আজমেৰী হক বাঁধন

আজমেৰী হক বাঁধন (জন্ম: ২৮ অক্টোবৰ ১৯৮৩) এগৰাকী বাংলাদেশী অভিনেত্ৰী।^১ তেওঁ বাংলাদেশৰ চলচ্চিত্ৰত অভিনয় কৰাৰ উপৰিও ভাৰতীয় চলচ্চিত্ৰতো অভিনয় কৰে। ২০০৬ চনত লাক্স চেনেল আই ছুপাৰষ্টাৰত ২য় ৰানাৰ্ছ আপ হোৱাৰ পিছত তেওঁ এগৰাকী মডেলৰূপে সকলোৰে নজৰলৈ আহে।^২ পিছলৈ ২০১০ চনত, তেওঁ অভিনেতা ইলিয়াছ কাঞ্চন আৰু অভিনেত্ৰী চম্পাৰ সৈতে নিঝুম অৰণ্যে নামৰ ছবি এখনত অভিনয়েৰে চলচ্চিত্ৰত অভিষেক ঘটায়।^৩ তেওঁ টেলিভিছন ধাৰাবাহিকতো অভিনয় কৰে।^৪

৭৪ সংখ্যক কান চলচ্চিত্ৰ মহোৎসৱৰ "আন চাৰ্টেইন ৰিগাৰ্ড" শিতানত আনুষ্ঠানিকভাৱে নিৰ্বাচিত প্ৰথমখন বাংলাদেশী ছবি ৰেহানা মৰিয়ম নূৰ (২০২১)ত অভিনয়েৰে বাঁধনে সফলতা লাভ কৰে।^৫ এই ছবিখনৰ বাবে তেওঁ শ্ৰেষ্ঠ অভিনেত্ৰীৰ বাংলাদেশ ৰাষ্ট্ৰীয় চলচ্চিত্ৰ বঁটা, "শ্ৰেষ্ঠ অভিনেত্ৰী" শিতানত চতুৰ্দশ এছিয়া পেচিফিক স্ক্ৰীণ বঁটা (APSA) আৰু নৱ প্ৰতিভা শাখাত হংকং এছিয়ান চলচ্চিত্ৰ মহোৎসৱৰ বঁটা লাভ কৰে।^৬৭৮

প্ৰাৰম্ভিক জীৱন আৰু শিক্ষা

১৯৮৩ চনৰ ২৮ অক্টোবৰ তাৰিখে বাংলাদেশৰ ঢাকাত আজমেৰী হক বাঁধনে জন্মগ্ৰহণ কৰিছিল।^৯১০ তেওঁৰ পূৰ্বপুৰুষসকল মূলতঃ মুন্সীগঞ্জৰ বাসিন্দা আছিল।^১০ তেওঁ ঢাকা ডেণ্টেল কলেজ এণ্ড হস্পিতালৰ পৰা দন্ত অস্ত্ৰোপচাৰ বিষয়ত স্নাতক ডিগ্ৰী লাভ কৰে।^১০

কৰ্মজীৱন

বাঁধনে কম বয়সতে এখন সৌন্দৰ্য প্ৰতিযোগিতাত অংশগ্ৰহণ কৰিছিল।^১১ ছয়টা পাগলা, শুভ বিবাহ, চাঁদ ফুল অমাবস্যা, ৰং আৰু হিবিজিবি নাথিং আদি নাট্য ধাৰাবাহিকত অভিনয় কৰাৰ বাবেও তেওঁ সুপৰিচিত।^১২ এগৰাকী দন্ত চিকিৎসক হিচাপেও তেওঁ সুপৰিচিত।^১৩ বৰ্তমান তেওঁক টেলিভিছন ধাৰাবাহিকসমূহতেই বেছিকৈ দেখা যায়।^১৪ ভাৰতীয় প্ৰখ্যাত অভিনয় শিল্পী তবু আৰু আলী ফজলৰ সৈতে, বিশাল ভাৰদ্বাজৰ ছবি খুফিয়াত এক বিশিষ্ট চৰিত্ৰত অভিনয়েৰে তেওঁ বলীউডতো আত্মপ্ৰকাশ কৰে।^১৫

ব্যক্তিগত জীৱন

বাঁধন এগৰাকী ১৩ বছৰীয়া কন্যা সন্তানৰ মাতৃ। তেওঁৰ কন্যাৰ নাম মিচেল আমানী ছায়েৰা।^১৬ ২০১৮ চনত, ঢাকাৰ দ্বাদশ জিলা আৰু অধিবেশন আদালতৰ সহকাৰী ন্যায়াধীশে দিয়া ৰায়দান অনুসৰি, বাঁধনে ছায়েৰাৰ অভিভাৱকত্ব লাভ কৰিছিল।^১৭

সক্ৰিয়তা

মহিলাৰ অধিকাৰ আৰু মানসিক স্বাস্থ্য সম্পৰ্কীয় বিষয়সমূহকে ধৰি বিভিন্ন সামাজিক কাম-কাজৰ সৈতে বাঁধন জড়িত। ব্ৰিটিছ কাউন্সিলৰ উদ্যোগত অনুষ্ঠিত হোৱা ৱাউ ফেষ্টিভেলত তেওঁ নাৰীৰ অধিকাৰ আৰু সামাজিক পৰিৱৰ্তনৰ বিষয়ে গুৰুত্বপূৰ্ণ বক্তব্য আগবঢ়াইছিল।^১৮ ৰাষ্ট্ৰসংঘৰ মহিলাৰ সামাজিক কাম-কাজৰ অংশ হিচাপে তেওঁ বৈবাহিক ধৰ্ষণৰ বিৰুদ্ধে মাত মাতিছিল।^১৯

চলচ্চিত্ৰপুঞ্জী

চলচ্চিত্ৰ

ৱেব ধাৰাবাহিক

টিভি শ্ব’ আৰু নাটক

• মেঘে ঢাকা শহৰ^২৫
• ছয়টা পাগলা^২৬
• শুভ বিবাহ^২৬
• ৰং^২৭
• ভালোবাসা কাৰে কয়^২৮

চলচ্চিত্ৰ জুৰীৰ কাৰ্য্যকলাপ

• জুৰী সদস্য, আই এম টুম’ৰ’ চলচ্চিত্ৰ মহোৎসৱ, ব্ৰাছেলছ^২৯
• জুৰী সদস্য, এছিয়ান চলচ্চিত্ৰ প্ৰতিযোগিতা, ১৫ তম বেংগালুৰু আন্তঃৰাষ্ট্ৰীয় চলচ্চিত্ৰ মহোৎসৱ, ভাৰত^৩০

বঁটা