হৰ্শা এন দেৱানী

হৰ্ষা এন দেৱনী (Harsha N. Devani,জন্ম ২৭ মাৰ্চ ১৯৫৮)^১ এগৰাকী ভাৰতীয় ন্যায়াধীশ। তেওঁ গুজৰাট উচ্চ ন্যায়ালয়ৰ প্ৰাক্তন বিচাৰক।^১২

জীৱন

১৯৫৮ চনৰ ২৭ মাৰ্চত আমৰেলি জিলা, গুজৰাটৰ কুংকৱাভত হৰ্ষা এন দেৱানীৰ জন্ম হৈছিল।^৩ তেওঁ প্ৰকাশ উচ্চতৰ মাধ্যমিক বিদ্যালয়, আহমেদাবাদ, কনভেণ্ট লিটিল ফ্লাৱাৰ স্কুল, ডিব্ৰুগড়, অসম; আৰু লৰেটো কনভেণ্ট, ৰাঁচীৰ পৰা মাধ্যমিক বিদ্যালয়ৰ শিক্ষা সম্পূৰ্ণ কৰিছিল৷^৩ তেওঁ এম.জি. বিজ্ঞান প্ৰতিষ্ঠান, আহমেদাবাদৰ পৰা মাইক্ৰ'বায়'লজিত বিজ্ঞানৰ স্নাতক; স্কুল অৱ চাইন্স, গুজৰাট বিশ্ববিদ্যালয়ৰ পৰা মাইক্ৰ’বায়’লজীত স্নাতকোত্তৰ; আৰু এল.এ. শ্বাহ ল কলেজ, আহমেদাবাদৰ পৰা এলএলবি সম্পূৰ্ণ কৰে।^৩

১৯৯২ চনৰ ১০ জুলাইত তেওঁ উকীল হিচাপে কৰ্মজীৱন আৰম্ভ কৰে।^৩ ২০০৪ চনৰ ৮ অক্টোবৰত গুজৰাট উচ্চ ন্যায়ালয়ৰ অতিৰিক্ত ন্যায়াধীশ হিচাপে তেওঁক নিযুক্তি দিয়া হয়৷ পৰৱৰ্তী সময়ত ২০০৭ চনৰ ৯ আগষ্টত তেওঁ স্থায়ী ন্যায়াধীশ হিচাপে নিযুক্তি লাভ কৰে।^৩২

২০০২ চনৰ নাৰোদা পাটিয়া হত্যাকাণ্ড গোচৰৰ আপীল শুনানি গ্ৰহণ কৰা দুগৰাকী ন্যায়াধীশৰ ভিতৰত তেওঁ অন্যতম আছিল।^৪

২০২০ চনৰ ২৬ মাৰ্চত হৰ্শা এন দেৱানীয়ে অৱসৰ গ্ৰহণ কৰিছিল।