স্পিঅ'

স্পিঅ (প্ৰাচীন গ্ৰীক: Σπειώ, ইংৰাজী: Spio; আক্ষৰিক অৰ্থ: 'গুহাত বাস কৰা'[1]) নেৰিয়াছ আৰু অ'চেনিড ড'ৰিছৰ ৫০ গৰাকী নেৰেইডৰ ভিতৰত অন্যতম, সাগৰীয় নিম্ফ কন্যা।^১২ তেওঁক স্পেইঅ' (Speio)^৩ আৰু স্পেঅ' (Speo)^৪ বুলিও কোৱা হয়৷

কিংবদন্তি

হোমাৰৰ ইলিয়াডত বৰ্ণনা কৰা অনুসৰি একিলিছে মৃত পেট্ৰ'ক্লাছৰ বাবে কৰা দুখৰ সমভাগি হোৱা মাতৃ থেটিছক সংগ দিবলৈ সাগৰৰ গভীৰতাৰ পৰা ওলাই আহি ট্ৰয়ৰ উপকূলত সমবেত হোৱা ৩৩ গৰাকী নেৰেইডছৰ ভিতৰত স্পিঅ'ও আছিল বুলি উল্লেখ কৰা হৈছে।^৫

কিছুমান বিৱৰণীত স্পিঅ' আৰু তেওঁৰ ভগ্নী থেলিয়া, নেছাইয়া আৰু চাইমোড'চৰ সৈতে মিলি চাইৰিনৰ সমদলত অংশগ্ৰহণ কৰিছিল৷^৬ পৰবৰ্তী সময়ত পিছলৈ তেওঁলোক চাৰিও গৰাকীয়ে তেওঁলোকৰ অন্য ভগ্নী থেটিছ, মেলাইট আৰু পেনোপিয়াৰ সৈতে মিলি নায়ক ইনিয়াছ আৰু তেওঁৰ দলটোক সামুদ্ৰিক ধুমুহাৰ সময়ত সহায় কৰিবলৈ সক্ষম হৈছিল।^৭