অ'ট

অ'ট বা জই (Oat) এবিধ খাদ্যশস্য। ই গম, যৱ, ৰাই আদি শস্যজাতীয় শস্যতকৈ ই ঠাণ্ডা শীতকাল কম সহ্য কৰে। অ'ট উৎপাদনৰ গ্ৰীষ্মকালীন তাপ কম আৰু অধিক বৰষুণৰ প্ৰয়োজন হয়, যাৰ বাবে উত্তৰ-পশ্চিম ইউৰোপৰ দৰে অঞ্চলত ই গুৰুত্বপূৰ্ণ হৈ পৰে, য'ত শীতল, ভিজা গ্ৰীষ্ম থাকে। কম পুষ্টি আৰু এচিডযুক্ত মাটি ইহঁতে সহ্য কৰিব পাৰে। অ'ট সোনকালে বৃদ্ধি পায়, যাৰ ফলত ই বহুতো অপতৃণক সহ্য কৰিব পাৰে আৰু অন্যান্য শস্যৰ তুলনাত তুলনামূলকভাৱে ৰোগমুক্ত। বিশ্বব্যাপী অ'ট উৎপাদনত কানাডা আৰু ৰাছিয়াৰ আধিপত্য আছে। ২০২১ চনত বিশ্বত প্ৰায় ২৫.৫ মিলিয়ন টন অ'ট উৎপাদন হৈছিল।^১ অ'ট নিয়মিতভাৱে গ্ৰহণ কৰিলে তেজৰ কলেষ্টেৰল কম হোৱাৰ লগতে মানুহৰ হৃদৰোগৰ সম্ভাৱনা হ্ৰাস পায়। ই পুষ্টিকৰ উপাদান সমৃদ্ধ খাদ্য। অ'ট পশুধনৰ খাদ্য হিচাপেও ব্যৱহাৰ কৰা হয়।

পুষ্টিমান

অ'ট হৈছে উচ্চ আঁহযুক্ত খাদ্য, য'ত বিশেষকৈ বিটা-গ্লুকান নামৰ এক দ্ৰৱণীয় আঁহ থাকে। এই উপাদান তেজত ক'লেষ্টেৰ'লৰ পৰিমাণ হ্ৰাস কৰাত সহায় কৰে আৰু হৃদযন্ত্ৰ-সংক্ৰান্ত ৰোগৰ আশংকা কমায়।^২

ইয়াত শৰ্কৰা, মাংসসাৰ, ভিটামিন বি, লৌহ পদাৰ্থ, আৰু মেংগানিজ থাকে। এইবোৰে শৰীৰত শক্তি যোগায় আৰু দীঘলীয়া স্বাস্থ্য ৰক্ষা কৰে। অ'ট সাধাৰণতে অ'টমিল, মুছলি অথবা ৰুটি হিচাপে খোৱা হয়।

পশুখাদ্য হিচাপে ব্যৱহাৰ

অ'ট কেৱল মানুহৰ খাদ্য হিচাপে নহয়, বৰং গৰু, ঘোঁৰা, ছাগলী আদি পশুধনৰ খাদ্য হিচাপেও ব্যাপকভাৱে ব্যৱহৃত হয়। ইহঁতৰ খাদ্যত পচনক্ষমতা বৃদ্ধি কৰাত সহায় কৰে আৰু পুষ্টি যোগায়।