অৰুণাচল কমলা

অৰুণাচল কমলা বা ৱাক্ৰ’ কমলা হৈছে ভাৰতৰ উত্তৰ-পূৰ্বাঞ্চলৰ অৰুণাচল প্ৰদেশত থলুৱাভাৱে উৎপাদিত হোৱা এবিধ সুমথিৰা টেঙা। ২০১৫ চনৰ ২৩ মাৰ্চত ভাৰত চৰকাৰৰ ভৌগোলিক স্বীকৃতি পঞ্জীয়নৰ কাৰ্যালয়ে^১ অৰুণাচল কমলাক ভৌগোলিক স্বীকৃতি প্ৰদান কৰে।^২ উত্তৰ-পূব ক্ষেত্ৰীয় কৃষি বিপনণ নিগম লিমিটেডে ভৌগোলিক স্বীকৃতি পঞ্জীয়কৰ ওচৰত দাখিল কৰা প্ৰতিবেদন অনুসৰি এই কমলাবিধৰ বিশেষত্ব হৈছে ইয়াৰ টেঙা-মিঠা সোৱাদ আৰু ৰসৰ প্ৰাচুৰ্য। অৰুণাচল প্ৰদেশৰ মুঠ টেঙাজাতীয় ফল উৎপাদনৰ ৯০ শতাংশই হৈছে অৰুণাচল কমলা।^১

অৰুণাচল কমলাৰ গছসমূহ গুল্মজাতীয় আৰু ই প্ৰায় ৩-ৰ পৰা ৬ মিঃ পৰ্যন্ত ওখ হয়। এজোপা পূৰঠ গছত বছৰি গড়ে ২০০-ৰ পৰা ৩০০-টালৈকে ফল লাগে। ইয়াৰ বাকলিৰ ঘনত্ব মজলীয়া আৰু পকিলে টেঙাসমূহৰ বৰণ সুমথিৰা হৈ পৰে। নৱেম্বৰৰ পৰা ফেব্ৰুৱাৰী মাহৰ ভিতৰত ফলসমূহ গছৰ পৰা ছিঙি অনা হয়।^১

বৈশিষ্ট্যসমূহ

বৃদ্ধি, গঠনমূলক-ৰাসায়নিক বৈশিষ্ট্য আৰু সোৱাদৰ ফালৰ পৰা অৰুণাচল কমলা আন কমলা টেঙাসমূহতকৈ ভিন্ন হয়। ইয়াৰ বিশেষত্বসমূহ এনেধৰণৰ:^১

• অৰুণাচল কমলাৰ বাকলি আন কমলাৰ দৰে আটিল নহয় বাবে গুচাবলৈ সহজ।
• নাগপুৰৰ কমলাকে ধৰি অন্যান্য কমলাটেঙাতকৈ আয়তন অনুসৰি ইয়াৰ ৰসৰ পৰিমাণ অধিক।
• মুঠ দ্ৰৱীভূত উপাদান বা টিএছএছৰ পৰ্যাপ্ত পৰিমাণ আৰু ন্যূনতম এচিডিটিয়ে ইয়াক অনন্য টেঙা-মিঠা সোৱাদযুক্ত কৰি তোলে।
• এই কমলাসমূহ সম্পূৰ্ণ জৈৱিক পদ্ধতিৰে উৎপাদন কৰা হয় আৰু ইয়াত কোনো ৰাসায়নিক সাৰ প্ৰয়োগ কৰা নহয়।

গঠনমূলক-ৰাসায়নিক বৈশিষ্ট্য