সোনম লাম্বা

সোনম লাম্বা (জন্ম: ২৬ ফেব্ৰুৱাৰী ১৯৯৭^১) এগৰাকী ভাৰতীয় দূৰদৰ্শন অভিনেত্ৰী, যিয়ে ষ্টাৰ প্লাছৰ ধাৰাবাহিক সাথ নিভানা সাথিয়াত বিদ্যা মোডী সূৰ্যবংশী চৰিত্ৰটো ৰূপায়ণ কৰাৰ বাবে পৰিচিত।^২

জীৱন আৰু কেৰিয়াৰ

জন্ম আৰু প্ৰাৰম্ভিক কাম

লাম্বাৰ জন্ম চণ্ডীগড়ত হৈছিল আৰু তেওঁ প্ৰথমে দেশ কি বেটী নন্দিনী (২০১৩–১৪) ধাৰাবাহিকত মুখ্য মহিলা চৰিত্ৰটোৰ ভনীয়েক ৰিতু পাণ্ডে হিচাপে অভিনয় কৰিছিল। ইয়াৰ উপৰি তেওঁ বালিকা বধূ আৰু দিয়া ঔৰ বাতী হাম ধাৰাবাহিকতো অভিনয় কৰিছিল।

সফলতা (২০১৫–২০২৩)

২০১৫ চনত জনপ্ৰিয় ধাৰাবাহিক সাথ নিভানা সাথিয়াত বিদ্যা আহেম মোডীৰ চৰিত্ৰটোৱে লাম্বাক চৰ্চালৈ লৈ আহে আৰু ২০১৭ চনত ধাৰাবাহিকখন সমাপ্ত হোৱালৈকে তেওঁ ইয়াৰ সৈতে জড়িত আছিল।^৩

২০১৮ চনৰ এপ্ৰিল মাহত লাম্বাক ৰিস্তা লিখেংগে হাম নয়া ধাৰাবাহিকৰ এটা গুৰুত্বপূৰ্ণ চৰিত্ৰৰ বাবে নিৰ্বাচন কৰা হৈছিল। অৱশ্যে কাহিনীৰ বিভিন্ন পৰিৱৰ্তনৰ বাবে তেওঁ ধাৰাবাহিকখনৰপৰা আঁতৰি আহে।^৪

২০২১ চনত অঞ্জন টিভিৰ এক দুজে কি পৰছাইৰ জৰিয়তে তেওঁ পুনৰ কেৰিয়াৰ আৰম্ভ কৰে, য’ত তেওঁ সন্ধ্যা নামৰ মুখ্য চৰিত্ৰটো ৰূপায়ণ কৰিছিল।

২০২১ চনৰ ২৩ অক্টোবৰত ঝিং টিভিৰ প্যাৰ তুনে ক্যা কিয়াৰ এটা খণ্ডত সোনমক সুমনৰ চৰিত্ৰত দেখা গৈছিল।

২০২২ চনত সোনমে কালৰ্ছ টিভিৰ চশুৰাল চিমৰ কা ২ত লাবুনিৰ চৰিত্ৰত অভিনয় কৰিছিল।^৫

২০২৩ চনৰ আগষ্ট মাহত সোনমে ডিডি নেচনেলৰ ধাৰাবাহিক জাহান চান্দ ৰহতা হ্যায়ত কিৰণ নামৰ মুখ্য চৰিত্ৰটোত অভিনয় কৰিবলৈ আৰম্ভ কৰে।^৬

দূৰদৰ্শন