ইপ্সিতা পতি

ইপ্সিতা পতি (ওড়িয়া ভাষা: ଇପ୍ସିତା ପତି; ইংৰাজী ভাষা: Ipsita Pati) এগৰাকী ভাৰতীয় অভিনেত্ৰী আৰু সৌন্দৰ্য্য প্ৰতিযোগিতাৰ খিতাপধাৰী, যিয়ে ২০১১ চনৰ মিছ ইণ্টাৰকণ্টিনেণ্টেলত নিজৰ দেশক প্ৰতিনিধিত্ব কৰিছিল, য'ত তেওঁ শীৰ্ষ ১৫ স্থান দখল কৰিছিল। পতিয়ে হিন্দী চলচ্চিত্ৰ চোৰ বজাৰী (২০১৪)তো অভিনয় কৰিছে। ওড়িশাৰ বুগুড়াৰ বুঢ়াখোলত থকা ভগৱান শিৱ আৰু পাৰ্বতীৰ ৪২ ফুট দৈৰ্ঘ্যৰ মূৰ্তি ইপ্সিতা পতিয়ে কৰা দানৰদ্বাৰা নিৰ্মাণ কৰা হৈছিল।

প্ৰাৰম্ভিক জীৱন আৰু শিক্ষা

ইপ্সিতা পাতিৰ জন্ম হৈছিল বিশাখাপট্টনমৰ তীখা পৰিয়ালত, তাতেই তেওঁ ডাঙৰ-দীঘল হৈছিল। তেওঁৰ পিতৃ ব্যোমাকেশ পতি এগৰাকী এজিএম, চিত্ৰশিল্পী আৰু মাতৃ শ্ৰীমতী পূজা পতি এগৰাকী অভিনেত্ৰী আৰু মডেল আছিল, যিয়ে ওড়িয়া চলচ্চিত্ৰত অভিনয় কৰিছিল আৰু গ্লাড্ৰেগছ মিচেছ ইণ্ডিয়া ২০০৬ প্ৰতিযোগিতাতো অংশগ্ৰহণ কৰিছিল। তেওঁৰ এগৰাকী কনিষ্ঠ ভগ্নী শ্ৰীমতী অন্বেষা পতি এগৰাকী পৰিৱেশক। তেওঁ স্নাতক ডিগ্ৰী লাভ কৰিছে আৰু বৰ্তমান অন্ধ্ৰ বিশ্ববিদ্যালয়ৰপৰা ৰাজহুৱা প্ৰশাসনত স্নাতকোত্তৰ ডিগ্ৰী কৰি আছে।

কেৰিয়াৰ

১৬ বছৰ বয়সত পতিয়ে প্ৰথমবাৰৰ বাবে ৰেম্পত খোজকাঢ়িছিল।^১ ২০০৮ চনত তেওঁ মিছ ছাউথ ইণ্ডিয়া উপাধি লাভ কৰে। ২০১০ চনত তেওঁ মিছ ইউনিভাৰ্ছ ইণ্ডিয়াৰ ফাইনেলত স্থান লাভ কৰিছিল।^২ তেওঁ ২০১০ চনৰ I AM She – Miss Universe India প্ৰতিযোগিতাত অংশগ্ৰহণ কৰিছিল আৰু অন্তিম ৩০ জন প্ৰতিযোগীৰ তালিকাত স্থান লাভ কৰিছিল; কিন্তু পিছত সেই তালিকাৰপৰা বাদ পৰে।^৩

পতিয়ে অভিযোগ কৰিছিল যে তেওঁক “ইচ্ছাকৃতভাৱে” তালিকাৰপৰা বাদ দিয়া হৈছে আৰু আয়োজকৰ ওপৰত “পক্ষপাতমূলক আচৰণ” আৰু তেওঁৰ “মানসিক আৰু শাৰীৰিক যন্ত্ৰণা” সৃষ্টিৰ অভিযোগ আনে।^৪ তেওঁ ভুবনেশ্বৰ মহিলা থানা আৰু ৰাষ্ট্ৰীয় মানৱ অধিকাৰ আয়োগত অভিযোগ দাখিল কৰিছিল।^৫

২০১১ চনত তেওঁ থাইলেণ্ডত ইণ্ডিয়ান প্ৰিন্সেছ^৬ আৰু স্পেইনত মিছ ইন্টাৰকন্টিনেণ্টেল ইণ্ডিয়া^৬ উপাধি লাভ কৰে। ২০১২ চনত তেওঁ ফেমিনা মিছ ইণ্ডিয়াৰ ‘পিপুলচ চয়েচ’ বঁটা লাভ কৰে।^৭৮৯ তেওঁ মিছ ইণ্টাৰনেচনেল^১১০ আৰু মিছ এছিয়া (২০১৩) উপাধিও লাভ কৰিছিল।

ইপ্সিতা পতিয়ে বলিউডত অভিষেক কৰে ২০১৫ চনত চোৰ বাজাৰী চলচ্চিত্ৰৰ জৰিয়তে, য’ত তেওঁ প্ৰধান মহিলা চৰিত্ৰত অভিনয় কৰিছিল।^২ তেওঁ অন্ধ্ৰপ্ৰদেশ চৰকাৰৰপৰা ‘‘অন্ধ্ৰ ৰত্ন’’ আৰু ওড়িশা চৰকাৰৰপৰা ‘‘য়'থ আইক'ন’’ বঁটা লাভ কৰিছে।^১১১২

সন্মান

ইপ্সিতাই নিজৰ জীৱনত বহুতো পুৰস্কাৰ লাভ কৰিছে।

• মিছ ভাৰতৰ দক্ষিণ ২০০৮
• প্ৰথম ভাৰতীয় ৰাজকুমাৰী ২০১১ (থাইলেণ্ড)^৬
• মিছ আন্তঃৰাষ্ট্ৰীয় গোল্ডেন স্কিন ২০১১ (মেক্সিক’)^১৩১৪
• মিছ ইণ্টাৰনেট আৰু মিছ এলিগেন্স মেক্সিক’^১৫১৬
• মিছ ইণ্ডিয়া ইণ্টাৰকণ্টিনেণ্টেল ২০১১ (স্পেইন)^১৭১৮
• ফেমিনা পিপুল’ছ চইচ মিছ ইণ্ডিয়া টাইমছ ২০১২^১৯২০
• মিছ এছিয়া ২০১৩^{২১২২২৩}
• অন্ধ্ৰ প্ৰদেশ চৰকাৰে প্ৰদান কৰা ‘অন্ধ্ৰ ৰত্ন’^২৪৬
• উগাডী পুৰস্কাৰ, বিশাখাপট্টনম^২৫৬
• নৃত্যত স্বৰ্ণপদক^৬২৬
• ওড়িশাৰ মুখ্যমন্ত্ৰী নবীন পট্টনায়কৰ পৰা ‘যুৱ আইকন’ ২০১৪ পুৰস্কাৰ^১৭২৭
• বিশ্ব চলচ্চিত্ৰ উৎসৱত ব্ৰেণ্ড এম্বাছেডৰ আৰু জুৰি সদস্য, চান ফ্ৰান্সিছকো, আমেৰিকা যুক্তৰাষ্ট্ৰ^২৮

ফিল্মগ্ৰাফী

বাহ্যিক সংযোগ

• www.thehindu.com/todays-paper/tp-national/tp-and
• www.dharitri.com/e-Paper/Berhampur/220716/p9.htm
• www.dailymotion.com/video/x52eivx
• www.bollywoodbx.com/ipsita-pati-movies-list
• www.quicklookfilms.com/movie/211399/Chor-Bazaari
• www.virtualplanet.in/chor-bazaari/
• www.dailypioneer.com/state-editions/bhubaneswar/
• epaper.sakshi.com/m5/1384574/Visakhapatnam-City/
• www.pixelyatra.com/events/hyderabad-events/tsr-t
• www.ragalahari.com/functions/121619/tsr-tv9-nati