অনাইতা নায়াৰ

অনাইতা নায়াৰ (জন্ম ১৯ জুলাই ১৯৮৪) এগৰাকী ভাৰতীয় চলচ্চিত্ৰ আৰু নাট্যমঞ্চ অভিনেত্ৰী তথা গায়িকা। তেওঁ বিশেষকৈ ক্ৰীড়া বিষয়ক চলচ্চিত্ৰ চক দে ইণ্ডিয়া (২০০৭)ত ভাৰতীয় মহিলা ৰাষ্ট্ৰীয় হকী দলৰ সদস্য আলিয়া ব’ছৰ চৰিত্ৰত অভিনয় কৰাৰ বাবে জনাজাত।

কেৰিয়াৰ

নায়াৰৰ জন্ম হয় বেংগালুৰুত এজন মালয়ালম পিতৃ আৰু পাৰ্মাচী তৃৰ ঘৰত।^১২৩ তেওঁ বেংগালুৰুৰ দ্য ফ্ৰেংক এন্থনি পাব্লিক স্কুলত বিদ্যালয় শিক্ষা গ্ৰহণ কৰে আৰু বেংগালুৰু বিশ্ববিদ্যালয়ত অধ্যয়ন কৰে।^১ শিক্ষা সম্পূৰ্ণ কৰাৰ পাছত তেওঁ মুম্বাইলৈ স্থানান্তৰিত হয়।^৪

২০০৭ চনৰ ক্ৰীড়া বিষয়ক চলচ্চিত্ৰ চক দে ইণ্ডিয়াত ভাৰতীয় মহিলা ৰাষ্ট্ৰীয় হকী দলৰ সদস্য আলিয়া ব’ছৰ চৰিত্ৰত অভিনয় কৰাৰ পাছতে তেওঁ জনপ্ৰিয়তা লাভ কৰে। তেওঁ দুটা মালয়ালম ভাষা চলচ্চিত্ৰতো অভিনয় কৰিছে — বাই দ্য পিপল (২০০৫) আৰু আই জি (২০০৯)। ইয়াৰ উপৰি তেওঁ ভাৰ্জিন মোবাইল, ডেইৰী মিল্ক সিল্ক, এচাৰ, ডাভ, মেডিকেল এবৰশন পিলছ আৰু নেস্কাফে আদি বিভিন্ন টিভি বিজ্ঞাপনতো অভিনয় কৰিছে।

তেওঁ ব্ৰিটিছ-ভাৰতীয় কমেডি শৃংখলা মুম্বাই কলিং ত বিন্দিয়া চৰিত্ৰত অভিনয় কৰিছিল।^১ তেওঁৰ দ্বিতীয় হিন্দী মুক্তিপ্ৰাপ্ত চলচ্চিত্ৰ আছিল শ্যাম বেনেগাল পৰিচালিত ৱেল ডান আব্বা (২০১০)। নায়াৰে নাগেশ কুকুনূৰ পৰিচালিত আশায়েঁ চলচ্চিত্ৰতো অভিনয় কৰে, য’ত তেওঁ কেঞ্চাৰ ৰোগীৰ চৰিত্ৰ পালন কৰে। এই চৰিত্ৰৰ বাবে তেওঁ নিজৰ মূৰ মুণ্ডন কৰিছিল।^৫

তেওঁ ঝুঠা হি সহী আৰু ডাম মাৰো ডাম চলচ্চিত্ৰতো অভিনয় কৰিছিল।^৩৬ তেওঁৰ পিছৰ মুক্তিপ্ৰাপ্ত চলচ্চিত্ৰসমূহ হৈছে সুনীল পিল্লাই পৰিচালিত একান্ত আৰু নিশিকান্ত কামত পৰিচালিত ফোৰ্চ।

অভিনয়ৰ উপৰি নায়াৰ এস৫ নামৰ সংগীত দলৰ সদস্য আছিল আৰু ছনি-বিএমজি সংস্থাৰ সৈতে ইসাই এলবাম মুক্তি কৰিছিল।^৭

চলচ্চিত্ৰতালিকা