হৰিণী নাগ্ৰেণ্ডা (Harini Nagendra) এগৰাকী ভাৰতীয় পৰিৱেশবিদ যিয়ে দক্ষিণ এছিয়াৰ প্ৰেক্ষাপটত বনাঞ্চল আৰু চহৰসমূহৰ সামাজিক-পৰিৱেশগত বহনক্ষমতাক গঢ় দিয়া কাৰকসমূহ পৰীক্ষা কৰিবলৈ জীৱ বৈচিত্ৰ্যৰ ক্ষেত্ৰ অধ্যয়ন, আৰ্কাইভ গৱেষণা, প্ৰতিষ্ঠানিক বিশ্লেষণ আৰু সম্প্ৰদায়ৰ সাক্ষাৎকাৰৰ সৈতে সংযুক্ত উপগ্ৰহৰ দূৰৱৰ্তী চেন্সিং ব্যৱহাৰ কৰে।১২ তেওঁৰ আগ্ৰহৰ ক্ষেত্ৰসমূহৰ ভিতৰত আছে নগৰীয়া বহনক্ষমতা, পৰিৱেশ আৰু উন্নয়ন, ভূমি পৰিৱৰ্তন, জীৱ বৈচিত্ৰ্য আৰু সংৰক্ষণ।
প্ৰাথমিক আৰু ব্যক্তিগত জীৱন
১৯৭২ চনত ভাৰতৰ তামিলনাডুৰ চেলেমত নাগ্ৰেণ্ডাৰ জন্ম হৈছিল।৩
উদ্ভিদ বিজ্ঞানী মাতৃৰ ঘৰত জন্মগ্ৰহণ কৰা নাগ্ৰেণ্ডাই তেওঁৰ পৰা অনুপ্ৰাণিত হৈ বিজ্ঞানৰ ক্ষেত্ৰখনত কেৰিয়াৰ গঢ়িবলৈ সক্ষম হয়। নাগ্ৰেণ্ডা বিবাহিত আৰু এগৰাকী কন্যা সন্তানৰ মাতৃ।২
শিক্ষা
নাগ্ৰেণ্ডাই ১৯৯২ চনত বেংগালুৰু বিশ্ববিদ্যালয়ৰ পৰা বিজ্ঞানৰ স্নাতক আৰু ১৯৯৫ চনত তেওঁ ভাৰতীয় বিজ্ঞান প্ৰতিষ্ঠানৰ পৰা জৈৱ বিজ্ঞানত স্নাতকোত্তৰ ডিগ্ৰী লাভ কৰে।৪
১৯৯৭ চনৰ ডিচেম্বৰ মাহত তেওঁ ইণ্ডিয়ান ইনষ্টিটিউট অৱ চাইন্স ইন ইক’লজিকেল চায়েন্সৰ পৰা পি এইচ ডি সমাপ্ত কৰে।১
কেৰিয়াৰ
বৰ্তমান নাগ্ৰেণ্ডা বাংগালুৰুৰ আজিম প্ৰেমজী বিশ্ববিদ্যালয়ত বহনক্ষমতাৰ অধ্যাপক।৫ তেওঁ আজিম প্ৰেমজী বিশ্ববিদ্যালয়ত ভাৰতৰ নগৰীয়া বহনক্ষমতা কেন্দ্ৰৰ সমন্বয়ক।৬ বহনক্ষমতাৰ বৃহত্তৰ বিশ্ব সংকটে নাগ্ৰেণ্ডাক এই বিষয়ত গৱেষণা কৰিবলৈ প্ৰেৰণা দিয়ে।৭
১৯৯৮ চনত ছান ডিয়েগোৰ কেলিফৰ্ণিয়া বিশ্ববিদ্যালয়ৰ অতিথি গৱেষক হিচাপে কাম কৰিছিল। ২০০৩ চনৰ পৰা ২০১৩ চনলৈকে তেওঁ এগৰাকী স্বতন্ত্ৰ গৱেষক আছিল।২ দক্ষিণ এছিয়াৰ বনাঞ্চল আৰু চহৰ আৰু বিশ্বজুৰি তেওঁ বিভিন্ন প্ৰসংগত কাম কৰিছে।৮ ২০১৩ চনত নাগেন্দ্ৰই মিনেছ'টাৰ চেণ্ট পলৰ মেকালেষ্টাৰ কলেজত হুবাৰ্ট এইচ হামফ্ৰে ডিষ্টিংচড ভিজিটিং প্ৰফেচাৰ হিচাপে কাৰ্যনিৰ্বাহ কৰিছিল।৪
তেওঁৰ নামত ১৫০ টাতকৈও অধিক বৈজ্ঞানিক প্ৰকাশন আছে আৰু ভাৰতীয় বাতৰি কাকত আৰু অন্যান্য মঞ্চৰ জৰিয়তে তেওঁ তেওঁৰ গৱেষণাৰ বিষয়ে বহুলভাৱে লিখে। প্ৰগ্ৰেম ফৰ ইক’চিষ্টেম চেঞ্জ এণ্ড ছ’চাইটিৰ ষ্টিয়াৰিং কমিটিত থকাকে ধৰি আন্তঃৰাষ্ট্ৰীয় গৱেষণাৰ সৈতেও তেওঁ জড়িত আৰু ৫ম আইপিচিচি প্ৰতিবেদন – কাৰ্য্যগোষ্ঠী তৃতীয়ৰ এজন মুখ্য লেখক।৮
নাগ্ৰেণ্ডাৰ শেহতীয়া গ্ৰন্থ “নেচাৰ ইন দ্য চিটি: বেংগালুৰু ইন দ্য পাষ্ট, প্ৰেজেণ্ট, এণ্ড ফিউচাৰ” (অক্সফৰ্ড ইউনিভাৰ্চিটি প্ৰেছ ইণ্ডিয়া, ২০১৬)ত বাংগালুৰুত মানৱ-প্ৰকৃতিৰ পাৰস্পৰিক ক্ৰিয়াৰ পৰিৱৰ্তন বিষয়ে খ্ৰীষ্টীয় ষষ্ঠ শতিকাৰ পৰা বৰ্তমানলৈ বিশ্বৰ দক্ষিণত দ্ৰুতগতিত বৃদ্ধি পোৱা চহৰসমূহৰ নগৰীয়া বহনক্ষমতাৰ বাবে এনে পৰিৱৰ্তনৰ প্ৰভাৱৰ বিষয়ে আলোচনা কৰিছে।৫৮
২০২২ চনত নাগ্ৰেণ্ডাৰ প্ৰথম ৰহস্য উপন্যাস দ্য বেংগালুৰু ডিটেক্টিভছ ক্লাব আমেৰিকা, যুক্তৰাষ্ট্ৰ আৰু ভাৰতত প্ৰকাশ পায়।৯
বঁটা
২০০৬ চনত নাগ্ৰেণ্ডাই নেচনেল একাডেমী অৱ চাইন্সেছ ইউ এছ এৰ প্ৰচিডিংছৰ পৰা কজাৰেলি বঁটা লাভ কৰে।৮
নগৰীয়া সাধাৰণ মিল থকা বিষয়সমূহৰ ওপৰত কৰা গৱেষণা আৰু অনুশীলনৰ বাবে ২০১৩ চনৰ এলিন'ৰ অষ্ট্ৰম চিনিয়ৰ স্কোলাৰ বঁটা লাভ কৰিছে।১১০
২০১৭ চনত নাগ্ৰেণ্ডাই ভাৰতত আন্তঃশাখা গৱেষণাৰ বাবে ক্লাৰিভেট বঁটা লাভ কৰে।৮
তথ্যসূত্ৰ
- ↑ Harini Nagendra. The Conversation
- ↑ (2016-03-22). Ten women, ten questions: Harini Nagendra. IndiaBioscience
- ↑ Harini Nagendra, Ph.D.. Harini Nagendra, Ph.D.
- ↑ Azim Premji University. azimpremjiuniversity.edu.in
- ↑ Harini Nagendra. downtoearth.org.in
- ↑ People: Harini Nagendra. azimpremjiuniversity.edu.in
- ↑ (12 July 2020). We know what we need to do, but we won't do it. deccanherald.com
- ↑ (2018-06-13). Harini Nagendra. edX
- ↑ The Bangalore Detectives Club. fantasticfiction.com
- ↑ PhD, Harini NagendraAzim Premji University · School of Development 39 56 ·. Harini Nagendra · PhD. · Azim Premji University, Bengaluru · School of Development. ResearchGate
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “হৰিণী নাগ্ৰেণ্ডা” প্ৰবন্ধৰ সংশোধন ৬০১১৬৮ (১৮ এপ্ৰিল ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।