অনু চৌধুৰী

অনসুয়া দাশ চৌধুৰী, যি পেছাদাৰীভাৱে অনু চৌধুৰী নামেৰে পৰিচিত, এগৰাকী ভাৰতীয় অভিনেত্ৰী আৰু ৰাজনীতিবিদ যিয়ে মূলতঃ ওড়িয়া ভাষা, বঙালী ভাষা, তেলুগু ভাষা আৰু হিন্দী ভাষা চলচ্চিত্ৰত কাম কৰে। ১৯৯৯ চনত মুক্তিপ্ৰাপ্ত মা গোজাবায়ানি আছিল তেওঁৰ প্ৰথম ওড়িয়া বোলছবি।^১

প্ৰাৰম্ভিক জীৱন

অনু চৌধুৰীৰ জন্ম হৈছিল ওড়িশাৰ ভুৱনেশ্বৰত। ভুৱনেশ্বৰৰ বিজু পাটনায়ক মহাবিদ্যালয়ৰ পৰা বিজ্ঞান শাখাত উচ্চ শিক্ষা আৰু ৰামদেৱী মহিলা মহাবিদ্যালয়ৰ পৰা ভূগোল বিষয়ত স্নাতক ডিগ্ৰী লাভ কৰাৰ পিছত অভিনয় বৃত্তি হিচাপে গ্ৰহণ কৰে।

ৰাজনৈতিক জীৱন

২০১৮ চনৰ জানুৱাৰী মাহত চৌধুৰীয়ে ভাৰতীয় জনতা পাৰ্টিত যোগদান কৰে।^২৩ তেওঁ ২০১৯ চনৰ নিৰ্বাচনত পাটকুৰা সমষ্টিত,^৪ ২০২১ চনৰ পিপিলি উপ-নিৰ্বাচনত আৰু ২০২২ চনৰ খাল্লীকোট পঞ্চায়ত নিৰ্বাচনত দলটোৰ হৈ নিৰ্বাচনী প্ৰচাৰ চলাইছে।^৫৬৭

চৌধুৰী বিজেপি ওড়িশাৰ ৰাজ্যিক কাৰ্যনিৰ্বাহকৰ বিশেষ আমন্ত্ৰিত সদস্য।^৮ ২০২০ চনৰ ১৫ ফেব্ৰুৱাৰীত ভুৱনেশ্বৰৰ সাংসদ অপৰাজিতা ষড়ংগীয়ে তেওঁক সংসদীয় সমষ্টিটোৰ অন্তৰ্গত বেগুনিয়া বিধানসভা সমষ্টিৰ বাবে সাংসদৰ প্ৰতিনিধি হিচাপে নিযুক্তি দিয়ে।^৯ ২০২১ চনৰ ২০ ফেব্ৰুৱাৰীত চৌধুৰীক ওড়িশা বিজেপি মহিলা মৰ্চাৰ উপ-সভানেত্ৰী হিচাপে নিযুক্তি দিয়া হৈছিল,^১০ আৰু তেওঁ ২০২৩ চনত পৰৱৰ্তী নতুন দল নিযুক্তি নিদিয়া পৰ্যন্ত এই পদত আছিল।^১১

ব্যক্তিগত জীৱন

চৌধুৰীয়ে বিজু পাটনায়ক বিজ্ঞান আৰু শিক্ষা মহাবিদ্যালয়ৰপৰা শিক্ষা সমাপ্ত কৰে আৰু ৰামা দেৱী মহিলা বিশ্ববিদ্যালয়ৰপৰা বিজ্ঞানত স্নাতক ডিগ্ৰী লাভ কৰে। তেওঁ মণিপাল উচ্চ শিক্ষা একাডেমীৰ (মণিপাল বিশ্ববিদ্যালয়) পৰা তথ্য প্ৰযুক্তি বিষয়ত স্নাতকোত্তৰ ডিগ্ৰী লাভ কৰিছিল।^১২

২০০৬ চনত তেওঁ ব্যৱসায়ী সন্দীপ মিশ্ৰৰ সৈতে বিবাহপাশত আবদ্ধ হৈছিল, কিন্তু ২০০৮ চনত তেওঁলোকৰ বিবাহ বিচ্ছেদ হয়।^১৩