সোণালী দেৱ

সোণালী দেৱ (Sonali Dev; জন্ম: ১৯৭২) এগৰাকী সমকালীন ভাৰতীয় আমেৰিকান ৰোমাণ্টিক ঔপন্যাসিক। তেওঁক আ বলিউড এফেয়াৰ কিতাপখনৰ বাবে জনা যায়।

সংক্ষিপ্ত জীৱনী

১৯৭২ চনৰ আগে-পিছে সোণালী দেৱৰ জন্ম হৈছিল। মুম্বাইৰ কঙ্কনত তেওঁ জীৱনৰ প্ৰথম কালছোৱা পাৰ কৰিছিল। মনোজ থত্তেৰ সৈতে বিবাহ পাশত আৱদ্ধ হোৱাৰ পাছত, প্ৰায় ২০০৬ চনত দেৱ আমেৰিকালৈ গুচি যায় আৰু ভাৰতীয় পৰম্পৰাগত বিবাহ-পদ্ধতিক লৈ পৰম সন্তোষ প্ৰকাশ কৰে।^১২

কৰ্মজীৱন

মুম্বাইত থাকোঁতে দেৱে কিছু বলিউডী স্ক্ৰিপ্ট লিখাৰ কাম কৰিছিল; কিন্তু এইবোৰ চলচ্চিত্ৰ নিৰ্মাণৰ পৰ্যায় নাপালেগৈ। কেথৰিন কল্টৰৰ কিতাপসমূহ পঢ়ি বলিউডী চিনেমাৰ সৈতে তেওঁ এইবোৰৰ সাদৃশ্য অনুভৱ কৰে; কেথৰিনে তেওঁক প্ৰভাৱিত কৰে আৰু ২০১০ চনৰপৰা সোণালীয়ে ৰোমাণ্টিক ধাৰাৰ উপন্যাস লিখিবলৈ আৰম্ভ কৰে। .^১

কিতাপ প্ৰকাশৰ বাবে গৈ সোণালী দেৱৰ প্ৰকাশন গোষ্ঠী সমূহে দেখুওৱা জাতিগত বৈষম্যৰ অভিজ্ঞতা হ'ল; কাৰণ তেওঁৰ কাহিনীৰ প্ৰটাগনিষ্টজন আছিল ভাৰতীয় মূলৰ আৰু তেওঁ ৰোমাণ্টিক ভাৱ-বিলাসিতাৰে এই বৈচিত্ৰ্য়ময় চৰিত্ৰবোৰ অঙ্কন কৰিছিল।^৩৪

দেৱৰ প্ৰথমখন উপন্যাস আ বলিউড এফেয়াৰ ২০১৪ চনত প্ৰকাশ হয়। কিতাপখন কেন্সিংটন প্ৰকাশনে প্ৰকাশ কৰে আৰু ই ‘আমেৰিকান ৰোমাণ্টিক লেখক’ৰ দ্বাৰা ‘ৰিটা এৱাৰ্ড’ৰ বাবে মনোনীত হয়।^৩১

২০১৮ চনত, দেৱে আমেৰিকাৰ ৰোমাণ্টিক লেখকসকলৰ সন্মিলনত গ্ৰন্থাগাৰ দিৱসৰ মূল বক্তব্য প্ৰদান কৰে।^৫৬

২০১৯ চনলৈ সোণালী দেৱ নেপাৰভিল ইলিনইছত আছিল^১ আৰু এই চহৰখনে আয়োজন কৰা বিভিন্ন স্থানীয় কাৰ্য্যক্ৰমত ভাগ লৈছিল।^৭১

বিষয়

জনপ্ৰিয় বলিউডী শৈলীত গুৰুত্ব আৰোপ কৰি লিখা সোণালী দেৱৰ কাহিনীসমূহত ভাৰতীয় আৰু আমেৰিকান -এই দুয়ো সংস্কৃতিৰ সংমিশ্ৰণ ঘটিছে।^৮তেওঁৰ কাহিনীৰ চৰিত্ৰসমূহ বিভিন্ন পটভূমিৰপৰা অহা, যি অৱশেষত সম্পদৰ নৰকবাসত আৱদ্ধ হৈছে।^৯১০কিছুমান চৰিত্ৰই জাতি, সংস্কৃতি আৰু লিংগ বৈষম্যক প্ৰতিফলিত কৰিছে।^৯

তেওঁৰ প্ৰথম উপন্যাসখনত সোণালী দেৱে বাল্য বিবাহৰ ওপৰত দৃষ্টিপাত কৰিছে।^১১২দেৱে স্পষ্টকৈ কৈছে যে, তেওঁৰ বিচাৰত বাল্য-বিবাহ আৰু পৰম্পৰাগত বিবাহৰ মাজত পাৰ্থক্য আছে।^২

দেৱৰ উপন্যাসত চিত্ৰিত হোৱা পাত্ৰ সমূহে প্ৰায়ে পৰিয়াল আৰু পৰম্পৰাৰ বাধা-নিষধবোৰৰ সৈতে মোকাবিলা কৰে, ইয়াৰ সমান্তৰালকৈ উপন্যাসমূহত প্ৰতিপত্তিশীল আৰু মানসিক ৰোগী এজনৰ প্ৰতি সমাজ এখনৰ প্ৰতিক্ৰিয়াও ব্যক্ত হৈছে।^১২

দেৱৰ উপন্যাস প্ৰাইড, প্ৰিজুডিজ এণ্ড আডাৰ ফ্লেভাৰচ্‌ সামান্য বলিউডী বিষয় আৰু জেন অষ্টিনৰ ক্লাছিক উপন্যাস ‘প্ৰাইড এণ্ড প্ৰিজুডিজ’ৰ সমাহাৰ।^১৩৯

নিৰ্বাচিত কাম

স্বীকৃতি

• আ বলিউড এফেয়াৰ - ২০১৫ পঠন তালিকাভুক্ত (ৰেফাৰেঞ্চ এণ্ড ইউজাৰ চাৰ্ভিচেজ এচ'ছিয়েচন)^১৪