উষা খড্‌গী

উষা খড্‌গী (নেপালী ভাষা: उषा खड्गी; ইংৰাজী ভাষা: Usha Khadgi) এগৰাকী নেপালী মডেল, টেলিভিছন পৰিচালিকা, সৌন্দৰ্য প্ৰতিযোগিতাৰ খিতাপধাৰী আৰু ব্যৱসায়ী। ২০০০ চনত তেওঁ সপ্তম মিছ নেপালৰ খিতাপ লাভ কৰিছিল।^১ ২০২২ চনৰ পৰা তেওঁ নিউজ ২৪ চেনেলত আমা নামৰ এখন টক শ্ব’ৰ চতুৰ্থ ছিজনৰ আঁত ধৰিবলৈ আৰম্ভ কৰে।

জীৱনী

নেপালৰ বীৰগঞ্জত উষা খড্‌গীৰ জন্ম হৈছিল। তেওঁৰ পিতৃৰ নাম উত্তম বাহাদুৰ খড্‌গী আৰু মাতৃৰ নাম উৰ্মিলা খড্‌গী।

তেওঁ ১৯৯৯ চনৰ মিছ পোখৰাৰ প্ৰথম ৰানাৰ্ছ-আপ আছিল আৰু পিছলৈ তেওঁ ২০০০ চনত মিছ বীৰগঞ্জত অংশগ্ৰহণ কৰি প্ৰথম ৰানাৰ্ছ-আপৰ খিতাপ জিকিছিল। একে বছৰতে তেওঁ মিছ নেপাল ২০০০-ত অংশ লয় আৰু মিছ নেপাল খিতাপ জয় কৰে। তেওঁ সপ্তমগৰাকী মিছ নেপাল আৰু ৰুবী ৰাণাৰ পিছত বীৰগঞ্জৰ পৰা হোৱা দ্বিতীয়গৰাকী বিজয়ী।

২০২২ চনৰ পৰা তেওঁ নিউজ ২৪ চেনেলত আমা নামৰ এখন টক শ্ব’ৰ চতুৰ্থ ছিজনৰ আঁত ধৰিবলৈ আৰম্ভ কৰে।^২ অনুষ্ঠানটোৰ প্ৰতিটো খণ্ডত এগৰাকী নেপালী চেলিব্ৰিটীক তেওঁলোকৰ মাতৃৰ সৈতে দেখুওৱা হয়।^৩৪ অনুষ্ঠানটোত প্ৰিয়ংকা কাৰ্কী, জিতু নেপাল আদি বিভিন্ন অভিনেতা, কৌতুক অভিনেতা আৰু গায়ক-গায়িকাই অংশগ্ৰহণ কৰিছে।

উষাৰ 'উষাজ ষ্টাইলিছ কলকচন' নামৰ এটা ফেশ্বন ডিজাইনাৰ কাপোৰ আৰু বুটিকৰ ব্যৱসায়ো আছে।^৫

চলচ্চিত্ৰপঞ্জী

টেলিভিছন

ব্যক্তিগত জীৱন

২০০৩ চনত তেওঁ সংবাদ মাধ্যমৰ ব্যক্তি জি পি তিমালচেনাৰ সৈতে বিবাহপাশত আৱদ্ধ হয়। ১৭ বছৰীয়া দাম্পত্য জীৱনৰ অন্তত ২০২০ চনত তেওঁলোকৰ বিচ্ছেদ ঘটে।^৬ তেওঁলোকৰ এজনী ছোৱালী আৰু এজন ল’ৰা সন্তান আছে।^৭

লগতে চাওক

• ৰুবী ৰাণা