স্বাসিকা

পূজা বিজয় (জন্ম: ৫ নৱেম্বৰ ১৯৯১), যিজনী পেছাগতভাৱে নিজৰ মঞ্চ নাম স্বাসিকা (ইংৰাজী ভাষা: Swasika) নামেৰে অধিক পৰিচিত, এগৰাকী ভাৰতীয় অভিনেত্ৰী আৰু টেলিভিছন উপস্থাপিকা। তেওঁ মুখ্যত মালয়ালম ভাষা চলচ্চিত্ৰ আৰু টেলিভিছন ধাৰাবাহিকত সহযোগী চৰিত্ৰত অভিনয় কৰাৰ উপৰি কেইখনমান তামিল ছবিতো অভিনয় কৰিছে।^১

ব্যক্তিগত জীৱন

স্বাসিকা (পূজা বিজয়) কেৰালাৰ এৰ্নাকুলাম জিলাৰ পেৰুম্বাভুৰৰ আট্টুপুৰথ বিজয়কুমাৰ (বাহৰেইনৰ এজন একাউণ্টেণ্ট) আৰু গিৰিজাৰ সন্তান। আকাশ নামৰ তেওঁৰ এজন ভাতৃ আছে।^২৩ সাহিত্যত স্নাতক ডিগ্ৰী লাভ কৰাৰ পাছত তেওঁ নৃত্যৰ প্ৰশিক্ষণ লৈছিল।^৪ ২০২৪ চনৰ ২৬ জানুৱাৰীত তেওঁ প্ৰেম জেকবৰ সৈতে বিবাহপাশত আবদ্ধ হয়।^৫

কৰ্মজীৱন

তেওঁৰ প্ৰথমখন ছবি আছিল সুন্দৰপাণ্ডিৰ বৈগাই, যিখন আছিল এটা প্ৰেম কাহিনী। তেওঁৰ চৰিত্ৰটো এজন বাস্তৱ জীৱনৰ ব্যক্তিৰ ওপৰত আধাৰিত আছিল।^৬ ইয়াৰ পিছত তেওঁ ৰাচু মধুৰাৱনৰ গোৰিপালয়ম (২০১০)ত অভিনয় কৰে, য’ত তেওঁ দ্বিতীয় মুখ্য চৰিত্ৰটো ৰূপায়ণ কৰিছিল। সেই সময়ত তেওঁ এগৰাকী ছাত্ৰী আছিল। তেওঁৰ তৃতীয়খন ছবি মৈথানম (২০১১) সমালোচক আৰু দৰ্শক দুয়োৰেপৰাই ইতিবাচক সঁহাৰি লাভ কৰিছিল।^৬ এই ছবিখনত তেওঁ এগৰাকী গাঁৱলীয়া ছোৱালীৰ চৰিত্ৰত অভিনয় কৰিছিল যিয়ে "সংস্কৃতি আৰু পৰম্পৰাক মূল্য দিয়ে।" ^৬ পৰিচালক চিলানৰ পৰৱৰ্তী ছবি কাণ্ডাথুম কানাদাথুমত তেওঁ এগৰাকী "চহৰীয়া কলেজীয়া ছোৱালী"ৰ চৰিত্ৰত অভিনয় কৰে।^৬ তেওঁ চিনেমা কোম্পানী (২০১২)ৰ জৰিয়তে মালয়ালম চলচ্চিত্ৰত আত্মপ্ৰকাশ কৰে আৰু সজীৱন অন্তিক্কাডৰ প্ৰভুৱিণ্টে মাক্কাল (২০১২)ত মুখ্য অভিনেত্ৰী হিচাপে কাম কৰে। ২০১৪ চনৰ তামিল থ্ৰিলাৰ পাণ্ডুভমত তেওঁ এগৰাকী মনোৰোগ বিশেষজ্ঞৰ চৰিত্ৰত অভিনয় কৰিছিল, যিটো তেওঁৰ পূৰ্বৰ তামিল চৰিত্ৰবোৰৰ তুলনাত অধিক আধুনিক আছিল।^৭৮

তেওঁ টেলিভিছন এংকৰ হিচাপেও কাম কৰিছে। ২০১৪ চনত তেওঁ জীৱন টিভিত এটা অনুষ্ঠানৰ আঁত ধৰিছিল। পিছলৈ তেওঁ মাজাবিল মনোৰমাত ধাতুপুত্ৰী নামৰ ধাৰাবাহিকখনত মুখ্য চৰিত্ৰত অভিনয় কৰে। তেওঁ কিছুমান বিজ্ঞাপনতো অভিনয় কৰিছে। সূৰ্য টিভিত সম্প্ৰচাৰিত মাই মৰুমকান আছিল তেওঁৰ পৰৱৰ্তী ধাৰাবাহিক। ২০১৭ চনত এছিয়ানেটৰ চিন্তাভিষ্টায়ায়া সীতাত তেওঁ কেন্দ্ৰীয় চৰিত্ৰত অভিনয় কৰি মালয়ালী দৰ্শকৰ মাজত জনপ্ৰিয় হৈ পৰে আৰু কেইবাটাও সন্মান লাভ কৰে। ইয়াৰ পিছৰ অংশ ফ্লাৱাৰ্ছ টিভিৰ সীতাতো তেওঁ মুখ্য চৰিত্ৰত অভিনয় কৰিছিল। তেওঁ প্ৰণয়িনী নামৰ এখন ধাৰাবাহিকত চুক্তিবদ্ধ হৈছিল যদিও পিছলৈ সেয়া এৰি দিয়ে। তেওঁ নৃত্যশিল্পী হিচাপে মঞ্চ অনুষ্ঠানত সক্ৰিয় আৰু কেইবাটাও টেলিভিছন অনুষ্ঠানৰ আঁত ধৰোঁতা। ইয়াৰ উপৰি তেওঁ চুটি ছবি, মিউজিক ভিডিঅ' আৰু এলবামত অভিনয় কৰিছে।

২০১৯ চনত তেওঁ ৰহমান ব্ৰাদাৰ্ছৰ বাসন্তীত নামভূমিকাত অভিনয় কৰিছিল, যিখন ২০২১ চনৰ কেৰালা আন্তঃৰাষ্ট্ৰীয় চলচ্চিত্ৰ মহোৎসৱত প্ৰদৰ্শিত হৈছিল আৰু সমালোচকৰ প্ৰশংসা লাভ কৰিছিল। ৫০সংখ্যক কেৰালা ৰাজ্যিক চলচ্চিত্ৰ বঁটাত তেওঁ শ্ৰেষ্ঠ চৰিত্ৰ অভিনেত্ৰী (মহিলা) হিচাপে বিবেচিত হয়। ছবিখনে শ্ৰেষ্ঠ চলচ্চিত্ৰ আৰু শ্ৰেষ্ঠ চিত্ৰনাট্যৰ বঁটাও লাভ কৰিছে।^৯

তেওঁ অমৃতা টিভিৰ চেলিব্ৰিটি গেষ্ট শ্ব’ ৰেড কাৰ্পেটৰ আঁত ধৰোঁতা।^১০১১ ২০২৩ চনত তেওঁ ৰিয়েলিটি শ্ব’ আম্মায়ুম মাক্কালুমৰ আঁত ধৰোঁতা হিচাপে কাম কৰে।^১২