এম. কামালুদ্দিন আহমেদ

এম. কামালুদ্দিন আহমেদ একাধাৰে কবি, সমালোচক,অনুবাদক তথা অধ্যাপক। তেখেত বৰ্তমান গুৱাহাটী বিশ্ববিদ্যালয়ৰ অসমীয়া বিভাগৰ অধ্যাপক৷ কবি হিচাপে একবিংশ শতিকাটোৰ তেওঁ এজন উল্লেখযোগ্য কবি৷ তেখেতৰ কবিতা উত্তৰ লক্ষীমপুৰ (স্বায়ত্বশাসিত) মহাবিদ্যালয় আৰু নগাঁও মহাবিদ্যালয়(স্বায়ত্বশাসিত)ৰ অসমীয়া বিভাগৰ পাঠ্যক্ৰমত অন্তভুৰ্ক্ত হৈছে৷ তেখেত সাহিত্য অকাডেমিৰ অসমীয়া উপদেষ্টা সমিতিৰ সদস্য (২০১২-২০১৭) আছিল৷ সেইদৰে তেজপুৰ বিশ্ববিদ্যালয়ৰ অসমীয়া বিভাগৰ বৰ্ড অভ ষ্টাডিজৰ সদস্য (২০২০-২০২৩)৷ ভাৰতীয় সংবিধান স্বীকৃত আটাইবোৰ ভাষালৈ তেখেতৰ কবিতা অনুবাদ হৈছে৷ ইংৰাজী আৰু ফৰাচী ভাষালৈও কবিতাৰ অনুবাদ হৈছে৷ ^১

জন্ম

তেখেতৰ জন্ম হয় ১৯৬৬ চনত দৰং জিলাৰ পাথৰিঘাটৰ তুৰাই গাঁৱত। পিতৃৰ নাম নাজিমুদ্দিন আহমেদ আৰু মাতৃৰ নাম আফ্ৰোজা বেগম ৷ পিতৃয়ে ১৯৯২ চনত জলসিঞ্চন বিভাগৰ মুখ্য সহায়ক হিচাপে অৱসৰ গ্ৰহণ কৰে৷ তেখেতে তাজকিয়া (মিমি)ৰ সৈতে বিবাহপাশত আৱদ্ধ হয়৷ দুই সন্তানৰ নাম ক্ৰমে টানৱিৰ (পুত্ৰ) আৰু জাকিয়া (জীয়ৰী)৷^২

শিক্ষা

1. প্ৰাথমিক শিক্ষাঃ মঙলদৈ গাঁও প্ৰাথমিক বিদ্যালয়
2. হাইস্কুলীয়া শিক্ষাঃ মঙলদৈ চৰকাৰী বালক উচ্চতৰ মাধ্যমিক বিদ্যালয় আৰু টংলা উচ্চ মাধ্যমিক বিদ্যালয়৷
3. কলেজীয়া শিক্ষাঃ কটন কলেজৰপৰা প্ৰাক্‌স্নাতক কলা (১৯৮২-৮৪), একে কলেজৰপৰাই কলাৰ স্নাতক (১৯৮৪-৮৭)
4. বিশ্ববিদ্যালয় শিক্ষাঃ গুৱাহাটী বিশ্ববিদ্যালয়ৰ অসমীয়া বিষয় (সাহিত্য শাখা)ৰ স্নাতকোত্তৰত ১ ম শ্ৰেণী লাভ (১৯৮৭-৮৯)
5. ডক্তৰেটঃ গুৱাহাটী বিশ্ববিদ্যালয়ৰ পৰা ২০০৫ চনত অধ্যাপক ৰঞ্জিৎ কুমাৰ দেৱগোস্বামীৰ তত্ত্বাৱধানত ডক্টৰেট ডিগ্ৰী লাভ৷ বিষয়ঃ অসমীয়া কবিতাত আধুনিকতাঃ চাৰিগৰাকী কবিৰ বিশেষ উল্লেখসহ (নৱকান্ত বৰুৱা, অজিৎ বৰুৱা, নীলমণি ফুকন, বীৰেশ্বৰ বৰুৱা)৷

কৰ্মজীৱন

1. ১৯৯২ৰ পৰা ২০০৩ লৈ ডিফু চৰকাৰী মহাবিদ্যালয়ত প্ৰবক্তা হিচাপে কাৰ্যনিৰ্বাহ৷
2. ২০০৩ চনত গুৱাহাটী বিশ্ববিদ্যালয়ৰ অসমীয়া বিভাগত প্ৰবক্তা হিচাপে যোগদান৷

সাহিত্যৰাজি

কবিতা সংকলন

1. দুচকুত গছৰ ভৰ বাৰিষা (১৯৯৬)
2. ধোঁৱাৰ মাজৰ চৰাইটো (২০০১)
3. বৰষুণঃ ৰোমাণ্টিক আৰু এণ্টি-ৰোমাণ্টিক (২০০৮)
4. শুক্ৰেশ্বৰত ফুল কিনোতে (২০১৪)
5. পানীৰ মাজেৰে, নিৰ্বাচিত কবিতা সংকলন (২০১৭)
6. দৃশ্যান্তৰ (২০১৮)
7. তগৰ তুম চাহত কা খনিজ হো (২০২১)
8. ৰাজহাঁহৰ কণ্ঠত কিহৰ জলচ্ছেদ(২০২১)

প্ৰবন্ধ সংকলন

• কাৰবিঃ বিষাদ আৰু ৰং, ২০০২

সাহিত্য সমালোচনামূলক পুথি

1. আধুনিক অসমীয়া কবিতা (২০০৫) ^৩
2. সাহিত্যৰ অভিব্যক্তি (২০১৪)
3. ৰমন্যাসবাদ আৰু লক্ষ্মীনাথ বেজবৰুৱাৰ কবিতা (২০১৫)

সম্পাদিত গ্ৰন্থ

• আধুনিক অসমীয়া কবিতাৰ তিনিটা স্তৰ, ২০০৯
• আধুিনক অসমীয়া সাহিত্যৰ ঐতিহ্য আৰু লক্ষ্মীনাথ বেজবৰুৱা, ২০১৪
• দোলায়িত প্ৰস্তৰ, ২০২২ (সহযোগী সম্পাদকঃ কল্পজ্যোতি ৰায়)

অনুবাদ পুথি

1. দ্বৈপায়ন হ্ৰদৰ পাৰত (২০১৮)

সম্পাদিত পত্ৰিকা

1. অন্বেষণ, গুৱাহাটী বিশ্ববিদ্যালয় অসমীয়া বিভাগৰ গৱেষণা পত্ৰিকা (২০১৫)

বঁটা আৰু সন্মান

1. সদৌ অসম কবি সন্মিলনৰ 'বেণু চিৰিং বঁটা'(২০১৫)
2. অন্যযুগ সাহিত্য সন্মান(২০২০)
3. "ৰাজহাঁহৰ কণ্ঠত কিহৰ জলচ্ছেদ" কবিতা সংকলনৰ বাবে অসম সাহিত্য সভাৰ 'অম্বিকাগিৰী ৰায়চৌধুৰী বঁটা'(২০২৩)
4. TIME-8 শান্তি বঁটা(২০২৩)