ইকবাল বাৰাকা (Iqbal Baraka; জন্ম: ১৯৪২) এগৰাকী ইজিপ্তৰ সাংবাদিক, মহিলা অধিকাৰ কৰ্মী, আৰু লেখিকা। দুটা দশকৰো অধিক সময় ধৰি মহিলা আলোচনী হাৱায়াৰ মুখ্য সম্পাদিকা হিচাপে কাৰ্যনিৰ্বাহ কৰিছিল। ইজিপ্ত আৰু ইছলামিক সমাজত নাৰীৰ ভূমিকা আগুৱাই নিয়াৰ কামৰ বাবে বাৰাকা পৰিচিত। তেওঁক "আৰব বিশ্বৰ অন্যতম প্ৰভাৱশালী নাৰীবাদী" বুলি গণ্য কৰা হয়।১
প্ৰাৰম্ভিক জীৱন আৰু শিক্ষা
১৯৪২ চনত ইজিপ্তৰ কায়ৰোত বাৰাকাই জন্মগ্ৰহণ কৰিছিল।১ এল ডাহেৰ জিলাৰ এটা উদাৰ, মধ্যবিত্ত পৰিয়ালত তেওঁ ডাঙৰ-দীঘল হৈছিল, য'ত তেওঁ পঢ়া-শুনা আৰু শিক্ষাৰ বাবে উৎসাহিত হৈছিল।২
১৯৬২ চনত আলেকজেণ্ড্ৰিয়া বিশ্ববিদ্যালয়ৰ পৰা ইংৰাজীত স্নাতক ডিগ্ৰী লাভ কৰে আৰু ১৯৭৯ চনত কায়ৰো বিশ্ববিদ্যালয়ৰ পৰা আৰবী সাহিত্যত দ্বিতীয় স্নাতক ডিগ্ৰী লাভ কৰে।১ কায়ৰোত তেওঁ কোৰআন আৰু হাদীছত মহিলাৰ ভূমিকা অধ্যয়ন কৰে।৩
কৰ্মজীৱন
আলেকজেণ্ড্ৰিয়া বিশ্ববিদ্যালয়ৰ পৰা স্নাতক ডিগ্ৰী লাভ কৰাৰ পিছত বাৰাকাই দোভাষী হিচাপে কাম কৰিবলৈ যোৱাৰ পূৰ্বে বহুজাতিক সংঘবদ্ধ সংস্থা ফিলিপছৰ জনসংযোগৰ কাম কৰিছিল। তাৰ পিছত তেওঁ ইংৰাজী শিক্ষয়িত্ৰীৰ পদৰ বাবে কুৱেইটলৈ গুচি যায়।৪
ইজিপ্তলৈ উভতি অহাৰ লগে লগে তেওঁ ইংৰাজী ভাষাৰ ৰেডিঅ’ত সাংবাদিক হিচাপে নিজৰ কেৰিয়াৰ আৰম্ভ কৰে। তাৰ পিছত তেওঁ ৰোজ আল-ইউছুফ গ্ৰুপৰ সৈতে জড়িত আলোচনী চাবাহ এল খেইৰ (গুড মৰ্নিং)ৰ সম্পাদিকা হিচাপে কাম কৰিবলৈ লয়।১৫ এই ভূমিকাত তেওঁ প্ৰায়ে ইছলামিক চিন্তাবিদসকলৰ সৈতে মানৱ অধিকাৰ আৰু ইছলামত নাৰীৰ ভূমিকাক লৈ যুঁজিছিল।২
১৯৯৩ চনত মহিলা আলোচনী হাৱায়াৰ মুখ্য সম্পাদক হিচাপে নিযুক্তি লাভ কৰে। তেওঁৰ লক্ষ্য আছিল পূৰ্বতে কেনেকৈ এগৰাকী ভাল গৃহিণী হ'ব পাৰি তাৰ ওপৰত গুৰুত্ব আৰোপ কৰা ৰক্ষণশীল আলোচনীখনক ৰাজনীতি, মানৱ অধিকাৰ আৰু প্ৰভাৱশালী মহিলাৰ ওপৰত প্ৰবন্ধৰ উৎসলৈ ৰূপান্তৰিত কৰা।৬ পিছলৈ তেওঁ কোৱাৰ দৰে: "মই মোৰ মূল ধাৰণা হিচাপে লওঁ যে নাৰী কেৱল ফেশ্বন ডিজাইনাৰ আৰু মেনিকিউৰিষ্টৰ আহিলা নহয়, নাৰীৰ বাস্তৱ আৰু গুৰুতৰ আগ্ৰহ আৰু উদ্বেগ আছে যাৰ সৈতে আমি মোকাবিলা কৰিব লাগিব।"৫ তেওঁ আলোচনীখনত তেওঁৰ স্তম্ভটো ব্যৱহাৰ কৰি লিংগ সমতাৰ বাবে ধাৰাবাহিকভাৱে আহ্বান জনাইছিল।৭৪ বাৰাকাই ২০ বছৰতকৈও অধিক সময়, ২০১৪ চনলৈকে আলোচনীখন চলাইছিল।৭৮
ৰোজ আল-ইউছুফ, ছাইদাটি, আৰু অন্যান্য আলোচনীসমূহৰ সম্পাদিকা হিচাপেও তেওঁ অৰিহণা যোগাইছে। আল-আহৰামকে ধৰি বিভিন্ন কাকতৰ বাবে তেওঁ ৰাজনৈতিক স্তম্ভ লিখিছে।১৯
তথ্যসূত্ৰ
- ↑ Ekbal Baraka. Arab World Books
- ↑ Al-Refaie, Youssef. (2019). Secrets of Egyptian Creative Women. Das Lamar Publishing House
- ↑ Alsharif, Asma. (2006-11-19). Renowned writer fights for women's rights in Islam. The Caravan
- ↑ (November 2008). Arab women writers: a critical reference guide, 1873-1999. ISBN 978-977-416-267-1
- ↑ Fernea, Elizabeth Warnock, 1927-2008. (2010). In search of Islamic feminism: one woman's global journey. Doubleday. ISBN 978-0-307-77385-2
- ↑ (1993-07-25). All about Eve. Chicago Tribune
- ↑ Femnists in Egypt. Ahl AlQuran
- ↑ (June–August 2014). Media Monitor Egypt - 13. Al Sawt Al Hurr Arab Network for Media Support
- ↑ Hanley, Delinda C. (April 2002). Arab women journalists seek ways to improve their image at home and in the west. The Washington Report on Middle East Affairs
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “ইকবাল বাৰাকা” প্ৰবন্ধৰ সংশোধন ৫৬২৭৫০ (১১ ডিচেম্বৰ ২০২৫)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।