হিউমেন সাগৰ

হিউমেন সাগৰ (ওড়িয়া ভাষা: ହ୍ୟୁମାନ ସାଗର) হ'ল ওড়িশাৰ চলচ্চিত্ৰ জগতৰ এগৰাকী বিশিষ্ট গায়ক।^১২৩ স্থানীয় ৰাইজে তেওঁক ওড়িশাৰ অৰিজিৎ সিং বুলিও সম্বোধন কৰে। "তৰংগ" টিভি চেনেলত প্ৰচাৰিত "ভয়েচ ওড়িশা ছিজন ২"ৰ ৰিয়েলিটি শ্ব' বিজয়ী হোৱাৰ পিছত তেওঁ খ্যাতি লাভ কৰে।^৪ সংগীতৰ প্ৰতি থকা আসক্তিৰ বাবে তেওঁ মেডিকেল পঢ়া বাদ দিছিল।^৫

জীৱনী

ওড়িশাৰ বলাংগীৰ জিলাৰ টিটললগড়ৰ সংগীতৰ সৈতে জড়িত এটা পৰিয়ালত জন্ম লাভ কৰা হিউমেন সাগৰে তৃতীয় শ্ৰেণীৰ ছাত্ৰ হৈ থকাৰ সময়তে গুৰু শ্ৰী সুব্ৰংসু মিশ্ৰৰ সহায়ত সংগীত শিকিবলৈ আৰম্ভ কৰিছিল।^৫ সৰুৰে পৰাই তেওঁ বিভিন্ন সংগীত প্ৰতিযোগিতাত অংশগ্ৰহণ কৰি পুৰস্কাৰ লাভ কৰিছিল। তেওঁৰ ককাদেউতাকে বিভিন্ন সম্বলপুৰী লোকগীতৰ সংগীত পৰিচালনা কৰিছিল।^৬ তেওঁৰ পিতৃ অল ইণ্ডিয়া ৰেডিঅ’ ‘বি’ গ্ৰেড গায়ক, মাকো এগৰাকী সংগীতজ্ঞ।^৭ তেওঁ চিকিৎসা মহাবিদ্যালয়ত অধ্যয়ন কৰিবলৈ আৰম্ভ কৰিছিল যদিও সংগীতৰ প্ৰতি থকা অপৰিসীম প্ৰেম আৰু আসক্তিৰ বাবে প্ৰথম বৰ্ষতে চিকিৎসা-বিজ্ঞানৰ শিক্ষা ত্যাগ কৰি সংগীত জগতত প্ৰৱেশ কৰে।^৭

তেওঁ ২০১২ চনত তৰংগ টিভিত "ভয়েচ অৱ ওড়িশা" নামৰ এটা ৰিয়েলিটি টিভি শ্ব'ৰ প্ৰতিযোগিতাত অংশগ্ৰহণ কৰি শ্ব'টোত জয়ী হয়।^৮

হিউমেন সাগৰে ২০১৭ চনত ভইচ অৱ ওড়িশা ছিজন ২ শ্ব'ত সহযোগী অংশগ্ৰহণকাৰী শ্ৰিয়া মিশ্ৰৰ সৈতে বিবাহপাশত আবদ্ধ হয়। তেওঁলোকৰ এজনী ছোৱালী আছে।^৬৯

কেৰিয়াৰ

সাংগীতিক কেৰিয়াৰ

অভিজিত মজুমদাৰ পৰিচালিত চলচ্চিত্ৰ "ইস্ক তু হি তু"ৰ শীৰ্ষক গীত গাই তেওঁক দৰ্শকৰ মাজত জনপ্ৰিয় হৈছিল।^৬১০ ২০১৭ চনত "গজল গজল" গীতটোৰ বাবে তেওঁ শ্ৰেষ্ঠ পুৰুষ কণ্ঠশিল্পীৰ চকলেট বঁটা লাভ কৰে।^১১ তেওঁ হিন্দী ভাষা এলবাম "মেৰা য়ে জাহান"তো গীত গাইছে।^{১২১৩১৪} ২০১৭ চনত তেওঁ বিভিন্ন ওডিয়া সংগীত এলবাম "তুম ওঁঠ তলে", 'নিশ্বাস', 'বেখুদি', আৰু 'চেহৰা'ত গীত গাইছে।^{১৫১৬১৭}

ৰাজনৈতিক কেৰিয়াৰ

হিউমেন সাগৰে ২০১৯ চনৰ ৩ মাৰ্চত ভাৰতৰ ওড়িশা ৰাজ্যৰ এটা ৰাজনৈতিক দল "বিজু জনতা দল" (BJD)-ৰ হৈ ৰাজনীতিত যোগদান কৰে।^১৮১৯

কণ্ঠদান কৰা চলচ্চিত্ৰ