অৱন্তিকা বন্দনাপু

অৱন্তিকা বন্দনাপু (ইংৰাজী ভাষা: Avantika Vandanapu; জন্ম: ২৫ জানুৱাৰী, ২০০৫), যাক এককভাৱে অৱন্তিকা বুলিও জনা যায়, এগৰাকী আমেৰিকা যুক্তৰাষ্ট্ৰন অভিনেত্ৰী। তেওঁ ২০১৬ চনৰ তেলুগু ভাষা ছবি ব্ৰহ্মোৎসৱমৰ জৰিয়তে নিজৰ কেৰিয়াৰ আৰম্ভ কৰিছিল আৰু পৰৱৰ্তী সময়ত তেলুগু চিনেমাৰ কেইবাটাও প্ৰকল্পত কাম কৰিছিল। ইয়াৰ পিছত তেওঁ আমেৰিকান চিনেমালৈ যাত্ৰা কৰে আৰু ডিজনী চেনেলৰ অৰিজিনেল মুভি স্পিন (২০২১) ত প্ৰথমটো মুখ্য চৰিত্ৰত অভিনয় কৰে। ইয়াৰ পিছত তেওঁ নেটফ্লিক্সৰ ছবি চিনিয়ৰ য়েৰ (২০২২) ত অভিনয় কৰে। ২০২৪ চনত মুক্তি পোৱা মিউজিকেল কমেডী ছবি মিন গাৰ্লছ আৰু ভৌতিক ছবি টেৰ'টত সহযোগী চৰিত্ৰত অভিনয় কৰি তেওঁ অধিক জনপ্ৰিয়তা অৰ্জন কৰে।

প্ৰাৰম্ভিক আৰু ব্যক্তিগত জীৱন

২০০৫ চনৰ ২৫ জানুৱাৰীত ছান ফ্ৰান্সিস্কো বে এৰিয়াৰ ইউনিয়ন চিটিত এটা তেলুগু পৰিয়ালত অৱন্তিকা বন্দনাপুৰ জন্ম হৈছিল।^১২৩ তেওঁৰ পৰিয়ালটো মূলতঃ ভাৰতৰ তেলেংগানাৰ হায়দৰাবাদৰ আছিল। তেওঁ আমেৰিকান কনজাৰ্ভেটৰী থিয়েটাৰত অভিনয়ৰ প্ৰশিক্ষণ লৈছিল।^৪

অৱন্তিকা বৰ্তমান নিউয়ৰ্ক চহৰত বসবাস কৰে।^৫ তেওঁ ২০২৭ চনৰ বেচৰ শিক্ষাৰ্থী হিচাপে কলম্বিয়া বিশ্ববিদ্যালয়ত অধ্যয়ন কৰি আছে।^৫৬

কৰ্মজীৱন

ভাৰতীয় চলচ্চিত্ৰত প্ৰাৰম্ভিক কাম (২০১৪–২০১৬)

২০১৪ চনত অৱন্তিকা জি টিভিৰ নৃত্য প্ৰতিযোগিতামূলক ৰিয়েলিটি শ্ব’ ডান্স ইণ্ডিয়া ডান্স লিটল মাষ্টাৰ্ছ (উত্তৰ আমেৰিকা সংস্কৰণ)ত দ্বিতীয় স্থান লাভ কৰিছিল।^৭

২০১৫ চনত অৱন্তিকাই তেলুগু চলচ্চিত্ৰ জগতত প্ৰৱেশ কৰে আৰু দুখন ছবিৰ বাবে চুক্তিবদ্ধ হয়। তেওঁক কৃষ্ণ গাডী বীৰ প্ৰেম গাধা (২০১৬) ত চুুটকী চৰিত্ৰত অভিনয় কৰিবলৈ বাছনি কৰা হৈছিল যদিও সময়ৰ নাটনিৰ বাবে তেওঁ ছবিখন এৰিবলগীয়া হয়। মহেশ বাবু অভিনীত ব্ৰহ্মোৎসৱম (২০১৬) ৰ জৰিয়তে অৱন্তিকাই শিশু শিল্পী হিচাপে আনুষ্ঠানিকভাৱে আত্মপ্ৰকাশ কৰে। ইয়াৰ পিছত তেওঁ চন্দ্ৰ শেখৰ য়েলেটিৰ ছবি মনমনথাত অভিনয় কৰে। পিছলৈ তেওঁ নাগা চৈতন্য আৰু শ্ৰুতি হাছান অভিনীত প্ৰেমমত চুক্তিবদ্ধ হয়, য’ত তেওঁ মাডোনা চেবাষ্টিয়ানৰ চৰিত্ৰটোৰ সৰুকালৰ সংস্কৰণটো ৰূপায়ণ কৰিছিল।^৮ অৱন্তিকাই প্ৰকাশ কৰা মতে, তেলুগু চিনেমা ত্যাগ কৰাৰ মূল কাৰণ আছিল তেওঁক আগবঢ়োৱা চৰিত্ৰসমূহৰ বৈচিত্ৰ্যহীনতা। তেওঁক মূলতঃ অভিনেত্ৰীৰ সৰুকালৰ চৰিত্ৰ বা সহযোগী চৰিত্ৰহে প্ৰদান কৰা হৈছিল।^৯

আমেৰিকান চিনেমালৈ যাত্ৰা (২০২১–বৰ্তমান)

২০২১ চনত অৱন্তিকাই ডিজনী চেনেলৰ অৰিজিনেল মুভি স্পিনত ৰিয়া কুমাৰ নামৰ এজনী উচ্চাকাংক্ষী হাইস্কুলীয়া ছাত্ৰীৰ মুখ্য চৰিত্ৰত অভিনয় কৰি আমেৰিকান চিনামাত আত্মপ্ৰকাশ কৰে।^১০ তেওঁৰ অভিনয়ক লৈ সমালোচকসকলে ইতিবাচক সঁহাৰি দিছিল। ইয়াৰ পিছত তেওঁ নেটফ্লিক্সৰ ছবি মক্সি (২০২১) আৰু চিনিয়ৰ য়েৰ (২০২২) ত সহযোগী চৰিত্ৰত অভিনয় কৰে।^১১

২০২৪ চনত অৱন্তিকাই ব্ৰডৱে মিউজিকেলৰ ওপৰত আধাৰিত ছবি মিন গাৰ্লছত কেৰেন শেঠীৰ চৰিত্ৰত অভিনয় কৰিছিল।^১২ ছবিখনৰ দৃশ্যগ্ৰহণৰ বাবে তেওঁ বিশ্ববিদ্যালয়ৰপৰা সাময়িক ছুটি ল’বলগীয়া হৈছিল। অৱন্তিকাই ছবিখনত এগৰাকী ভাৰতীয় আমেৰিকান মহিলা হিচাপে এই ধৰণৰ চৰিত্ৰত অভিনয় কৰিবলৈ পাই আনন্দিত হোৱা বুলি প্ৰকাশ কৰিছে। ছবিখনে মিশ্ৰিত সঁহাৰি লাভ কৰিলেও তেওঁৰ অভিনয়ে বিশেষ প্ৰশংসা বুটলিবলৈ সক্ষম হৈছিল।^১৩

২০২৪ চনত অৱন্তিকাই ২০০৪ চনৰ একে নামৰ ছবিখনৰ ওপৰত আধাৰিত ব্ৰডৱে মিউজিকেল মিন গাৰ্লছৰ চলচ্চিত্ৰ অভিযোজনত কেৰেন শেঠীৰ চৰিত্ৰত অভিনয় কৰিছিল।^১২ দৃশ্যগ্ৰহণৰ বাবে প্ৰয়োজনীয় সময় মিলাবলৈ তেওঁ বিশ্ববিদ্যালয়ৰপৰা "সাময়িক ছুটি" ল’বলগীয়া হৈছিল।^১৪ অৱন্তিকাই মূল ছবিখনৰ তুলনাত কেৰেনৰ চৰিত্ৰটোৰ নৃগোষ্ঠীয় পৰিৱৰ্তনৰ বিষয়ে আলোচনা কৰি কয় যে "এগৰাকী ভাৰতীয় আমেৰিকান মহিলা হিচাপে তেনে চৰিত্ৰত অভিনয় কৰাটো সঁচাকৈয়ে এক আচৰিত অভিজ্ঞতা।" তেওঁ লগতে কয় যে তেওঁ "অৱশেষত এনে এটা দক্ষিণ এছীয় চৰিত্ৰত অভিনয় কৰিবলৈ পাই উৎসাহিত যিটো কোনো গতানুগতিক ধাৰাৰ (stereotype) মাজত আবদ্ধ নহয়।" ^১৫ ছবিখনে সমালোচকৰপৰা মিশ্ৰিত সঁহাৰি লাভ কৰিছিল, যদিও তেওঁৰ অভিনয় প্ৰশংসিত হৈছিল।^১৬ দ্য গাৰ্ডিয়ানত লিখা পিটাৰ ব্ৰেডশ্ব’ৱে অৱন্তিকাক "মিন গাৰ্লছৰ ভিতৰত আটাইতকৈ আকৰ্ষণীয়" বুলি অভিহিত কৰিছে।^১৭ মিন গাৰ্লছ ব্যাৱসায়িকভাৱে সফল হিচাপে পৰিগণিত হৈছিল, যাৰ বাবে দ্য টাইমছ অফ ইণ্ডিয়াই ছবিখনক আমেৰিকান চিনামাত তেওঁৰ উপস্থিতি সুদৃঢ় কৰাত সহায় কৰা বুলি কৃতিত্ব দিয়ে।^১৮১৯

তেওঁ আমাজন প্ৰাইম ভিডিঅ'ৰ অৰিজিনেল ছিৰিজ বিগ গাৰ্লছ ডণ্ট ক্ৰাইৰ জৰিয়তে ভাৰতীয় প্ৰকল্পলৈ ঘূৰি আহে। ইয়াত তেওঁ লুডু নামৰ এগৰাকী ছদ্মবেশী সমকামী কিশোৰীৰ চৰিত্ৰত অভিনয় কৰিছিল যিয়ে নিজৰ যৌন পৰিচয়ৰ সৈতে মোকাবিলা কৰি বাস্কেটবলৰ অধিনায়কত্ব বজাই ৰাখিবলৈ সংগ্ৰাম কৰে।^২০ ইয়াৰ পিছৰ মাহত অৱন্তিকাই আন্না হালবাৰ্গ আৰু স্পেন্সাৰ কোহেনৰ পৰিচালনাত নিৰ্মিত ভৌতিক ছবি টেৰ'টত অভিনয় কৰে।^২১ এই চৰিত্ৰটো গ্ৰহণ কৰাৰ আঁৰত তেওঁৰ মাতৃৰ জ্যোতিষশাস্ত্ৰৰ প্ৰতি থকা বিশ্বাস আৰু তন্ত্ৰ-মন্ত্ৰৰ প্ৰতি থকা নিজৰ আগ্ৰহৰ প্ৰভাৱ আছিল। ছবিখনে সাধাৰণতে নেতিবাচক সমালোচনা লাভ কৰিছিল যদিও অতি কম বাজেটত নিৰ্মিত টেৰ'ট এক বৃহৎ ব্যাৱসায়িক সফলতা হিচাপে পৰিগণিত হয়।^২২

অৱন্তিকাই অনাগত দিনত ডিজনী+ অৰিজিনেল ছিৰিজ এ ক্ৰাউন অৱ উইচেছ আৰু মিণ্ডী কেলিংৰ কমেডী ছিৰিজ নট চুইটেবল ফৰ ৱৰ্কত মুখ্য চৰিত্ৰত অভিনয় কৰিব।^২৩

অভিনয় তালিকা

চলচ্চিত্ৰ

টেলিভিছন

ৱেব ধাৰাবাহিক

কণ্ঠৰ ভূমিকা