ৱালুছা ডি চুজা

ৱালুছা ডি চুজা (ইংৰাজী ভাষা: Waluscha De Sousa; জন্ম: ২৮ নৱেম্বৰ ১৯৮১)^১ এগৰাকী ভাৰতীয় অভিনেত্ৰী আৰু মডেল।^২৩৪ তেওঁ ২০১৬ চনৰ হিন্দী ভাষা ছবি ফেনৰ জৰিয়তে অভিনয় জগতত আত্মপ্ৰকাশ কৰিছিল, য’ত তেওঁ শ্বাহৰুখ খানৰ বিপৰীতে অভিনয় কৰিছিল।^৫৬৭৮

প্ৰাৰম্ভিক জীৱন আৰু শিক্ষা

ৱালুছা ডি চুজা গোৱাৰ বাসিন্দা আৰু তেওঁ পিতৃৰফালৰপৰা পৰ্তুগীজ তথা মাতৃৰফালৰপৰা জাৰ্মান বংশোদ্ভৱ।^৯ ১৬ বছৰ বয়সতে ফেশ্বন ডিজাইনাৰ ৱেণ্ডেল ৰড্ৰিকছে তেওঁক আৱিষ্কাৰ কৰিছিল।^১০১১

ৱালুছা সাগৰৰ পাৰত বাস কৰিছিল আৰু ডাঙৰ-দীঘল হোৱাৰ সময়ছোৱাত এগৰাকী এথলীট আছিল। তেওঁ আউটড’ৰ এডভেন্সাৰ ভাল পায়। তেওঁ পাঞ্জিমৰ ডোনা পউলাৰ 'আৱাৰ লেডী অৱ দ্য ৰোজাৰী' স্কুলত পঢ়িছিল আৰু পিছলৈ মাপুছাৰ চেইণ্ট জেভিয়াৰ্ছ কলেজত শিক্ষা সমাপ্ত কৰিছিল।

কেৰিয়াৰ

ৱালুছাই দেশৰ অগ্ৰণী ডিজাইনাৰসকলৰ বাবে মডেলিং কৰিছিল আৰু পৰৱৰ্তী সময়ত মিছ ইণ্ডিয়া প্ৰতিযোগিতাত অংশ লৈ "মিছ বডী বিউটিফুল" খিতাপ অৰ্জন কৰিছিল।^১২ ১৭ বছৰ বয়সতে তেওঁ শ্বাহৰুখ খানৰ সৈতে পেপচিৰ বাবে প্ৰথমটো টিভি বিজ্ঞাপন কৰিছিল। বছৰ বছৰ পাছত তেওঁ পুনৰ অভিনেতাজনৰ সৈতে এটা হুণ্ডাইৰ বিজ্ঞাপনত অভিনয় কৰে।^১৩১৪ ইয়াৰ উপৰি তেওঁ জয়পুৰ জুৱেলছ, লৰিয়েল,^১৫ এভন হেয়াৰকেয়াৰ নেচাৰেলছ^১৬ আৰু ফাল্গুনী এণ্ড শ্বেনৰ নতুন পিকক কালেকচন ২০১৬-ৰ দৰে ব্ৰেণ্ডৰ মুখ হৈ পৰিছে।^১৭

২০১৬ চনত ৱালুছাই শ্বাহৰুখ খানৰ ছবি ফেনৰ জৰিয়তে আত্মপ্ৰকাশ কৰে।

ব্যক্তিগত জীৱন

তেওঁ গোৱাত মাৰ্ক ৰবিনছনৰ সৈতে বিবাহপাশত আবদ্ধ হৈছিল। দম্পতীটোৰ তিনিটি সন্তান আছে— শ্বেনেল ৰবিনছন, ব্ৰুকলিন ৰবিনছন আৰু চিয়েনা ৰবিনছন। ২০১৩ চনত তেওঁলোকৰ বিবাহ বিচ্ছেদ ঘটে।^{১৮১৯২০}

মেগাজিনৰ বেটুপাত

• এফ এইচ এম (ভাৰত)^২১
• ভাৰ্ভ^২২
• হাৰ্পাৰছ বজাৰ^২৩
• বলীউড ফিল্মফেম ক’ভাৰ
• ট্ৰেভেল + লেজাৰ মেগাজিন (ভাৰত)^২৪
• ভাইভা গোৱা^২৫
• ফেমিনা চেলুন এণ্ড স্পা
• স্মাৰ্টলাইফ
• এল বিউটি^২৬
• জিকিউ ইণ্ডিয়া^২৭২৮
• ভৌগ বিউটি এডিটৰিয়েল^২৯
• চিনে ব্লিটজ
• মেনছ ৱৰ্ল্ড^৩০

চলচ্চিত্ৰপঞ্জী

টেলিভিছন