এন’ক্ট’চিলাছ ব্ৰেভিলাব্ৰিছ

এন’ক্ট’চিলাছ ব্ৰেভিলাব্ৰিছ হৈছে অৰ্কিডৰ এবিধ প্ৰজাতি। ই ভাৰত, নেপাল আৰু ভিয়েটনামৰ পাহাৰীয়া অঞ্চলত পোৱা যায়। ভাৰতৰ ছিক্কিম আৰু অসমত অৰ্কিডবিধ থলুৱাভাৱে পোৱা যায়।^১ ইয়াক ইংৰাজীত শ্বৰ্ট লিপ জুৱেল অৰ্কিড (Short-Lip Jewel Orchid) নামেৰে জনা যায়। ই এবিধ মাটিত গজা অৰ্কিড।

বিৱৰণ

ই সৰু আকাৰৰ মাটিৰ অৰ্কিড। পাতবোৰ প্ৰায় কলিজাৰ আকৃতিৰ পৰা উপবৃত্তাকাৰ বা জোঙা হ’ব পাৰে। পাতবোৰ মুগাবৰণীয়া জালৰ শিৰাযুক্ত, আৰু তলৰ ফালে ৰঙচুৱা-সেউজীয়া। গ্ৰীষ্মকালৰ পৰা শৰতৰ মাজভাগলৈকে গছবোৰত ফুল ফুলে। ফুলবোৰ ৭-১২ চে.মি. হ’ব পাৰে। পাহিবোৰ জলফাইৰঙী সেউজীয়া আৰু বগা হয়।^২