উদয় উমেশ ললিত

উদয় উমেশ ললিত (Uday Umesh Lalit; জন্ম: ৯ নৱেম্বৰ ১৯৫৭) ভাৰতৰ ৪৯তম মুখ্য ন্যায়াধীশ।^১ মুখ্য ন্যায়াধীশ এন. ভি. ৰমনায়ে অৱসৰ গ্ৰহণ কৰাৰ পিছত তেওঁ ভাৰতৰ মুখ্য ন্যায়াধীশ হিচাপে নিযুক্তি লাভ কৰে। ইয়াৰ পূৰ্বে তেওঁ ভাৰতৰ উচ্চতম ন্যায়ালয়ৰ ন্যায়াধীশ হিচাপে কৰ্মৰত আছিল।^২ ন্যায়াধীশ হিচাপে উন্নীত হোৱাৰ পূৰ্বে তেওঁ উচ্চতম ন্যায়ালয়ত জ্যেষ্ঠ অধিবক্তা হিচাপে কাৰ্যনিৰ্বাহ কৰিছিল।^৩ উচ্চতম ন্যায়ালয়লৈ পোনপটীয়াকৈ উন্নীত হোৱা ছয়গৰাকী জ্যেষ্ঠ অধিবক্তাৰ ভিতৰত ন্যায়াধীশ ললিত অন্যতম আছিল।^৪৫৬ বৰ্তমান তেওঁ এজন বিশিষ্ট আইনবিদ আৰু অ’ পি জিন্দাল গ্ল’বেল ইউনিভাৰ্চিটিৰ আইন আৰু ন্যায় বিভাগৰ অধ্যাপক।