিছিল যদিও বিজয়কুমাৰ আৰু মাক মঞ্জুলাই বিজয়কুমাৰে এই সিদ্ধান্ত নাকচ কৰিছিল; কাৰণ অনিতাই মেডিকেল পঢ়িব বিচাৰিছিল। ফলস্বৰূপে ৰ’জীৰ চৰিত্ৰ মহেশ্বৰীয়ে পাবলৈ সক্ষম হয়। ^৫

সংগীত

ছবিখনৰ সংগীত ৰচনা এ.আৰ.ৰহমানে কৰিছিল; গীতৰ কথা আছিল বৈৰমুথুৰ। ^৬ এই ছবিখন কিঝাক্কু চেমায়িলৰ পিছত ভাৰতীৰাজাৰ সৈতে ৰহমানৰ দ্বিতীয় সহযোগিতা হিচাপে পৰিগণিত হয়। কিজাক্কু চেমাইলেৰ দৰেই কৰুথম্মাৰ গীতসমূহেও লোকসংগীত ৰচনাৰ ক্ষেত্ৰত তেওঁৰ পশ্চিমীয়া সংগীত ৰচনাৰ সুনামৰ বিপৰীতে ৰহমান চৰ্চাত আছিল। ^৭ "পোৰালে পন্নুথায়ী" গীতটো মহনম ৰাগৰ আধাৰত ৰচিত।[13]

গ্ৰহণ

আনন্দ বিকাটনে ১৯৯৪ চনৰ ৪ ডিচেম্বৰৰ এক পৰ্যালোচনাত উল্লেখ কৰিছে, "যদিও উত্থাপন কৰা বিষয়টো অতি সংবেদনশীল আছিল, তথ্যচিত্ৰ নিৰ্মাণৰ পৰিৱৰ্তে পৰিচালকে দৃশ্যৰ মাধ্যেৰে ছবিখনৰ বৰ্ণনা কৰিছে, যি প্ৰকৃতাৰ্থত প্ৰশংসাৰ যোগ্য।^৮ দ্য ইণ্ডিয়ান এক্সপ্ৰেছৰ মালিনী মন্নাথে লিখিছে, "কৰুথম্মা এনে এখন ছবি যিয়ে বহু মানুহৰ হৃদয় জোকাৰি দিব।" ^৯

বঁটা

৪২তম ৰাষ্ট্ৰীয় চলচ্চিত্ৰ বঁটা (১৯৯৪)^১০

• শ্ৰেষ্ঠ মহিলা নেপথ্য কণ্ঠশিল্পী- স্বৰ্ণলতা
• শ্ৰেষ্ঠ গীতিকাৰ-বাইৰামুথু
• শ্ৰেষ্ঠ পৰিয়াল কল্যাণ বিষয়ক ছবি- ভাৰতী ৰাজা

তামিলনাডু চলচ্চিত্ৰ বঁটা (১৯৯৪)^১১

• শ্ৰেষ্ঠ মহিলা নেপথ্য কণ্ঠশিল্পী- স্বৰ্ণলতা
• শ্ৰেষ্ঠ গীতিকাৰ-বাইৰামুথু
• শ্ৰেষ্ঠ অভিনেত্ৰী- ৰাজশ্ৰী
• উজ্জল আলোকত নাৰীক চিত্ৰিত কৰা শ্ৰেষ্ঠ ছবি

ফিল্মফেয়াৰ বঁটা দক্ষিণ (১৯৯৪)^১২

• শ্ৰেষ্ঠ চলচ্চিত্ৰ (তামিল শাখাত)

গ্ৰন্থপঞ্জী

• Dhananjayan, G. (2014). Pride of Tamil Cinema: 1931–2013. Blue Ocean Publishers
• Rajadhyaksha, Ashish; Willemen, Paul. (1998). Encyclopaedia of Indian Cinema. British Film Institute and Oxford University Press. ISBN 0-19-563579-5