আদিযোগী শিৱ প্ৰতিমূৰ্তি

আদিযোগী শিৱৰ আৱক্ষ মূৰ্তি (ইংৰাজী: Adiyogi Shiva bust) তামিলনাডুৰ থিৰুনামৰ কইম্বাটুৰৰ ঈশা যোগ কেন্দ্ৰত অৱস্থিত। তীখাৰে নিৰ্মিত এই মূৰ্তিটো ৩৪ মিটাৰ ওখ (১১২ ফুট), ৪৫ মিটাৰ দীঘল (১৪৭ ফুট) আৰু ২৫ মিটাৰ বহল (৮২ ফুট)। ইয়াক গিনিজ ৱৰ্ল্ড ৰেকৰ্ডছ বিশ্বৰ "সৰ্ববৃহৎ আৱক্ষ ভাস্কৰ্য" হিচাপে স্বীকৃতি দিয়ে।^১২ সাধগুৰু জাগ্গী বাসুদেৱে ডিজাইন কৰা এই মূৰ্তিটোৰ ওজন প্ৰায় ৫০০ টন।^৩

আদিযোগী বা "প্ৰথম যোগী" হিচাপে শিৱক কোৱা হয়। যোগৰ জৰিয়তে মানুহক অভ্যন্তৰীণ কল্যাণৰ প্ৰতি অনুপ্ৰাণিত কৰিবলৈ ইয়াক প্ৰতিষ্ঠা কৰা হৈছিল।

বিৱৰণ

আদিযোগী ঈশা যোগ কেন্দ্ৰত অৱস্থিত। ইয়াৰ উচ্চতা, ১১২ ফুট, যোগিক সংস্কৃতিত উল্লেখ কৰা মোক্ষ (মুক্তি) প্ৰাপ্ত কৰাৰ ১১২টা সম্ভাৱনাৰ প্ৰতীক, আৰু লগতে মানৱ ব্যৱস্থাত ১১২টা চক্ৰ।^৪৩ যোগেশ্বৰ লিঙ্গ নামৰ এটা লিঙ্গক পৱিত্ৰ কৰি মূৰ্তিটোৰ সন্মুখত ৰখা হৈছে।^৫ ভাৰতীয় পৰ্যটন মন্ত্ৰালয়ে ইয়াৰ আনুষ্ঠানিক ইনক্ৰিডিৱল ইণ্ডিয়া অভিযানত প্ৰতিমূৰ্তিটো অন্তৰ্ভুক্ত কৰিছে।^৬

উদ্বোধন

আদিযোগী প্ৰতিমূৰ্তিটো ২৪ ফেব্ৰুৱাৰী ২০১৭ তাৰিখে ভাৰতৰ প্ৰধানমন্ত্ৰী নৰেন্দ্ৰ মোদীয়ে মহা শিৱৰাত্ৰি উপলক্ষে উদ্বোধন কৰিছিল। তেওঁ বাসুদেৱৰ দ্বাৰা লিখা "আদিযোগী: যোগৰ উৎস " নামৰ এখন সহযোগী কিতাপও মুকলি কৰে। প্ৰতিমূৰ্তিটো উন্মোচন উপলক্ষে, "আদিযোগী - যোগৰ উৎস" গানটো ঈশা ফাউণ্ডেচনৰ দ্বাৰা মুকলি কৰা হৈছিল, যিটো কৈলাস খেৰে গাইছিল, আৰু প্ৰসূন যোশীয়ে গীতটো লিখিছিল।^৭

২০১৫ চনত ঈশা ফাউণ্ডেচনৰ দ্বাৰা আমেৰিকা যুক্তৰাষ্ট্ৰৰ টেনেচীত আদিযোগীৰ আন এটা ৬.৪ মিটাৰ (২১ ফুট) মূৰ্তি উন্মোচন কৰা হৈছিল, ২,৮০০ মিটাৰ২ (৩০,০০০ বৰ্গ ফুট) যোগ ষ্টুডিঅ'ৰ অংশ হিচাপে।^৮

আদিযোগী দিব্য দৰ্শনম্‌

আদিযোগী দিব্য দৰ্শনম হৈছে থ্ৰিডি লেজাৰ শ্ব', যি আদিযোগীৰ কাহিনী আৰু মানুহক কেনেদৰে যোগবিজ্ঞান প্ৰদান কৰা হৈছিল তাৰ বৰ্ণনা কৰে।^৯ ২০১৯ চনত মহা মহা শিৱৰাত্ৰিত ৰাষ্ট্ৰপতি ৰাম নাথ কোৱিন্দে ইয়াক উদ্বোধন কৰে।^১০ এইটো এটা ১৪ মিনিটৰ লাইট এণ্ড চাউণ্ড শ্ব, যাক আদিযোগী প্ৰতিমূৰ্তিৰ ওপৰত প্ৰক্ষেপ কৰা হৈছে।^১১১২ ২০২০ চনত ই উপাসনা গৃহ শ্ৰেণীত মনোৰঞ্জন প্ৰযুক্তিবিদ্যাৰ বাবে Mondo*dr EMEA & APAC Award for Technology বঁটা লাভ কৰে। .^১৩১৪