সুন্দৰ সিং গুৰ্জাৰ

সুন্দৰ সিং গুৰ্জাৰ (Sundar Singh Gurjar) এজন ভাৰতীয় পেৰালিম্পিক জেভলীন থ্ৰ', শ্বট পুট আৰু ডিচকাছ থ্ৰ' এথলীট যি এফ৪৬ শাখাত প্ৰতিদ্বন্দ্বিতা কৰে।^১ ৰাজস্থান ৰাজ্যত কাৰাউলিৰ নিবাসী তেওঁ পুৰুষৰ জেভলীন এফ৪৬ প্ৰতিযোগিতাত টকিঅ' ২০২০ পেৰালিম্পিকত ব্ৰঞ্জৰ পদক লাভ কৰে।^২৩ পঞ্চকুলাত অনুষ্ঠিত ষোড়শ পেৰা এথলেটিকছ ৰাষ্ট্ৰীয় চেম্পিয়নশ্বিপত তিনিটা ইভেণ্টত তিনিটা সোণৰ পদক অৰ্জন কৰি তেওঁ বিশ্ব অভিলেখ গঢ়িছিল। তেওঁ পেৰা-এথলেটিকছৰ বাবে ভাৰত চৰকাৰৰ পৰা অৰ্জুন বঁটাও লাভ কৰিছে।

কেৰিয়াৰ

সুন্দৰ সিং গুৰ্জাৰে ২০১৬ চনত ডুবাইত অনুষ্ঠিত ৮ম ফাজজা আইপিচি এথলেটিকছ গ্ৰেণ্ড প্ৰিঁত ৫৯.৩৬ মিটাৰ প্ৰদৰ্শনেৰে ২০১৬ ৰিঅ' পেৰালিম্পিকৰ বাবে 'এ' যোগ্যতা লাভ কৰিছিল।^৪ পঞ্চকুলাত অনুষ্ঠিত ষোড়শ পেৰা এথলেটিকছ ৰাষ্ট্ৰীয় চেম্পিয়নশ্বিপৰ সময়ত তেওঁ ৬৮.৪২ মিটাৰেৰে ৰাষ্ট্ৰীয় অভিলেখ গঢ়িছিল।^৫ ৯ম ফাজজা আইপিচি এথলেটিকছ গ্ৰেণ্ড প্ৰিঁত তেওঁ তিনিটা ইভেণ্টত তিনিটা সোণৰ পদক লাভ কৰিছিল। সেই তিনিটা ইভেণ্ট আছিল জেভলীন থ্ৰ', শ্বট পুট আৰু ডিচকাছ থ্ৰ'। তেওঁ ২০১৮ এছিয়ান পেৰা গেমছত জেভলীন থ্ৰ'ত ৰূপৰ পদক আৰু ডিচকাছ থ্ৰ'ত ব্ৰঞ্জৰ পদক অৰ্জন কৰিছিল।

তেওঁ ২০২১ চনত জাপানৰ টকিঅ'ত অনুষ্ঠিত ২০২০ গ্ৰীষ্মকালীন পেৰালিম্পিকৰ পুৰুষৰ জেভলীন থ্ৰ' এফ৪৬ শাখাত ব্ৰঞ্জৰ পদক অৰ্জন কৰে।^৬ সেই একেটা ইভেণ্টতে আন এগৰাকী ভাৰতীয় এথলীট দেৱেন্দ্ৰ ঝাঝাৰীয়াই ৰূপৰ পদক লাভ কৰে।^২