ইলা লোধ

ইলা লোধ (Ela Lodh/Ila Loadh;২০২১ চনত ৭৯ বছৰ বয়সত মৃত্যু হয় ^১ ) এগৰাকী ভাৰতীয় প্ৰসূতি আৰু স্ত্ৰীৰোগ বিশেষজ্ঞ আছিল। তেওঁ ২০২০ চনৰ নাৰী শক্তি পুৰস্কাৰ মৰণোত্তৰভাৱে ২০২২ চনৰ ৮ মাৰ্চত লাভ কৰে। ^{২ ৩ ৪}

কেৰিয়াৰ

ইলা লোধৰ জন্ম হৈছিল ভাৰতৰ ত্ৰিপুৰা ৰাজ্যৰ খুৱাইত। ^৫ প্ৰসূতি আৰু স্ত্ৰীৰোগ বিশেষজ্ঞ হিচাপে যোগ্যতা অৰ্জন কৰি ত্ৰিপুৰা স্বাস্থ্য সেৱাত তেওঁ কাম কৰিছিল, শেষলৈ তেওঁ প্ৰশাসনিক সঞ্চালক হৈছিলগৈ। ^৬ ১৯৯০ চনৰ পৰা ২০০০ চনলৈকে এই পদত অধিষ্ঠিত হৈ ত্ৰিপুৰাৰ হেপাটাইটিছ ফাউণ্ডেচনৰ প্ৰতিষ্ঠাপকো আছিল। ^{৭ ৮} ২০২১ চনৰ ১৯ জুলাইত কলকাতাৰ এখন ব্যক্তিগত চিকিৎসালয়ত হৃদযন্ত্ৰৰ ক্ৰিয়া বন্ধ হৈ তেওঁ মৃত্যু বৰণ কৰে ^৯

বঁটা আৰু স্বীকৃতি

লোধে ২০২০ চনৰ নাৰী শক্তি পুৰস্কাৰ মৰণোত্তৰভাৱে ২০২২ চনৰ ৮ মাৰ্চত লাভ কৰে। প্ৰধানমন্ত্ৰী নৰেন্দ্ৰ মোডীৰ পৰা তেওঁৰ হৈ তেওঁৰ পুত্ৰই এই বঁটা গ্ৰহণ কৰে। ^১০