হেমলতা মহিশ্বৰ

হেমলতা মহিশ্বৰ (ইংৰাজী ভাষা: Hemlata Mahishwar; জন্ম: ৫ নৱেম্বৰ ১৯৬৬) এগৰাকী ভাৰতীয় হিন্দী ভাষা লেখিকা,^১২ সাহিত্য সমালোচক আৰু পণ্ডিত। তেওঁ মূলতঃ দলিত সাহিত্য আৰু মহিলা অধ্যয়নৰ ক্ষেত্ৰত বিশেষজ্ঞতাৰ বাবে পৰিচিত।^৩৪৫৬

প্ৰাৰম্ভিক জীৱন আৰু শিক্ষা

১৯৬৬ চনৰ ৫ নৱেম্বৰত ভাৰতৰ মধ্য প্ৰদেশৰ বালাঘাটত হেমলতাৰ জন্ম হৈছিল।^৭ তেওঁৰ পিতৃ ৰামপ্ৰসাদ মেছৰাম এগৰাকী খাদ্য পৰিদৰ্শক আছিল আৰু মাতৃ প্ৰেমলতা মেছৰাম এগৰাকী গৃহিনী আছিল। পিতৃৰ চাকৰিৰ সূত্ৰে বিভিন্ন সৰু সৰু গাঁও আৰু চহৰলৈ সঘনাই সলনি হৈ থকাৰ বাবে এঠাইতে শিক্ষা অব্যাহত ৰখাটো তেওঁৰ বাবে প্ৰত্যাহ্বানমূলক আছিল।^৮ হেমলতাৰ বিদ্যালয়ৰ যাত্ৰা বিভিন্ন ঠাইত সিঁচৰতি হৈ আছিল: তেওঁ প্ৰথমৰপৰা তৃতীয় শ্ৰেণীলৈ ৰায়পুৰত, চতুৰ্থ আৰু পঞ্চম শ্ৰেণী চাৰাইপালিত,^৯ ষষ্ঠ আৰু সপ্তম শ্ৰেণী বালাঘাটত আৰু অষ্টম তথা নৱম শ্ৰেণী বস্তাৰত অধ্যয়ন কৰিছিল।^১০ তেওঁ ১৯৮৩ চনত বস্তাৰৰ কালিবাডীস্থিত চৰকাৰী কন্যা উচ্চতৰ মাধ্যমিক বিদ্যালয়ৰপৰা উচ্চতৰ মাধ্যমিক শিক্ষা সম্পূৰ্ণ কৰে।^১১ ইয়াৰ পিছত হেমলতাই ৰায়পুৰৰ দুৰ্গা কলেজৰপৰা হিন্দী সাহিত্যত স্নাতক (বি.এ.) আৰু স্নাতকোত্তৰ (এম.এ.) ডিগ্ৰী লাভ কৰে।^১২১৩ পৰৱৰ্তী সময়ত তেওঁ বি.এড°, এম.ফিল. আৰু পিএইচডি ডিগ্ৰীও সম্পূৰ্ণ কৰে।^{১৪৮১৫}

কৰ্মজীৱন

২০১০ চনৰ পৰা তেওঁ নতুন দিল্লীৰ জামিয়া মিলিয়া ইছলামিয়াৰ হিন্দী বিভাগত এগৰাকী অধ্যাপক হিচাপে সেৱা আগবঢ়াই আহিছে। ইয়াৰ পূৰ্বে তেওঁ ছত্তীশগড়ৰ বিলাসপুৰস্থিত গুৰু ঘাসীদাস বিশ্ববিদ্যালয়ৰ হিন্দী বিভাগৰ মুৰব্বী আছিল, য’ত তেওঁ ১৯৮৯ চনৰ পৰা ২০১০ চনলৈকে অৱদান আগবঢ়াইছিল।^{১৬১৭১৮}

নিৰ্বাচিত কৰ্মসমূহ

• Mahishwar, Hemlata. (1 January 2019). Samkaleen Sahitya Aur Vimarsh. GPS Books. ISBN 978-8193899502
• Mahishwar, Hemlata. (2008). Stri Lekhan Aur Samay Ke Sarokar. Shilpayan, Delhi. ISBN 978-8188080083^১৯
• महिश्वर, प्रो. हेमलता. (1 January 2019). Dalit Sahitya Ki Charchit Prem Kahaniya. GPS Books. ISBN 978-8193899502
• Mahishwar, Hemlata. (2015). Neel Neele Rang Ke^{২০২১২২২৩}
• Mahishwar, Hemlata. (2008). Unki Jijivisha Dangarsha. Samiksha Publication. ISBN 978-8190378413

প্ৰকাশন

• ৰাষ্ট্ৰীয় অস্মিতা: এক ভাৰতীয় দৃষ্টিভংগ ৰাষ্ট্ৰীয় অস্মিতা: এক ভাৰতীয় দৃষ্টিভংগ অন্যথা, সম্পাদক: কৃষ্ণ কিশোৰ। ১ জুন ২০০৮
• ভাষা ঔৰ ভাষাহীনতা ভাষা ঔৰ ভাষাহীনতা কৃতি সংস্কৃতি সন্ধান। ১ জানুৱাৰী ২০০৫

বাহ্যিক সংযোগ

• ৱাল্মীকি, ৰাজ. (10 July 2022). "দেশ কী জনতা অভী ভী প্ৰজা বনী হুয়ী হ্যায়, উচনে নাগৰিক বননা নহী শিখা". Newsclick
• হেমলতা মহিশ্বৰ ফৰৱাৰ্ড প্ৰেছৰ লেখক হিচাপে।