অনুপমা ঔৰা গুৰুং

অনুপমা ঔৰা গুৰুং (নেপালী ভাষা: अनुपमा गुरुङ; জন্ম: ১৬ আগষ্ট ১৯৮৮) এগৰাকী ছিংগাপুৰীয়-নেপালী মডেল আৰু সৌন্দৰ্য প্ৰতিযোগিতাৰ খিতাপধাৰী, যিয়ে মিছ নেপাল আৰ্থ ২০১১ খিতাপ জয় কৰিছিল।^১ তেওঁ ২০১১ চনৰ ১২ নৱেম্বৰত থাইলেণ্ডৰ পাটায়াত অনুষ্ঠিত মিছ আৰ্থ ২০১১ প্ৰতিযোগিতাত নেপালক প্ৰতিনিধিত্ব কৰিছিল।

প্ৰাৰম্ভিক জীৱন

অনুপমা ঔৰা গুৰুং (প্ৰকৃত নাম অনুপমা গুৰুং) ১৯৮৮ চনৰ ১৬ আগষ্টত ছিংগাপুৰৰ এগৰাকী গুৰ্খা কণ্টিনজেণ্ট বিষয়াৰ পৰিয়ালত জন্মগ্ৰহণ কৰিছিল আৰু ২১ বছৰ বয়সলৈকে ছিংগাপুৰত বাস কৰিছিল। গুৰুঙে গেইলং মেথডিষ্ট ছেকেণ্ডাৰী স্কুলত মাধ্যমিক শিক্ষা গ্ৰহণ কৰিছিল, য’ত তেওঁ চফ্টবল দলৰ উপ-অধিনায়ক আছিল। তেওঁ ৰাজহুৱা ভাষণ প্ৰদান আৰু অনুষ্ঠান পৰিচালনা কৰি ভাল পায়। তেওঁ সাৱলীলভাৱে ইংৰাজী ক’ব পাৰে আৰু নেপালী তথা সামান্য পৰিমাণে মেণ্ডাৰিন চীনা ভাষাও জানে।

তেওঁ ছিংগাপুৰৰ নানয়াং পলিটেকনিকৰপৰা নাৰ্ছিং ডিপ্লমা সম্পূৰ্ণ কৰে আৰু বৰ্তমান নেপালৰ ইছলিংটন কলেজৰ (পূৰ্বৰ ইনফৰ্মেটিক্স) পৰা বিবিএ অধ্যয়ন কৰি আছে। ১৫ বছৰ বয়সতে তেওঁ এগৰাকী উদ্যোক্তা হোৱাৰ মনস্থ কৰিছিল। বৰ্তমান (২০১৩) কাঠমাণ্ডুত বাস কৰি তেওঁ নেপালৰ অৰ্থনীতিত সহায় কৰা আৰু জনসাধাৰণৰ বাবে কৰ্মসংস্থাপনৰ সুযোগ সৃষ্টি কৰাৰ লক্ষ্য ৰাখিছে। ২০১০ চনত তেওঁ মিছ মংগোল ২০১০ প্ৰতিযোগিতাত অংশগ্ৰহণ কৰিছিল আৰু তাত ‘মিছ পাৰ্চনেলিটি’ খিতাপ লাভ কৰিছিল।^২

মিছ নেপাল

অনুপমাই মিছ চিতৱান ২০১১ হিচাপে মিছ নেপাল ২০১১ সৌন্দৰ্য প্ৰতিযোগিতাত যোগদান কৰিছিল আৰু প্ৰথম ৰানাৰ-আপ হোৱাৰ লগতে ‘মিছ বেষ্ট হেয়াৰ’ খিতাপ অৰ্জন কৰিছিল। ইয়াৰ পিছত তেওঁ ফিলিপাইনৰ মেনিলাত অনুষ্ঠিত মিছ আৰ্থ ২০১১-ত অংশগ্ৰহণ কৰে।

বাহ্যিক সংযোগ

• মিছ নেপাল ২০১১-ৰ প্ৰফাইল
• মিছ নেপালৰ অধিকাৰিক ৱেবছাইট