কৃষ্ণা তিৰাথ

কৃষ্ণ তিৰাথ (Krishna Tirath, জন্ম-৩ মাৰ্চ ১৯৫৫) ভাৰতীয় জাতীয় কংগ্ৰেছৰ এগৰাকী ভাৰতীয় ৰাজনীতিবিদ। তেওঁ উত্তৰ-পশ্চিম দিল্লী সমষ্টিক প্ৰতিনিধিত্ব কৰি ভাৰতৰ ১৫ সংখ্যক লোকসভাৰ সদস্য হৈছিল। তেওঁ দ্বিতীয় মনমোহন সিং মন্ত্ৰালয়ত মহিলা আৰু শিশু উন্নয়ন মন্ত্ৰালয়ত ৰাজ্যিক মন্ত্ৰী আছিল৷ তেওঁ ভাৰতীয় জাতীয় কংগ্ৰেছৰ ৰাজনৈতিক দল এৰি, ২০১৫ চনৰ ১৯ জানুৱাৰীত ভাৰতীয় জনতা পাৰ্টীত যোগদান কৰে। পিছলৈ ২০১৯ চনৰ মাৰ্চ মাহত তেওঁ পুনৰ ভাৰতীয় জাতীয় কংগ্ৰেছত যোগদান কৰে।

দিল্লীত এম.এল.এ হিচাপে ৰাজনৈতিক জীৱন আৰম্ভ কৰা কৃষ্ণা তিৰাথে ১৯৮৪–২০০৪ চনৰ সময়ছোৱাত দিল্লী বিধানসভাৰ সদস্য আছিল। ১৯৯৮ চনত শীলা দীক্ষিত নেতৃত্বাধীন দিল্লী চৰকাৰৰ সমাজ কল্যাণ, অনুসূচিত জাতি আৰু অনুসূচিত জাতি আৰু শ্ৰম আৰু নিয়োগ মন্ত্ৰী হয়। মুখ্যমন্ত্ৰীয়ে তেওঁক বিৰোধী গোটৰ অংশ হিচাপে প্ৰত্যক্ষ কৰিছিল আৰু তেওঁৰ সমগ্ৰ মন্ত্ৰীসভা ভংগ কৰি তেওঁক পদৰ পৰা পদত্যাগ কৰিবলৈ বাধ্য হৈছিল।^১ ২০০৩ চনত পদত্যাগ কৰাৰ লগে লগে তেওঁ দিল্লী বিধানসভাৰ উপ-সভাপতি হয়।

২০০৪ চনৰ নিৰ্বাচনত ভাৰতীয় জনতা পাৰ্টীৰ অনিতা আৰিয়াক পৰাস্ত কৰি সংসদলৈ তেওঁ নিৰ্বাচিত হয়। ২০০৯ চনৰ নিৰ্বাচনত বিজেপিৰ মীৰা কানৱাৰিয়াক পৰাস্ত কৰি পুনৰ উত্তৰ পশ্চিম দিল্লীৰ পৰা তেওঁ নিৰ্বাচিত হয়।^২

মহিলা আৰু শিশু উন্নয়ন মন্ত্ৰী

মহিলা আৰু শিশু উন্নয়ন মন্ত্ৰী হিচাপে তিৰাথে কয় যে চৰকাৰৰ অগ্ৰাধিকাৰ হ'ব "মহিলাৰ সামগ্ৰিক সবলীকৰণক সমৰ্থন কৰা, শিশু, কিশোৰী আৰু গৰ্ভৱতী মাতৃৰ বাবে পৰিপূৰক পুষ্টিৰ পৰ্যাপ্ত আৰু সাৰ্বজনীন উপলব্ধতা নিশ্চিত কৰা আৰু শিশুসকলৰ বাবে এনে এক সুৰক্ষামূলক পৰিৱেশ গঢ়ি তোলা য'ত তেওঁলোকে সমাজৰ দায়িত্বশীল আৰু সুখী নাগৰিক হিচাপে বিকাশ হ'ব পাৰে।"^৩

২০১২ চনত আমেৰিকাৰ স্বাস্থ্য আৰু মানৱ সেৱা সচিব কেথলিন চেবেলিয়াছৰ সৈতে হোৱা এক বৈঠকত তিৰাথে ভাৰতৰ শিশুসকলৰ মাজত পুষ্টিহীনতাৰ প্ৰতি উদ্বেগ প্ৰকাশ কৰে। শিশুৰ মৃত্যুৰ হাৰ হ্ৰাস কৰিবলৈ, শিক্ষা, প্ৰতিষেধক আৰু পৰিপূৰক পুষ্টিৰ উন্নতি ৰূপায়ণৰ বাবে সংহত শিশু উন্নয়ন সেৱাৰ দৰে সংস্থাৰ গুৰুত্বৰ ওপৰত অভিমত ব্যক্ত কৰে।^৪

বিজেপিত যোগদান

২০১৫ চনৰ ১৯ জানুৱাৰীত মিষ্টাৰ অমিত শ্বাহ - বিজেপিৰ সভাপতিক লগ পোৱাৰ পিছত আনুষ্ঠানিকভাৱে বিজেপিত যোগদান কৰে।^৫ পেটেল নগৰ (দিল্লী বিধানসভা সমষ্টি)ৰ পৰা ২০১৫ দিল্লী বিধানসভা নিৰ্বাচন বিজেপিৰ প্ৰাৰ্থী হিচাপে তিৰাথে প্ৰতিদ্বন্দ্বিতা কৰিছিল আৰু আপৰ হাজাৰী লাল চৌহানৰ হাতত ৩৪,৬৩৮ টা ভোটৰ ব্যৱধানত পৰাস্ত হৈছিল।^৬ She left the ভাৰতীয় জনতা পাৰ্টী in March 2019 and rejoined ভাৰতীয় জাতীয় কংগ্ৰেছ.