কতি‍ পতঙ্গ

কতি‍ পতঙ্গ (Kati Patang) হ'ল শক্তি সামন্তৰ দ্বাৰা নিৰ্মিত আৰু পৰিচালিত ১৯৭১ চনৰ ভাৰতীয় হিন্দী ভাষাৰ বোলছবি।^১ ছবিখনত আশা পাৰেখে এগৰাকী বিধৱাৰ চৰিত্ৰত অভিনয় কৰিছে আৰু ৰাজেশ খান্নাই তেওঁৰ প্ৰতিৱেশীজনৰ ৰূপত অভিনয় কৰিছে‍। বোলছবিখন বক্স অফিচত সফল হৈছিল আৰু মাধৱীৰ চৰিত্ৰত পাৰেখে কৰা অভিনয় সমালোচকৰ দ্বাৰা প্ৰশংসিত হৈছিল আৰু তেওঁ শ্ৰেষ্ঠ অভিনেত্ৰীৰ ফিল্মফেয়াৰ বঁটা লাভ কৰিছিল। ছবিখনত নাজিৰ চৌধুৰী, বিন্দু (অভিনেত্ৰী), প্ৰেম চোপ্ৰা, ডেইজী ইৰাণী আৰু ছুলোচনা লাটকাৰ আদিয়ে অভিনয় কৰিছে।

সামন্ত আৰু খান্নাই সহযোগিতা কৰা ৯খন ধাৰাবাহিক ছবিৰ ভিতৰত এইখন আছিল দ্বিতীয়খন। সংগীত ৰচনা আছিল আৰ. ডি. বৰ্মনৰ আৰু ই এক বৃহৎ সাফল্য লাভ কৰিছিল। কিশোৰ কুমাৰ গোৱা "য়ে শ্বাম মাস্তানী" আৰু "প্যাৰ দিৱানা হোতা হে" বিশেষভাৱে বিখ্যাত হৈছিল। পাৰেখ আৰু খান্নাৰ অভিনয়ক দৰ্শক আৰু সমালোচকসকলে সমানে প্ৰশংসা কৰিছিল।^২ ১৯৬৯ চনৰ পৰা ১৯৭১ চনৰ ভিতৰত খান্নাৰ একেৰাহে ১৭খন হিট ছবিৰ ভিতৰত এইখনো আছিল আৰু পাৰেখৰ সৈতে তেওঁ যুটি বন্ধা চাৰিখন ছবিৰ ভিতৰত এইখন দ্বিতীয় আছিল।^৩২

পাছলৈ ছবিখন তামিল ভাষাত নেঞ্জিল অৰু মুল (১৯৮১) আৰু তেলেগু ভাষাত পুন্নামী চন্দ্ৰুডু (১৯৮৭) ৰূপে পুনৰ নিৰ্মাণ কৰা হয়।^৪৫ গুলচন নন্দৰ একে নামৰ উপন্যাসখনৰ আধাৰত নিৰ্মিত বোলছবি আছিল এইখন যিখন ১৯৪৮ চনৰ কৰ্নেল উলৰিচৰ উপন্যাস আই মেৰেড এ ডেড মেনৰ অভিযোজন আছিল আৰু যিখন উপন্যাসক ইয়াৰ পূৰ্বে ১৯৫০ চনৰ ন’ মেন অৱ হাৰ অ’ন হিচাপে অভিযোজিত কৰা হৈছিল।

অভিনয়

• আশা পাৰেখ মাধৱী "মধু"/[ভুৱা] পুনম হিচাপে
• কমল সিনহাৰ চৰিত্ৰত ৰাজেশ খান্না
• কৈলাসৰ চৰিত্ৰত প্ৰেম চোপ্ৰা
• শবনম "শ্বাবু" হিচাপে বিন্দু
• দিৱান দীননাথ হিচাপে নাজিৰ হুছেইন
• কমলৰ পিতৃ হিচাপে মদন পুৰী
• কুমাৰী নাজ হিচাপে [ৰিয়েল] পুনম (স্বীকৃতিবিহীন)
• শ্ৰীমতী দীনানাথৰ চৰিত্ৰত ছুলোচনা লাটকাৰ
• আৰক্ষী ইন্সপেক্টৰ তিৱাৰী হিচাপে চন্দ্ৰশেখৰ
• ডাঃ কাশীনাথৰ চৰিত্ৰত সত্যেন কাপু
• ৰামায়াৰ চৰিত্ৰত ডেইজী ইৰাণী
• মেহমুদ জুনিয়ৰ-শ্বিতু, ৰামায়াৰ ভাতৃ হিচাপে

উৎপাদন

কতি‍ পতঙ্গ গুলশান নন্দৰ একে নামৰ এখন উপন্যাসৰ পৰা অভিযোজিত হৈছিল। নন্দৰ দ্বাৰা লিখা উপন্যাসখন আৰু ছবিখনৰ কাহিনী কৰ্নেল উলৰিচৰ আই মেৰেড এ ডেড মেন উপন্যাসৰ আধাৰত নিৰ্মিত আৰু ইয়াৰ পূৰ্বে বাৰ্বাৰা ষ্টেনউইক অভিনীত আমেৰিকান ছবি ন’ মেন অৱ হাৰ অ’ন (১৯৫০)লৈ ৰূপান্তৰিত কৰা হৈছিল। পাছলৈ জাপানত ওছামু তাকাহাছিয়ে শ্বিছা টু ন' কেকন (১৯৬০) হিচাপে, ব্ৰাজিলত টিভি মিনিচিৰিজ এ ইনট্ৰুছা [pt] (১৯৬২), ফৰাচী ভাষাত জে'ই এপোউছ উন ওম্ব্ৰে [ফ্ৰা] (আই মে‍ৰডি এ চেদ', ১৯৮৩) আৰু পুনৰ আমেৰিকাত মিচেছ উইণ্টাৰবৰ্ণ (১৯৯৬) হিচাপে উপন্যাসখনক অভিযোজিত কৰা হয়।^৬

শক্তি সামন্তই উল্লেখ কৰিছে যে তেওঁ পাৰিখক কাষ্ট কৰিছিল, কাৰণ তেওঁ "আত্মবিশ্বাসী" আছিল যে তেওঁ "তেওঁৰ পৰা পতিয়নযোগ্য অভিনয়" উলিয়াব পাৰিব। তেওঁ তেওঁক তেওঁৰ পূৰ্বৰ ছবি পগলা কাহি কা (১৯৭০) ত অভিনয়ৰ বাবে মনোনীত কৰিছিল।^৭

সংগীত

সংগীত ৰচনা কৰিছিল ৰাহুল দেৱ বৰ্মনে আৰু গীতৰ কথা আছিল আনন্দ বক্সীৰ। ৰাজেশ খান্নাৰ বাবে কিশোৰ কুমাৰে গোৱা গীতবোৰেই ছবিখনৰ সফলতাৰ কাৰণ আছিল, আনহাতে মুকেশে এটি‍ গীত গাইছিল – যিটো বিৰল সংমিশ্ৰণ। আশা ভোছলেই মাই ফেয়াৰ লেডী (১৯৬৪)ত ৰেক্স হেৰিছনৰ টক-ছং শৈলীত "মেৰা নাম হায় শ্ববনাম" পৰিবৱ‍েশন কৰিছিল (আৰু তাক প্ৰায়ে ভুলকৈ "প্ৰথম হিন্দী ৰেপ নম্বৰ" বুলি অভিহিত কৰা হৈছিল)।

ছাউণ্ডট্ৰেক

বঁটা আৰু মনোনয়ন

১৯ সংখ্যক ফিল্মফেয়াৰ বঁটা:জয়ী

• শ্ৰেষ্ঠ অভিনেত্ৰী-আশা পাৰেখ

মনোনীত

• শ্ৰেষ্ঠ পৰিচালক-শক্তি সামন্ত
• শ্ৰেষ্ঠ অভিনেতা-ৰাজেশ খান্না
• শ্ৰেষ্ঠ গীতিকাৰ-আনন্দ বক্সী-'না কোই উমং হে "
• শ্ৰেষ্ঠ পুৰুষ নেপথ্য গায়ক-কিশোৰ কুমাৰ-"য়ে জো মোহব্বত হে"
• শ্ৰেষ্ঠ কাহিনী-গুলশন নন্দাগুলশান নন্দা