অনুষ্কা সেন

অনুষ্কা সেন ( Anushka Sen; জন্ম ৪ আগষ্ট ২০০২)^১ এগৰাকী ভাৰতীয় টেলিভিছন অভিনেত্ৰী আৰু মডেল। বলবীৰ, ঝান্সি কি ৰাণী, ফিয়াৰ ফেক্টৰ: খাট্ৰন কে খিলাদি ১১, আৰু দিল দোস্তি ডাইলেমা আদি ছবিৰ বাবে তেওঁ সুপৰিচিত।

ব্যক্তিগত জীৱন

ৰাঁচীত বাঙালী বৈদ্য পৰিয়ালত জন্মগ্ৰহণ কৰা সেন^২ আৰু পিছলৈ পৰিয়ালৰ সৈতে মুম্বাইলৈ গুচি যায়। কান্দিৱলীৰ ৰিয়ান ইণ্টাৰনেশ্যনেল স্কুলত অধ্যয়ন কৰিছিল আৰু বাণিজ্যিক ছাত্ৰী হিচাপে উচ্চতৰ মাধ্যমিক শিক্ষাৰ চিবিএছই ব'ৰ্ড পৰীক্ষাত ৮৯.৪% নম্বৰ লাভ কৰিছিল।^৩ পিছলৈ তেওঁ মুম্বাইৰ ঠাকুৰ কলেজ অৱ চাইন্স এণ্ড কমাৰ্চত ফিল্মগ্ৰাফীত ডিগ্ৰী লাভ কৰে।^৪

কৰ্মজীৱন

২০০৯ চনত জী টিভিৰ ধাৰাবাহিক যহান মে ঘৰ ঘৰ খেলীৰ জৰিয়তে শিশু অভিনেতা হিচাপে নিজৰ কেৰিয়াৰ আৰম্ভ কৰিছিল সেনে। সেই বছৰতে তেওঁৰ প্ৰথম মিউজিক ভিডিঅ' হাইকোৰ্টেৰ হে আশা মুক্তি পায়।^৫

২০১২ চনত ছাব টিভিৰ বলবীৰত মেহেৰৰ চৰিত্ৰত অভিনয় কৰি জনপ্ৰিয়তা লাভ কৰে।^৬ ২০১৫ চনত বলীউডৰ ছবি ক্ৰেজি কুক্কাড ফেমিলিত অভিনয় কৰিছিল।

টিভি ধাৰাবাহিক ইণ্টাৰনেট ৱালা লাভ আৰু দেবো কে দেৱ...মহাদেৱত অভিনয় কৰিছে। ইয়াৰ উপৰিও তেওঁ পিৰিয়ড ড্ৰামা ছবি লিহাফ: দ্য কুইল্টত অভিনয় কৰিছিল, আৰু এখন চুটি ছবি সম্মাদিথীত অভিনয় কৰিছিল। কেইবাটাও মিউজিক ভিডিঅ’তো অভিনয় কৰিছে সেনে।

২০১৯ চনৰ ধাৰাবাহিক খোব লাডী মাৰ্দানী – ঝান্সি কি ৰাণীত ঐতিহাসিক চৰিত্ৰ মণিকৰ্ণিকা ৰাও অৰ্থাৎ ৰাণী লক্ষ্মী বাইৰ চৰিত্ৰত অভিনয় কৰি তেওঁ পৰিচিত।^৭ ২০২০ চনত জি টিভিৰ আপনা টাইম ভি আয়েগাত মুখ্য চৰিত্ৰত অভিনয় কৰিছিল যদিও তিনি সপ্তাহৰ পিছত গুচি যায়। .^৮

২০২১ চনত তেওঁ ষ্টাণ্ট ভিত্তিক ৰিয়েলিটি টিভি শ্ব' ফিয়াৰ ফেক্টৰ: খাট্ৰন কে খিলাৰী ১১ত প্ৰৱেশ কৰে আৰু সপ্তম সপ্তাহত বাহিৰ হয়।^৯ এই অনুষ্ঠানত অভিনয় কৰা তেওঁ আছিল আটাইতকৈ কম বয়সীয়া প্ৰতিযোগী।^১০

২০২৩ চনত কোৰিয়াৰ পৰ্যটনৰ সন্মানীয় ৰাষ্ট্ৰদূত হিচাপে নিযুক্তি লাভ কৰে। এছিয়া নামৰ প্ৰথমখন কোৰিয়ান ছবিৰ শ্বুটিংও কৰি আছে।^১১

২০২৪ চনত তেওঁ আমাজন প্ৰাইম ভিডিঅ'ৰ কিশোৰ নাটক দিল দোস্তি ডাইলেমাত আছমাৰাৰ চৰিত্ৰত অভিনয় কৰে।^১২

ফিল্মগ্ৰাফী

চলচ্চিত্ৰ

বঁটা আৰু মনোনয়ন