সুগন্ধা গাৰ্গ

সুগন্ধা গাৰ্গ এগৰাকী ভাৰতীয় অভিনেত্ৰী, গায়িকা আৰু টেলিভিছন সঞ্চালিকা।^১ তেওঁক শেহতীয়াকৈ ভাৰতীয় ৱেব ছিৰিজ গীল্টি মাইণ্ডছত দেখা গৈছিল।

কৰ্মজীৱন

গাৰ্গে ২০০৮ চনত মুক্তিপ্ৰাপ্ত চলচ্চিত্ৰ জানে তু... য়া জানে নাত শ্বালিনৰ চৰিত্ৰত অভিনয় কৰিছিল।^২৩ তেওঁ ২০০৯ চনৰ ১৯ জুনত মুক্তি পোৱা লেট্‌ছ ডান্স ছবিত গায়ত্ৰী পেটেলৰ ঘনিষ্ঠ বান্ধৱীৰ চৰিত্ৰত অভিনয় কৰিছিল আৰু মাই নেম ইজ খানত এগৰাকী ছাত্ৰী সংবাদদাতা হিচাপে ভূমুকি মাৰিছিল। ২০১০ চনৰ ১৬ জুলাইত মুক্তি পোৱা তেৰে বিন লাডেন ছবিত তেওঁ মেকআপ আৰ্টিষ্ট জয়াৰ এক গুৰুত্বপূৰ্ণ চৰিত্ৰত অভিনয় কৰিছিল। ২০০৯ চনত তেওঁ ব্ৰিটিছ কমেডী ধাৰাবাহিক মুম্বাই কলিংৰ ৭টা খণ্ডত এগৰাকী কল চেণ্টাৰ কৰ্মচাৰী হিচাপে কাম কৰিছিল। ২০১২ চনত তেওঁক পতংগ ছবিত দেখা গৈছিল।

তেওঁৰ পৰৱৰ্তী ছবিসমূহৰ ভিতৰত আছে সন্তোষ চিভানৰ চিলন, শেফালী ভূষণৰ জুগনী, তেৰে বিন লাডেনৰ চিকুৱেল আৰু মনু ৱাৰিয়াৰৰ কফী ব্লুম।^৪ চিলন (তামিলত ইনাম) ছবিত তেওঁ এগৰাকী শ্ৰীলংকান শৰণাৰ্থীৰ চৰিত্ৰত অভিনয় কৰিছে।^৫ ছবিখনত তেওঁৰ অভিনয় সম্পৰ্কে চিভানে মন্তব্য কৰিছিল যে "সুগন্ধাই যি কৰি দেখুৱালে তেনে অভিনয় আন কোনেও কৰিব নোৱাৰিলেহেঁতেন।" ^৬৭৮

গাৰ্গে টেলিভিছনত কাম কৰাৰ লগতে কেইবাটাও অনুষ্ঠান পৰিচালনা কৰিছে। ১৮ বছৰ বয়সতে তেওঁ বিবিচিৰ বাবে হাথ চে হাথ মিলা নামৰ অনুষ্ঠানটো পোনপ্ৰথমবাৰৰ বাবে সঞ্চালনা কৰিছিল।^৯ পৰৱৰ্তী সময়ত তেওঁ ইন্দ্ৰাণী দাসগুপ্তৰ সৈতে ৱাট্‌ছ উইথ ইণ্ডিয়ান মেন^১ আৰু ফক্স ট্ৰেভেলাৰত ইট হেপেনছ অনলী ইন ইণ্ডিয়াৰ দ্বিতীয়টো ছিজন সঞ্চালনা কৰিছিল।^১০ তেওঁ আই হেভ গন মাৰ্কিং আৰু চামটাইমছ নামৰ নাটকত অভিনয় কৰিছে।^১১ তেওঁ এমটিভিৰ কোক ষ্টুডিঅ' ছিজন ২ত পাপনৰ সৈতে অসমীয়া গীত "টোকৰী" পৰিৱেশন কৰিছিল।

তেওঁ আৰ্যা নামৰ ধাৰাবাহিকখনত মুখ্য চৰিত্ৰত থকা সুস্মিতা সেনৰ চৰিত্ৰটোৰ ঘনিষ্ঠ বান্ধৱী হিনা খানৰ চৰিত্ৰত অভিনয় কৰিছিল।^১২ এই ধাৰাবাহিকখনত তেওঁ সংগ্ৰামৰ প্ৰেমিকা আৰু জীতৰ মাতৃৰ চৰিত্ৰতো অভিনয় কৰিছে।^১৩১৪

ব্যক্তিগত জীৱন

গাৰ্গে দিল্লী বিশ্ববিদ্যালয়ৰ মৈত্ৰেয়ী মহাবিদ্যালয়ৰপৰা স্নাতক ডিগ্ৰী লাভ কৰে।^১৫ গাৰ্গে ২০০৬ চনত টেলিভিছন প্ৰযোজক তথা এমটিভি ৰিয়েলিটি শ্ব’ৰ সঞ্চালক ৰঘু ৰামৰ সৈতে বিবাহপাশত আবদ্ধ হৈছিল।^১৬ ২০১৮ চনৰ ৩০ জানুৱাৰীত তেওঁলোকৰ আনুষ্ঠানিকভাৱে বিবাহ বিচ্ছেদ ঘটে।^{১৭১৮১৯}

চলচ্চিত্ৰপঞ্জী

চলচ্চিত্ৰ

ৱেব ছিৰিজ

টেলিভিছন

সংগীতপঞ্জী