আলিয়া মাগদা এলমাহডী

আলিয়া মাগদা এলমাহডী (Aliaa Magda Elmahdy; জন্ম: ১৬ নৱেম্বৰ ১৯৯১) এগৰাকী ইজিপ্তৰ ইণ্টাৰনেট কৰ্মী আৰু নাৰীবাদী সমৰ্থক। তেওঁৰ ব্লগস্পট পেজত^১ এখন নগ্ন ফটো প্ৰকাশ কৰাৰ বাবে পৰিচিত হৈছিল^২৷যাক তেওঁ ফেচবুকত "হিংসা, বৰ্ণবাদ, যৌনতাবাদ, যৌন নিৰ্যাতন আৰু ভণ্ডামিৰ সমাজৰ বিৰুদ্ধে আৰ্তনাদ" বুলি অভিহিত কৰিছিল। তেতিয়াৰ পৰাই তেওঁ কেইবাবাৰো মৃত্যুৰ ভাবুকি সন্মুখীন হৈছিল। ^৩ এলমাহডীয়ে নিজকে "ধৰ্মনিৰপেক্ষ, উদাৰবাদী, নাৰীবাদী, নিৰামিষভোজী, ব্যক্তিবাদী ইজিপ্তীয়" বুলি বৰ্ণনা কৰিছে আৰু ১৬ বছৰ বয়সৰ পৰাই তেওঁ নাস্তিক হিচাপে চিনাক্ত কৰিছে।^৪৫

জীৱনী

২০১১ চনত এলমাহডী আৰু আন এজন কৰ্মী কৰিম আমেৰক ৰাজহুৱা উদ্যানত খোজ কাঢ়ি যোৱাৰ বাবে ৰখাই দিয়া হৈছিল৷ তেওঁলোকে পৰস্পৰৰ কান্ধত বাহু থৈছিল (ৰাজহুৱাভাৱে মৰমৰ প্ৰদৰ্শন) আৰু চুম্বন কৰিছিল৷ তেওঁলোকক তাৰ পিছত উদ্যানখনৰ নিৰাপত্তাৰক্ষী কাৰ্যালয়লৈ লৈ যোৱা হৈছিল, য’ত তেওঁলোকে ৰাজহুৱা উদ্যানৰ পৰিচালকসকলৰ সৈতে বিতৰ্ক কৰিছিল যিয়ে তেওঁলোকক বহিষ্কাৰ কৰিছিল, আৰু পিছত মোবাইল ভিডিঅ’ ফুটেজ পোষ্ট কৰিছিল।

এলমাহডীয়ে ২০১১ চনৰ ২৩ অক্টোবৰত এখন নগ্ন ফটো পোষ্ট কৰিছিল আৰু তেওঁৰ টুইট অনুসৰি, তেওঁ আমেৰক লগ পোৱাৰ "কেইমাহমানৰ আগতে পিতৃ-মাতৃৰ ঘৰত" থাকোঁতেই তেওঁ নিজেই ফটোখন তুলিছিল।^৬৭

২০১২ চনত এলমাহডীয়ে অপহৰণ কৰি মৃত্যুৰ ভাবুকি পোৱাৰ পিছত জেলৰ ভয়ত ছুইডেনত ৰাজনৈতিক আশ্ৰয় বিচাৰিছিল।^৮ ২০১২ চনৰ ডিচেম্বৰ মাহত এলমাহডীয়ে ষ্টকহোমত ইজিপ্তৰ দূতাবাসৰ বাহিৰত ৰাজহুৱা নগ্ন প্ৰতিবাদত অংশগ্ৰহণ কৰিছিল৷ তেওঁ ইনা শ্বেভচেংকো আৰু আন এগৰাকী ফেমেন সদস্যৰ সৈতে এই প্ৰতিবাদত ভাগ লৈছিল। তেওঁলোকে মহম্মদ মুৰ্ছিৰ চৰকাৰে প্ৰস্তুত কৰা "শ্বৰীয়-একনায়কত্ববাদী" প্ৰস্তাৱিত ইজিপ্তৰ সংবিধানক সেই সময়ত গণভোটত ভোটদান কৰাৰ বিৰুদ্ধে প্ৰতিবাদ সাব্যস্ত কৰে। এলমাহডীয়ে ইজিপ্তৰ পতাকা এখন লৈ বুকু আৰু পেটৰ ওপৰেৰে ৰঙা ৰঙেৰে "শ্বৰিয়া সংবিধান নহয়" আঁকিছিল।.^৮

২০১৪ চনৰ ৮ মাৰ্চত আন্তঃৰাষ্ট্ৰীয় নাৰী দিৱসৰ সময়ত এলমাহডী, মৰিয়াম নামাজী আৰু আমিনা টাইলাৰকে ধৰি আন সাতগৰাকী আৰব আৰু ইৰাণী মহিলাই লুভ্ৰ পিৰামিডত মহিলাৰ অধিকাৰৰ বাবে উলংগ হৈ প্ৰতিবাদ সাব্যস্ত কৰি স্বাধীনতা, সমতা আৰু ধৰ্মনিৰপেক্ষতাৰ সপক্ষে ফৰাচী ভাষাত শ্লোগান দিয়ে (liberté, égalité et Laïcité).^{৯১০১১} ২০১৪ চনৰ আগষ্ট মাহত ইছলামিক ষ্টেট অৱ ইৰাক এণ্ড লেভেণ্ট (আই এছ আই এল)ৰ পতাকাত ঋতুস্ৰাৱ কৰি থকা এখন ফটো প্ৰকাশ কৰিছিল আৰু কেৱল জোতা পিন্ধিছিল৷ আনহাতে আন এগৰাকী মহিলাই তাত শৌচ কৰিছিল। ইছলামিক দেশসমূহৰ সংবাদ মাধ্যমে এই ফটোখন প্ৰকাশ কৰা নাছিল, কিয়নো আইছিছৰ পতাকাত মুছলমানসকলৰ বিশ্বাসৰ ঘোষণা আছে।^১২